Pasaban enpresak dibertsifikazioaren aldeko apustua egin du, zelulosazko konponbide adimendunak eskaintzeko eraikuntzaren sektoreari

Dani García, Pasaban-eko CEOa.

Pasaban enpresa gipuzkoarrak, mundu mailako liderra denak papergintza sektorerako makina-erremintan, aliantza estrategiko bat sinatu du Mugaroa startup nafarrarekin, konponbide jasangarri eta adimendunak garatzeko eraikuntzaren sektorerako. Euren konponbideak zelulosa-material espezifiko bat darabil eraikuntzaren sektorean aplikatu ahal izateko.

CDTI Estatu Agentziaren, Eusko Jaurlaritzaren eta Nafarroako gobernuaren hainbat programak babesten dute proiektua. Ekimen honek hiru zutabe ditu: lehena, fabrikazio gehigarriko tekniketan oinarritutako teknologia eta makineria garatzea, baina egun darabilten fabrikazio gehigarria ez bezala –diskretua eta gama baxukoa dena- etengabeko prozesu malgu eta pertsonalizatu bat izango da; bigarrena, geruza digital bat garatzea prozesuko elementuei adimena emateko tinta eroaleak aplikatuz; eta hirugarrena, zelulosazko materialak garatu edo egokitzea aplikazio desberdinetarako.

“Etorkizun handiko dibertsifikazio-proiektu bat da, beste hainbat sektoretara zabaldu litekeena”, adierazi du Pasaban enpresako zuzendari nagusi Dani Garciak. “Lanean hasi gara Mugaroarekin oinarrizko diseinua eta kontzeptua sortzeko, eta I+G-ko programetan ere badihardugu, CDTIri eta Eusko Jaurlaritzari zein Nafarroako gobernuari aurkezteko. Halaber, kolaboratzaile posible batzuk identifikatzen ari gara proiektuaren adar desberdinak garatzeko”.

Euren helburua da lehen makina-prototipoa prest izatea 2024an, konponbidearen proba funtzionalak egiten hasteko.

Lotutako albisteak

20 ekaina, 2024 Ingurumen-jasangarritasuna

ORHI+, iraunkortasuna eta zirkulartasuna indartzen jarraitzeko proiektua

Irakurri gehiago

14 ekaina, 2024 Digitalizazioa

Oreka Circular Economy aplikazio mugikor baten bidez elikagaien alferrik galtzea murrizten laguntzen du

Irakurri gehiago

3 ekaina, 2024 Ingurumen-jasangarritasuna

AAF: “Airearen kalitateak ere markatzen du edozein enpresaren produktibitatea”

Irakurri gehiago

28 maiatza, 2024 Ingurumen-jasangarritasuna

Sinnple, jasangarritasunaren aldeko apustua lehiakorrak izateko

Irakurri gehiago

28 maiatza, 2024 Ingurumen-jasangarritasuna

Inoxibarrek zartaginak birziklatzeko seigarren kanpaina abiatu du

Irakurri gehiago

Joan blog-era