SPRIk Iberdrolak bultzatutako Q-Cero aliantzaren inaugurazioan Net-Zero Basque Industrial Super Cluster ekimena aurkeztu du
SPRIk Net-Zero Basque Industrial Super Cluster ekimena aurkeztu du Madrilen Iberdrolak sustatutako Q-Cero aliantza ekimenaren baitan. Horren helburua da elkarrizketarako ekintzak eta guneak sortzea eta mezuak zabaltzea industrian eta eraikinetan energia termikoaren deskarbonizazioa bizkortzeko asmoz. Ekitaldi horretan izan dira Ekonomiaren Garapen, Jasangarritasun eta Ingurumeneko sailburua, Arantxa Tapia, eta SPRI Taldeko zuzendari nagusia, Aitor Urzelai.
Net-Zero Basque Industrial Super Cluster COP26 konferentzian aurkeztu zuten WEF “Transitioning industrial clusters towards Net-Zero” ekimenari atxikitako lehen 4 klusterretako bat zelako. Aipatutako ekimenak, gaur egun, 4 kontinentetako 10 herrialdetako 20 ekimen baino gehiago biltzen ditu.
Bestalde, Iberdrolaren ekimena Espainiako azken energiaren eskariaren % 40 inguru energia termikoak osatzen duen testuinguruan gertatzen da. Gainera, beroaren deskarbonizazio arloan gertatzen ari diren aurrerapenen erritmoa klima-aldaketaren aurkako borrokan hartutako konpromisoak lortzeko beharrezkoa denaren azpitik dago. Hala, Q-Cero aliantza eragile guztiei irekitako aliantza izango da, bereziki industriaren eta eraikinen sektoreko energia termikoaren eskatzaileei, deskarbonizazioan aurrera egiteko.
Eskari termikoaren deskarbonizazioan eragina duten oztopoak proportzio bertsuan daude banatuta industriaren (% 80 baino gehiago bero-produkzioari lotuta dago, eta % 20 prozesuko isuriak dira) eta eraikinetako bero-beharren artean (bizitegien sektorea eta hirugarren mailako sektorea barne), eta horrek guztiak eragile askorentzako erronkak sortzen ditu. Aldi berean, ordea, deskarbonizazioarekin lotutako sektoreak eta teknologiak garatzeko aukera ekonomikoa ere bada.
Madrilera egindako bisita aprobetxatuz, Net-Zero Basque Industrial Super Clusterreko ordezkariek CEOEren laguntzarekin eta Repsolen babesarekin Energiaren Espainiako Klubak antolatutako Industria eta Energia foroan ere hartu dute parte. Jardunaldian energia eta industria arloko eragile esanguratsuek hartu dute parte eta industria deskarbonizatua lortzeko funtsezko elementuak aztertzea izan du helburu. Horretarako, deskarbonizazioak eskaintzen duen aukera aprobetxatzeko industria berria erakartzeak eta birrindustrializazioak duten garrantzia azpimarratu dute bereziki.
Net-Zero Basque Industrial Super Cluster
Net-Zero Basque Industrial Super Clúster klusterraren helburua da Euskadiko industrian isuri garbietarako trantsizioa bizkortzea, industria arloan kontsumo eta eraginkortasun energetikoaren deskarbonizazioa bultzatuz eta, aldi berean, garapen teknologikoan eta berrikuntzan oinarritutako merkatu-aukerak sortuz.
Ekimena Eusko Jaurlaritzako Ekonomiaren Garapen, Jasangarritasun eta Ingurumen Sailak bultzatu du SPRIren (Enpresen Garapenerako Euskal Agentzia) bidez eta Euskadiko bi energia-enpresa nagusiek hartu dute bertan parte: Iberdrolak eta Petronor Repsolek. Gainera, negutegi-efektuko gasen isuri handienak dituzten Euskadiko industriak biltzen dituzten kluster industrialen (Aclima, Siderex, AFV, paperaren klusterra) eta deskarbonizaziorako konponbideak eskain ditzaketen balio-katea ordezkatzen duen Energia Klusterraren babesa jaso du.
Net-Zero Basque Industrial Super Cluster ekimenarekin lotutako aurrerapen nagusiak dokumentu honetan daude ikusgai.
Lotutako albisteak

Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”

ACLIMA bere 30. urteurrena ospatzen du industria garbiago baterako lankidetza publiko-pribatuaren balioa azpimarratuz
Klusterra 1995ean sortu zen, Eusko Jaurlaritzaren laguntzarekin, Ihobe eta SPRI sozietate publikoen bitartez

Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko

BASQUEFIKek finantza aktiboen tokenizazioak sektorean eta enpresa sarean sortzen dituen aukerak aztertuko ditu
Topaketa hau antolatuz, BASQUEFIKek finantza eta inbertsio sektore berritzaile, lehiakor eta konektatu bat eraiki nahi du

AICek automobilgintzako masterraren zazpigarren edizioa atera du
Sektorearen etorkizuneko erronkei aurre egiteko ikasle onenak lortu nahi ditu

Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute

TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.

Mikel Jauregi, Europako Ekonomia Berriaren Foroan: “etorkizunera begiratzea eta gure seme-alabei utzi nahi diegun Euskadi industrial berri hori irudikatzea dagokigu”
Egindako hitzaldian, sailburuak Euskadiren gaurkotasun ekonomikoa eta nazioarteko egoera aztertu ditu,

Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.

Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa