Mikel Jauregi sailburuak ITP Aero bisitatu du, motor aeronautiko efizienteagoen eta jasangarriagoen fabrikazioan nazioarteko liderra den euskal enpresa
- Eusko Jaurlaritzak % 6ko partaidetza du ITP Aeron, FINKATUZ funtsaren bidez, Euskal Autonomia Erkidegoarentzat estrategikoa eta euskal ekonomiaren bultzatzailea den enpresa baten errotzea bermatzeko.
Industria, Trantsizio Energetiko eta Jasangarritasuneko sailburu Mikel Jauregi ITP Aeroren Zamudioko egoitzan izan da, Bizkaiko Parke Teknologikoan. Bertan, konpainiako CEO Eva Azoylayk eta kontseilari ordezkari eta zuzendari nagusi Carlos Alzolak harrera egin diote, eta, Teknologia, Berrikuntza eta Eraldaketa Digitaleko sailburuorde Jaione Ganzarainekin batera, konpainiaren instalazioak bisitatu ditu.
Bisitan zehar, duela bost urte inauguratu ziren —enpresaren 30. urteurrenaren esparruan— ekoizpen-instalazioak bisitatu dituzte, Rolls-Royceren Trent 1000 motorrari eskainitako erakusketa-gunea barne; ITP Aero motor horien behe-presioko turbinen diseinu, garapen, ekoizpen eta muntaketaren arduraduna izan zen. Motor hori mugarri bat da Zamudioko konpainiaren historian, horren bidez, 2023an Londrestik New Yorkera hegan egin zuen Virgin Atlantic-en Boeing 787 hegazkina propultsatu baitzen, % 100ean abiazio-erregai erabat jasangarriarekin (SAF), erreaktoreentzako erregai fosilaren ordezko seguru eta zuzena izan daitekeela frogatuz.
ITP Aero, 1989an sortua, motorren eta osagaien fabrikazioan nazioarteko enpresa liderra da, eta motor aeronautikoen munduko fabrikatzaile garrantzitsuenen konfiantzazko bazkidea, efizienteagoak eta jasangarriagoak izateko ahalegin handia eginez. 35 urteko esperientzia du bere sektorean, eta aire-garraioaren deskarbonizazioaren aldeko apustuan lan egiten du, emisiorik gabeko hegaldiak garatuz; horretarako, Estatuan hidrogeno bidez propultsatutako abiazioko lehen motorra garatuko duen enpresa, teknologia-zentro eta unibertsitateen partzuergo baten buru da. Bertan, propultsio hibrido elektrikoko motor bat ere garatuko dute.
Gaur egun, Eusko Jaurlaritzak % 6ko partaidetza du ITP Aeroren kapital sozialean, FINKATUZ funtsaren bidez, Euskal Autonomia Erkidegoarentzat estrategikoa eta bere ekonomiaren bultzatzailea den enpresa baten errotzea bermatzeko. Gaur egun, konpainia honek 5.000 langile ditu mundu osoan eta 17 produkzio-zentro; horietatik 7 munduan zehar. Azken 10 urteetan, enpresak 600 milioi euro baino gehiago inbertitu ditu I+G+Bn.
Mikel Jauregi sailburuak azpimarratu duenez, “bi minuturo ITP Aerok bultzatzen duen hegazkin bat aireratzen da munduko edozein lekutan. Euskal Autonomia Erkidegoarentzat estrategikoa den enpresa bat da, garrantzi handiko industria-sektore batekoa, sektore aeronautiko-aeroespaziala alegia. Berrikuntzaren alde egin duen apustua bereziki aipagarria da, mundu osoan aplikatzen duen % 100 made in Euskadi teknologiaren garapenarekin. Industria gehiago eta hobearen alde egiten dugunean, I+G+Bn etengabe inbertitzen duten ITP bezalako enpresei buruz ari gara; izan ere, azken hamarkadan 600 milioi euro inbertitu dituzte”.
“Eusko Jaurlaritzak % 6ko partaidetza du ITP Aeroren kapital sozialean. Gure asmoa ez da soilik enpresaren sustraitzea bermatzea, enpresaren bidelagun ere izan nahi dugu etorkizunari begira aurre egin beharreko erronka eta aukeretan, hala nola inbertsio teknologikoetan, emisiorik gabeko aireko garraiorantz aurrera egiteko. Argi dugu klima-aldaketaren aurrean gure bidea emisio gutxiago sortzea, eta industriaren eta garraioaren deskarbonizazioan aurrera egitea dela; eta zentzu horretan ezinbestekoa da ITP bezalako enpresak gidatzen ari diren garapen teknologikoa”, gaineratu du Mikel Jauregik.
Lotutako albisteak
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.