World Economic-ek “zero isurpen neto lortzeko kluster industrialen trantsizioa” izeneko ekimenaren aurrerapenari buruzko txostena argitaratu du Davosen
Net-Zero Basque Industrial Super Cluster partaide den “Zero isurpen neto lortzeko kluster industrialen trantsizioa” izeneko WEFen ekimenaren baitan, World Economic Forumek beste txosten bat argitaratu du. Txostenak sektore industrialaren deskarbonizazioa lortzeko ekimenaren aurrerapena eta bide posibleak aztertzen ditu. Hain zuzen ere, CO₂-ren isurpen guztien % 30 biltzen du sektore industrialak. Horrez gain, txostenak hazkunde ekonomikoa eta enpleguaren sorrera bultzatzen ditu.
Txostenak ohartarazten duenez, “mundua deskarbonizatu ahal izateko denboraren aurkako lasterketa egiten” ari da. Horrez gain, orain arte izandako aurrerapenetatik lortutako lezioak oro har industriaren sektorean (mundu mailan karbonoaren funtsezko igorlea da) aplika daitezkeela adierazi du. Horretarako, txostenak oinarrizko lau zutabe dituen bidea finkatu du: aliantzak, politikak, teknologia eta finantzak.
Dokumentuak erronka garrantzitsuak ere nabarmentzen ditu industriaren sektorean zero isurpen neto izateko, besteak beste, politiken baitako arrakalak, azpiegitura eta teknologia berriak hedatu eta zabaltzeko finantzaketa desblokeatzeko beharra eta gobernantza-eredu egokirik eza. Txostenak azpimarratzen du behar-beharrezkoa dela elkarte publiko-pribatuak indartzen jarraitzea eta mugaz gaindiko lankidetza funtsezkoa dela erronka horiei aurre egiteko.
Argitalpena World Economic Forumak Davosen urtero egiten duen bileraren data beretan egin da. Bilera horretan, hainbat saio antolatu dira kluster industrialen trantsizioari buruzko gaiak jorratzeko: energia-eskariaren aldaketa edo trantsizio horretan inor ez baztertuta geratzearen garrantzia, adibidez.
“Zero isurpen neto lortzeko kluster industrialen trantsizioa” izeneko proiektuarekin, WEF, EPRI eta Accentureren helburua da mundu mailan kluster industrialek Zero Isurpen Neto lortzeko bidean duten trantsizioa bizkortzea eta, hala, ingurumenari, ekonomiari eta gizarteari dagokienez lurraldean inpaktu positiboa sortzea. Testuinguru honetan, Net-Zero Basque Industrial SuperCluster ekimena COP26 konferentzian aurkeztu zuten WEFen ekimenari atxikitako lehen lau klusterretako bat baitzen. Gerora, hazten joan da eta, gaur egun, 4 kontinentetako 10 herrialdetako 20 ekimen baino gehiago dira.
Net-Zero Basque Industrial Super Clusterraren helburua da Euskadi mailan Zero Isurpen Neto lortzeko bidea bizkortzea, isurpen handieneko sektore industrialetan energiaren horniduraren eta eraginkortasunaren deskarbonizazioa bultzatuz eta, aldi berean, teknologia berrien eta zerbitzu berritzaileen mailatzean oinarritutako merkatu-aukerak sortuta. Ekimena Eusko Jaurlaritzaren Ekonomiaren Garapena, Jasangarritasuna eta Ingurumen Sailak bultzatu du SPRIren (Enpresen Garapenerako Euskal Agentzia) eta Euskadiko bi energia-enpresa nagusiek (Iberdrola eta Petronor-Repsol) hartu dute parte kluster industrialen laguntzarekin.
Net-Zero Basque Industrial Super Cluster ekimenarekin lotutako aurrerapen nagusiak dokumentu honetan daude ikusgai.
Lotutako albisteak
Agua Embrujadak infusioen sektorea gama handiko alternatiba jasangarriekin irauli du
Arabako enpresak osagai naturalen eta prozesu iraunkorren aldeko apustua egin du, kalitate handiko teak eta infusioak eskaintzeko.
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Eurozon, desinfekziorako eta iraunkortasunerako ozono-teknologian aditua
30 urteko esperientziarekin, Bizkaiko enpresa elikagaien, uraren eta barruko espazioen higienizazioko berrikuntzaren buru da, ingurumena errespetatzen duten konponbideen alde eginez.
Konfiantza eta lankidetza, euskal industrian onura eta hazkunde jasangarria sortzeko gakoak
Ekonomiaren, gizartearen eta ingurumenaren garapena errazten duten soluzio eta adibide inspiratzaileak