Titán Eco Sostenible enpresak landare-jatorriko packaging malguko soluzioak eskaintzen ditu, guztiz konpostagarriak

2019az geroztik, plastiko arrunten ordez landare-jatorriko bioplastiko konpostagarriak erabiltzea sustatzen du Titán Eco Sostenible enpresak, ingurumen-aztarna murrizten laguntzeko. “Packaging malguko soluzioak eskaintzen ditugu, landare-jatorriakoak eta guztiz konpostagarriak”, adierazi du Patxi Sustatxak, Titán Eco Sostenibleko kudeatzaileak. 

Euskal enpresak ekoizten dituen produktuak ohiko plastikoaren alternatiba jasangarriak dira, hala nola film-bobinak eta konposta egiteko baliza-zinta eta poltsa eta zinta itsasgarri ekologikoak. “Ingurumenaren, pertsonen eta gure planetaren etorkizunaren arteko oreka naturala lortzeko produktu organikoak fabrikatzen ditugu”, azpimarratu du enpresako ordezkariak. 

Zamudioko enpresak hainbat sektoretarako egiten du lan: elikadura, posta bidezko mailing-a, moda-industria, merkataritza edo edukiontzi organikoen sektorea. “B2B esparruan lan egiten dugu, eta konponbideak eskaintzen ditugu ‘plastikorik gabeko’ eredurako trantsizio koherentea lortzeko”, zehaztu du Sustatxak.  

Gerenteak dioenez, gaur egungo teknologiak aukera ematen du “jatorri petrokimikoko ontzi, bilgarri eta produktu  gehienak biodegradagarriak edo 6 hilabete baino gutxiagoan konpostatzen direnak erabiltzeko”. Eta euskal enpresaren helburua da “gure bezeroek merkatuan duten posizioa hobetuko duen ingurumen-balioa duten produktuak edo zerbitzuak eskaintzea”.  

Europako Itun Berdearen helburuak betetzea

Gainera, Bizkaiko enpresak laguntza ematen die bezeroei Europako Hitzarmen Berdearen helburuak betetzeko, “plastikoen murrizketarekin lotutako jarduera-eremuan”, adierazi du Patxi Sustatxak, “eta salmenta berdearen klausulak bete ahal izateko”.  

SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.   

Lotutako albisteak

20 ekaina, 2024 Ingurumen-jasangarritasuna

ORHI+, iraunkortasuna eta zirkulartasuna indartzen jarraitzeko proiektua

Irakurri gehiago

14 ekaina, 2024 Digitalizazioa

Oreka Circular Economy aplikazio mugikor baten bidez elikagaien alferrik galtzea murrizten laguntzen du

Irakurri gehiago

3 ekaina, 2024 Ingurumen-jasangarritasuna

AAF: “Airearen kalitateak ere markatzen du edozein enpresaren produktibitatea”

Irakurri gehiago

28 maiatza, 2024 Ingurumen-jasangarritasuna

Sinnple, jasangarritasunaren aldeko apustua lehiakorrak izateko

Irakurri gehiago

28 maiatza, 2024 Ingurumen-jasangarritasuna

Inoxibarrek zartaginak birziklatzeko seigarren kanpaina abiatu du

Irakurri gehiago

Joan blog-era