Toro y Betolazaren azalera 243.000 metro karraturaino handituko da Bilboko Portuan
Consignaciones Toro y Betolazak duela 50 urte baino gehiagotik eskaintzen ditu portu-zerbitzuak Bilboko Portuan, baina 1950ean hasi zen lehengaiak inportatzen eta banatzen tokiko kontsumorako, eta geroago industrialetarako. Gaur egun, Finnlines armadore finlandiarraren agentea da Bilboko Portuan, eta Europako iparraldearekin egiten du geldialdia astero; presentzia eta instalazio propioak ditu Pasaia, Gijon eta Avileseko portuetan, bai eta Bilbon eta Azuqueca de Henareseko portu lehorrean ere; eta 2022an 40 milioi euroko salmentak izan zituen.
Azken urteotan iraunkortasunaren eta ingurumenaren aldeko apustu handia egin du, eta Bilboko Portuko trantsizio energetikoan eragile aktiboenetako bat da, puntako beste enpresa batzuekin batera, hala nola Haizea Wind Group, Nordex edo Lointek. “Operadore guztiok itsas garraioaren hazkunde jasangarrian aktiboki laguntzeko betebeharra dugu, munduko merkataritzaren % 90 inguru baita, Nazioarteko Itsas Erakundearen (IMO) arabera”, nabarmendu du Gorka Zabalak, Toro y Betolazaren zuzendariak.
Konpainiaren azken garapena horren adibide da. Izan ere, iazko irailean Finnlinesen hiru ro-ro hibrido eco class aurkeztu zituen: “Finneco I”, “Finneco II” eta “Finneco III”. Europa iparraldean nabigatzen duten salgaien garraiorako ontzirik “efizienteenak eta iraunkorrenak” eta “mundu mailako ekologikoenetakoenak” dira, Zabalaren esanetan. “Ia 6.000 metro linealeko karga-edukiera dute, eta 300 atoi, 150 auto eta 500 edukiontzi ontziratu daitezke, baita industria- eta proiektu-kargak ere. Nabarmentzekoak dira litiozko baterien sistema, maniobran eta portuan egon bitartean 7 eta 8 ordu bitarteko autonomia elektrikoa izatea ahalbidetzen duena, eta kontsumoa eta ingurumen-inpaktua murrizteko teknologia batzuk, hala nola aire bidezko lubrifikazio-sistema berritzaile bat, burbuila-geruzak sortzen dituena marruskadura eta erresistentzia hidrodinamikoa murrizteko; 600 m2 eguzki-panel, ontzian erabiltzeko elektrizitate iraunkorra sortzeko; edo motor nagusien mota eta tamaina arretaz hautatzea, ahalik eta erregai gutxien kontsumitzeko, besteak beste”, azaldu du.
Astero, Bilbo Belgikako Zeebrugge eta Anbereseko, Finlandiako Helsinki eta Hankoko eta Estoniako Paldiskiko portuekin lotzen dute. Gainera, 2024ko urtarriletik hona, Bilboko Portuko geldialdiak bikoiztu egin dira, batetik bira, Bilbotik mugitzen diren pieza eolikoen trafikoaren gorakadaren ondorioz, eta asteroko hirugarren geldialdi bat egiteko aukera aztertzen ari dira. “Portu Agintaritzak bere instalazioak hub eoliko bihurtzeko egin duen apustu irmoan, eskala berri hau ezartzea kalitatezko jauzia da”, azpimarratu du zuzendari kudeatzaileak.
Hori ez da jasangarritasunerantz egin duen urrats bakarra; izan ere, “gure helburua da ahalik eta ekimen gehienetan parte hartzea, batez ere, iraunkortasunari dagokionez“, adierazi du Zabalak. Horrela, bada, azken urte honetan Sails for Cargo proiektuan parte hartu du. Bertan, EEMS Traveller itsasontziarentzat munduko xurgapen-belarik handienak instalatzen parte hartu du. Horren bidez, erregaia % 40ra arte aurreztu daitekeela uste da. Gainera, % 100 BioAutoGas erregaian oinarritutako BioAutogas V8 lehen motor europarrarekin hornitutako Revenant orga berriaren proiektuari babesa eman dio. Era berean, langileak trebatze aldera, SPRI Taldeak eskainitako Konpetentzia Digital Profesionalen programa burutu du, eta enpresa berritzaile gisa akreditatu dute erakunde bereko Hazinnova programa amaitu ondoren.
62.000 m2 gehiago eta 3,5 milioi euro hazkundea bultzatzeko
Sektore eolikoko piezen trafikoak, proiektuen tamaina eta tipologiagatik, “espazio gehiago behar du manipulatzeko, gordetzeko eta biltegiratzeko”, Zabalaren esanetan. Hori dela eta, Toro y Betolazak instalazioaren azalera 62.000 metro koadrotan handitzea eskatu zion Bilboko Portuari. Eskaera onartu egin da, eta, beraz, konpainiak 243.000 metro karratuko azalera izango du. “Handitze horrek aukera ematen digu gure bezeroen beharrei erantzuteko, oro har, eta Finnlinesen bi eskalak sendotzeko lan egiteko, bereziki. Gainera, funtsezko operadore gisa dugun posizioa sendotu nahi dugu, eta Bilboko Portuaren hedapenean eragile nagusietako bat izan “, gaineratu du.
Era berean, konpainiak 3,5 milioi euro inbertituko ditu datozen bi ekitaldietan bere hazkundea bultzatzeko. “Lehen hiruhileko honetan, adibidez, bi zubi-garabi izango dituen parke bat ezarriko dugu, eta joan den urrian erosi genituen eskorgei eta straddle carrier garabiari gehituko zaie, behar berrietara egokitzeko”, amaitu du.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Lotutako albisteak
Tecoplasek plastiko teknikoen eraldaketan erreferentzia gisa sendotzea du helburu
Bizkaiko enpresak industria-sektorerako eta uren tratamenduko sektorerako lantzen du material hori, eta akuikultura- edo elikagaigintza-sektoreetan duen posizioa handitzea esploratzen ari da.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Pradales Lehendakaria: “Gure Plan Industriala europar jarraibideekin lerrokatzen ari gara”
"Euskadi eragile garrantzitsua izan daitekeelako eta izan behar duelako prozesu horretan”
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Euskadik bere aurrerapena sendotu du ingurumenaren babesean, airearen kalitatean eta isurketen murrizketan hobekuntza nabarmenak eginez, Ingurumen-koiunturari buruzko 2024ko txostenaren arabera
Euskadiko airearen kalitatea nabarmen hobetu da, zeren 2023ko egunen ia % 91k kalitate "ona" edo "oso ona" izan baitute
TECH friendly-k plangintza estrategikoa eta hiri-inguruneen eraldaketa digitala eta fisikoa uztartzen ditu
Bizkaiko enpresa hiriaren garapenean eta tokiko administrazio publikorako aholkularitza teknologikoan aritzen da.
Lansolar Ingenieros, bi hamarkada inguru abangoardiako irtenbideak eskaintzen trantsizio jasangarriagoa bultzatzeko
Bizkaiko enpresak hidrogenoarekin lan egiten hastea du helburu datozen hilabeteetan, energia fotovoltaikoa biltegiratzeko sistema gisa.
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
Mikel Jauregi sailburuak eta PepsiCo-ko presidenteordeak enpresak Etxabarri-Ibiñako instalazioa “zero emisioko” munduko lehena izateko egin duen apustua aztertu dute
Elikagaien eta edarien multinazionalak Arabako Parke Teknologikoan instalatu du bere Hub Digital Globalaren zati bat, datuetan eta adimen artifizialean espezializatua.
Optimus3Dk neurrira egindako gailu medikoak landuko ditu Gregorio Marañón ospitalearekin batera
Arabako enpresak bidalitako Lorena Cros doktoreak 3D modelaketan, inplanteen diseinuan eta irudi medikoen segmentazioan lagunduko du.