Tom TerBusher, Estatu Batuetako deskarbonizazio-aditua, izango da Basque Open Industryren inaugurazio-saioko protagonista
Industriako ekoizpenean isurpenik ez sortzeko (Net Zero) Ipar Amerikan egin dituzten ikerketen azken aurrerapenak ezagutzeko aukera ematen die euskal enpresei Basque Open Industryk. Industria-ekoizpen garbiago eta jasangarriago baterako trantsizioa izango da ekitaldi honen inaugurazio-konferentziaren gai nagusia. Azaroaren 13an eta 14an, Euskadiko industriaren eta teknologiaren ekosistema bilduko baita Bilbao Exhibition Centren (BEC).
Tom TerBush, EPRIko (Electric Power Research Institute) Zerbitzu Teknikoen eta Kideen presidenteorde eta EPRI Internationaleko presidentea, izango da astelehenean, hilaren 13an, inaugurazio-konferentzia hori zuzenduko duena, eta industria berria sortzeko deskarbonizazioak ematen duen aukerari buruzko ponentzia bat egingo dute. Iñigo Urkullu Lehendakari ekitaldian izango da.
Ekonomian eta erregulazio energetikoan adituak gako batzuk emango ditu industriako jardueren karbono-aztarna murrizteko, hala nola berrikuntza teknologikoa eta energia berriak, energiaren erronkak jorratzeko mundu mailako lankidetza edo karbono-isurpen gutxiko ekonomia izateko trantsizioan dauden inbertsio-aukerak.
Mundu mailako liderra berrikuntza energetikoan
Tom TerBushek funtsezko rola izan du industria energetikoaren ikerketan eta garapenean. Bi hamarkada baino gehiagoko esperientzia du EPRIn, eta hainbat lidergo-postu izan ditu Europan, Asian eta Ipar Amerikan. Horrek ikuspegi globala eskaini dio karbono-isuri gutxiko ekonomia lortzeko trantsizioan dauden erronkei eta aukerei buruz.
EPRIren zeregina: etorkizun energetiko jasangarria lortzeko berrikuntza
EPRI irabazi asmorik gabeko erakundea da eta mundu osoko ikerketaren, garapenaren eta irtenbide energetiko aurreratuen ezarpenaren abangoardian dago. Hiru laborategi espezializatutan jarduten du erakundeak eta pentsamendu independente eta objektiboari buruzko lidergoa eskaintzen du, energia-sektorearen erronkak eta beharrak jorratzeko. Lankidetza estua du 45 herrialdetako 450 enpresa baino gehiagorekin.
Talentua erakartzeko, AAren bidez negozio-eredu berriak sortzeko edo industriaren zibersegurtasunerako 30 aditu baino gehiago elkartuko dira bi egunetan
Horrez gain, BOIren programazioaren barruan hainbat ponentzia izango dira bi egunetan zehar. Adituek eta erreferenteek talentuari, adimen artifizialari, industriako zibersegurtasunari, trantsizio digitalari eta trantsizio energetiko eta ingurumenekoari lotutako azken berriak ezagutzera emango dituzte mahai-inguru eta solasaldietan.
Hala, industria adimendunari dagokionez, José María Peiró Valentziako Unibertsitateko Erakundeen Psikologia Sozialeko katedradunak talentua erakartzeari buruz hitz egingo du, industria-sektorearentzako erronka baita. 65 liburu baino gehiago idatzi ditu eta aditua da Laneko Psikologian eta gazteen gizarteratzean. Astelehenean, azaroaren 13an, industriaren pixkanakako eraldaketaren berri emango du eta jarduera berriak desagertzetik eta sektore berriak sortzetik eratorritako enplegu berriak nola sortuko diren azalduko du.
Egun horretan bertan, Daniel Mikolta Ingeteameko pertsonen zuzendariak talentua erakartzean eta enpresa-politikan sakonduko du. Mikoltak bere enpresan talentua erakartzeko dituzten gakoak azalduko ditu. Ingeniaritza elektrikoan espezializatutako enpresa liderra da berea.
Basque Open Industryren bigarren jardunaldia Petra Püchnerren konferentziarekin hasiko da. Baden-Württembergeko Ekonomia, Lan eta Turismo Ministerioaren Europako komisarioa eta Steinbeis Europa Zentrumeko zuzendaria da. Adimen artifizialaren bitartez negozio-eredu berriak sustatzen dituzten Europako ekimenak jorratuko ditu Püchnerrek.
Erakusketariekin biltzeko hitzorduak Networking Land APPean
Europako erkidegorik aurreratuenetakoa izanik, eragile publikoek, pribatuek eta enpresek Euskadiren industria-ekosistemaren eraldaketari eta kokapenari buruz dituzten ezagutzak eta esperientziak partekatzera animatu nahi ditu Basque Open Industryk parte-hartzaileak. Izen-emateak zabalik daude formulario honetan.
Lotutako albisteak
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.
Ekisolarrek bere negozioa deskarbonizaziorantz hedatu nahi du
Gasteizen kokatuta dagoen enpresak SPRI Taldearen BDIH Konexio programaren laguntza jaso du eta estalki industrialetan energia fotovoltaikoa eskaintzen du.
Euskadi agenda 2030 sariak 60 erakunde aintzatetsi ditu, garapen jasangarriaren helburuekin duten konpromisoagatik
SPRIk eta Euskadiko Parke Teknologikoak konpromiso-diploma lortu dute