Optimus3Dk neurrira egindako gailu medikoak landuko ditu Gregorio Marañón ospitalearekin batera
Optimus3D ingeniaritza eta fabrikazio industrialean espezializatutako konpainia da, 2014tik sektore ezberdinentzat lan egiten duena. 2020tik aurrera, Optimus3D Health-en bitartez, “enpresak gailu medikoen diseinura eta fabrikaziora bideratu ditu bere ahaleginak. Bere produktuen artean titaniozko inplanteak, polimero espezializatuetako ebaketa-gidak eta ortopedia-tratamenduetarako ortesi plastikoak daude”, azaldu du Lorena Cros medikuntza eta ingeniaritza biomedikoko doktoreak.
Osasun arloko erronka berriei aurre egiteko asmoz, Optimus 3D bere taldean talentu berriak sartzen ari da, adibidez, Lorena Cros. Doktoreak, enpresan egindako praktikaldian, stent graft prototipo bat diseinatu zuen abdomeneko aortako aneurismak tratatzeko. Stent bat gailu tubular txiki bat da, medikuntzan erabiltzen dena osasun-baldintza desberdinen ondorioz estutu edo blokeatu diren arteriak zabalik edukitzeko, hala nola arterietan plakak metatzea edo aneurisma bat.
Bere diseinu pertsonalizatuak paziente bakoitzaren ezaugarri espezifikoetara egokitzea bilatzen du, terapiaren eraginkortasuna hobetzeko helburuarekin. “Proiektu hau funtsezkoa da, tratamendu-aukera berriak irekitzen dituelako neurrira egindako konponbideak behar dituzten patologia konplexuetarako”, adierazi du Crosek. Izan ere, paziente bakoitzarentzako stent-ak pertsonalizatzean, prozedurek arrakasta izateko aukerak hazten dira: “emaitza kliniko hobeak dakartza eta, azken batean, pazienteen bizi-kalitatea nabarmen hobetzen da”.
Optimus3Dk neurrira fabrikatuko ditu gero Gregorio Marañon ospitaleko ebakuntza kirurgikoetan erabiliko diren biomodeloak eta inplanteak. Bertan dago Plangintza eta Manufaktura Aurreratuko Unitatea (UPAM 3D), Rubén Pérez-Mañanes doktoreak koordinatua. Diziplina anitzeko talde honek medikuntzako soluzio pertsonalizatuak planifikatzen eta diseinatzen ditu. 3D modelaketako teknologia aurreratua erabiltzen du neurrira egindako gailu medikoak sortzeko, hala nola inplanteak eta protesiak.
Lorena Cros, Optimus3Dk bidalia, UPAM 3D taldean sartuko da Gregorio Marañón ospitalean, 3D modelaketan, inplanteen diseinuan eta irudi medikoen segmentazioan laguntzeko. “Proiektu honetan egingo dudan lana titanioz egindako protesi pertsonalizatuen garapenean eta diseinuan eta paziente bakoitzaren ezaugarrietara egokitutako gailu medikoen sorkuntzan oinarrituko da”, adierazi du Crosek. Lankidetza hori “funtsezkoa da ospitalearen eta fabrikatzailearen arteko komunikazioa arintzeko. Azken emaitzen eraginkortasuna errazten eta hobetzen duelako, bai denbora bai produktu medikoen kalitatea optimizatzen dituelako “.
Optimus3Dk, bestalde, diseinuan eta fabrikazioan duen esperientzia emango du. “Gailu pertsonalizatuak ahalik eta ondoen fabrikatzen direla ziurtatuko dugu, gailu medikoetarako erregulazioak eta araudiak betez”, ondorioztatu du Lorena Crosek.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute
Einnek, bost urte etengabe eboluzionatzen sektore elektriko-elektronikoan
Pandemia betean jaio zen enpresak eraldaketa digitalaren aldeko apustua egin du hasieratik, sektorean bereizteko; bideojoko bat ere sortzen ari da, ingeniaritzako eta muntaiako barne-prestakuntza teknikoa iraultzeko.
E&M Combustion-ek Chileko meatzaritza deskarbonizatzen laguntzen du hidrogenoa erabiliz, Sprilur-en Bildosola Poligonotik
Euskal ingeniaritzak hidrogenoaren errekuntzako I+G proiektu pilotu hau garatu du Chileko Gobernuarentzat.