SPRIk industrian zero emisio garbiak bizkortzeko ekimena aurkeztuko du Kudeaketa Aurreratuaren Europako Astean
Euskadin zero emisio garbietarako bidea bizkortzeko SPRIk sustatzen duen Net Zero Basque Industrial SuperCluster ekimena Kudeaketa Aurreratuaren Europako Astearen 30. edizioko jardunbide egokietako bat izango da aurten, urriaren 14tik 25era bitartean, eta 40 ekitaldi baino gehiago izango ditu Euskadi osoan. Euskalitek (Kudeaketa Aurreratua Sustatzeko Fundazioa) koordinatzen ditu topaketa horiek, 60 erakunde antolatzaileren laguntzarekin. SPRI Taldeak urriaren 16an parte hartuko du. Izen-emateak zabalik daude.
Hain zuzen ere, Net Zero Basque Industrial SperCluster ekimenaren helburua da Euskadin zero emisio garbietarako bidea bizkortzea, industria-sektoreetan energia-horniduraren deskarbonizazioa eta energia-eraginkortasuna sustatuz, eta teknologia berrien eta zerbitzu berritzaileen eskalatzean oinarritutako merkatu-aukerak sortuz.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatu du SPRIren (Enpresen Garapenerako Euskal Agentzia) bidez eta Euskadiko bi energia-enpresa nagusiek hartu dute bertan parte: Iberdrolak eta Petronor Repsolek. Gainera, negutegi-efektuko gasen isuri handienak dituzten Euskadiko industriak biltzen dituzten kluster industrialen (Aclima, Siderex, AFV, paperaren klusterra) eta deskarbonizaziorako konponbideak eskain ditzaketen balio-katea ordezkatzen duen Energia Klusterraren babesa jaso du.
Net-Zero Basque Industrial Super Cluster ekimenarekin lotutako aurrerapen nagusiak dokumentu honetan daude ikusgai.
Kudeaketa Aurreratuaren Europako Astea
Astearen barruan, biltzar bat egingo da urriaren 16an eta 17an Bilboko Euskalduna Jauregian, streaming bidezko emisioarekin indartuko dena, eta gaikako bi bloke handi izango ditu: lehiakortasun iraunkorra eta kudeaketa, eta pertsonen zaintza eta fidelizazioa.
Formatu horretatik kanpo, beste 30 ekitaldi egongo dira hiru lurraldeetan, Araban, Gipuzkoan eta Bizkaian, eta, horietan, kudeaketaren hainbat eremutan sakonduko da, hala nola estrategian, AAren kudeaketan edo osasun mentalaren zaintzan, ekintza presentzial eta birtualen bidez.
Halaber, aste honetan antolatutako jardueren artean, aipatzekoa da “Kudeaketa laburrean” bideo-lehiaketaren 8. edizioa, Euskalitek Mondragon Unibertsitatearen laguntzarekin antolatutakoa, kudeaketa ikus-entzunezko hizkuntzaren bidez hurbiltzeko, genero dokumentala, fikzioa edo bideo korporatiboen errealizazioa barne.
Lotutako albisteak
ACLIMA bere 30. urteurrena ospatzen du industria garbiago baterako lankidetza publiko-pribatuaren balioa azpimarratuz
Klusterra 1995ean sortu zen, Eusko Jaurlaritzaren laguntzarekin, Ihobe eta SPRI sozietate publikoen bitartez
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
BASQUEFIKek finantza aktiboen tokenizazioak sektorean eta enpresa sarean sortzen dituen aukerak aztertuko ditu
Topaketa hau antolatuz, BASQUEFIKek finantza eta inbertsio sektore berritzaile, lehiakor eta konektatu bat eraiki nahi du
AICek automobilgintzako masterraren zazpigarren edizioa atera du
Sektorearen etorkizuneko erronkei aurre egiteko ikasle onenak lortu nahi ditu
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute