Net-Zero Basque Industrial SuperCluster-ek “Global Industrial Clusters Meeting 2023” ekitaldian parte hartu du
Net-Zero Basque Industrial SuperCluster-ek (NZBIS) World Economic Forum-en (WEF) “Transitioning Industrial Clusters towards net zero” proiektuko “Global Industrial Clusters Meeting 2023” ekitaldian parte hartu du Anberesen (Belgika). Ekitaldi horretan izan da Cristina Oyón, SPRI Taldeko Teknologia, Berrikuntza eta Jasangarritasun zuzendaria, zeinak hitzaldi bat eman baitu Europako deskarbonizazio-politikei buruzko saioan. Saio horretan hizpide hartu dira EB, AEB, Japonia eta Txinak dituzten esparru politikoak hidrogeno garbiaren arloan, eta baita ere azpimarratu dira lauren arteko alde garrantzitsuenak.
“Global Industrial Clusters Meeting 2023” ekitaldiak helburutzat dauka ekimen honetako kideen deskarbonizazio-politikak aztertzea eta haien arteko aliantzak bilatzea, eta aldi berean aukera ematen du WEF proiektuko kluster industrialen komunitate gero eta zabalagoa indartzeko. Hala, ekitaldian izan dira proiektuko parte diren klusterretako ordezkariak, arduradun politikoak eta baita ere kide potentzial berriak, horien artean egon direlarik balio-kate osoko enpresa garrantzitsuak.
Jorratu diren gai garrantzitsuenetako batzuk izan dira mota desberdinetako klusterren arteko aliantzak, EBko deskarbonizazio-politika, teknologia digitalak, bidezko trantsizioa egiteko konpromisoa eta klusterren gobernantza eta enpresa-ereduak.
Net Zero Basque Industrial SuperCluster-aren ordezkaritzan baita ere izan dira Petronor-Repsol eta Iberdrola enpresen ordezkariak eta Energia klusterrekoak, zeintzuek aukera aprobetxatuko baitute aurrera egiteko EPRI ikerketa-zentro amerikarrarekin garatzen dituzten lankidetza-jardueretan, hura ere ekitaldian izan baita. Jarduera horien helburua da ibilbide-orriak diseinatzea energian eta negutegi efektuko gasen isurietan intentsiboak diren euskal sektore industrialak (siderurgia, galdaketa, pasta eta papera, zementua eta birfinketa) deskarbonizatzeko.
Net-Zero Basque Industrial SuperCluster-ek (NZBIS) xedetzat dauka Euskadin zero isuri garbietarako bidea azkartzea, kontsumo energetikoen deskarbonizazioa eta eraginkortasuna sustatuz negutegi efektuko gas gehien sortzen duten industria-sektoreetan. Horrez gain, teknologia berrien eta zerbitzu berritzaileen eskalatzean oinarritutako merkatu aukerak sortu nahi ditu. Ekimen hau Eusko Jaurlaritzak sustatu du energia arloko Euskadiko bi enpresa handiekin -nola baitira Petronor-Repsol eta Iberdrola- eta kluster industrialekin lankidetzan. Gainera, SPRIk eta EPRI Taldeak lankidetza-akordio bat daukate, joan den abenduaren 5etik, euskal industriaren deskarbonizazio-prozesua azkartzeko NZBIS ekimenaren esparruan.
Lotutako albisteak
Industria Sailak 22 milioi euro jarriko ditu Euskal Autonomia Erkidegoko industriaren deskarbonizaziorako
Eusko Jaurlaritzak Deskarbonizazio Industriala Programa argitaratzeko tramiteak onartu ditu. Programa hori SPRIk kudeatzen du, eta iaz 58 enpresa izan ziren 17,6 milioi euroko inbertsio publikoaren onuradun. Inbertsio horrek beste 85,6 milioi euroko inbertsio pribatua eragin zuen. Batez beste, 303 mila euroko dirulaguntza izan zen proiektu bakoitzeko
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
ACLIMA bere 30. urteurrena ospatzen du industria garbiago baterako lankidetza publiko-pribatuaren balioa azpimarratuz
Klusterra 1995ean sortu zen, Eusko Jaurlaritzaren laguntzarekin, Ihobe eta SPRI sozietate publikoen bitartez
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
BASQUEFIKek finantza aktiboen tokenizazioak sektorean eta enpresa sarean sortzen dituen aukerak aztertuko ditu
Topaketa hau antolatuz, BASQUEFIKek finantza eta inbertsio sektore berritzaile, lehiakor eta konektatu bat eraiki nahi du
AICek automobilgintzako masterraren zazpigarren edizioa atera du
Sektorearen etorkizuneko erronkei aurre egiteko ikasle onenak lortu nahi ditu
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.