DOM-MCM elkarteak Euskadin duen presentzia sendotzen jarraitzearen alde egin du
Urtarrilean amaitu da Metalúrgica Cerrajera de Mondragón (MCM) eta UCEM Sistemas de Seguridad enpresen bat-egitea. Gasteizen du egoitza, eta DOM Security talde frantseseko kideak dira. Etapa berri bat hasi dute, DOM-MCM izenarekin.
Enpresak 110 langile ditu bere Gasteizko egoitzan. Gainera, sarrailagintzarekin lotutako hainbat marka eskaintzen dituzten 17 merkataritza-agenteko sare bat ere badu (MCM, DOM, UCEM eta Telesco).
MCMk historia zabala du, 1932tik hona. Sarrailagintzan aritu da beti, baina aldaketa asko izan ditu. Azkenak, konpainia multinazional batean sartzea eta UCEMekin bat egitea. Santiago Rodriguez zuzendari kudeatzaileak azpimarratu duenez, gakoa da “merkatuari irekitze eta ixte soluzioen katalogo oso bat eskaini ahal izatea, segurtasun maila handienarekin”.
Enpresak hurrengo bi esparruetan zentratu da gehienbat: “balio erantsi handiko produktuak (puntu anitzeko sarrailak, segurtasun handiko zilindroak eta ezkutuak, etab.) eta gure etxeetan segurtasun handiena ematen duen kalitate ziurtatuko eta testatuko produktuak”. DOM-MCM bete-betean sartu da produktu elektronikoen arloan ere, batez ere sarbideak kontrolatzeko (unibertsitateei, ikasleen egoitzei, enpresei, ospitaleei, eraikin publikoei zuzendutako sarrailak eta zilindro elektronikoak). Arlo horretan, lehen esperientzia hotel-sektorean izan zuen. “Gaur egun, mugikorrarekin, edozer ireki daiteke erosotasun eta segurtasun handienarekin”, adierazi du Santiago Rodriguezek.
Fusio berriaz gain, konpainiak inbertsio garrantzitsuak egin ditu: azken belaunaldiko makinerian; bere katalogoa osatzeko segurtasun handiko soluzioetan, mekanikoak zein mekatronikoak; eta prozesu guztien digitalizazio integralean.
DOM-MCMk ez ditu alde batera uzten berrikuntza edo digitalizazioa bezalako alderdiak. Izan ere, “Gure ingeniariak eta informatikariak harremanetan daude gure bezeroekin, haien beharrak ezagutzeko eta, hortik aurrera, egokitzen saiatzeko”, azaldu du zuzendariak, “Eta, ahal bada, merkatuaren joerei aurrea hartzeko”. Enpresak “nazioarteko bokazioa” izan du beti, eta 40 herrialdetan baino gehiagotan dago. “Omnikanalitatea errealitate bat da eta gu azken bezeroa dagoen toki berean egon behar gara”, azaldu du.
Joan den 2020an pandemiak enpresa guztien planak hondatu zituen. DOM-MCMen, batez ere martxoko eta apirileko lehen hilabeteetan izan zuen eragina. Izan ere, instalazioak “gure historian lehen aldiz” itxi zituzten. Baina, horrez gain, egoerara egokitzen jakin izan dute enpresan.
Gasteizko konpainia duela urte batzuk sartu zen Habic Klusterrean, eta 2020an parte hartu du, beste enpresa batzuekin batera, SPRI Taldearen Bideratu programan, preskripziora zuzenduta. Santiago Rodriguezek “erakundeen aldetik laguntza gehiago” eskatu du, izan ere, “hemen inbertitzen dugu, askotan euskal enpresen makinak erosten, eta hemen sortzen dugu enplegua”. Oraingoz, “Euskadin dugun presentzia sendotzen jarraitzea” da bere asmoa, “handitzen jarraitu nahi dugu , bai organikoki, bai aurkezten diren eta gure interesekoak izan daitezkeen aukerak aprobetxatzen”.
SPRI Taldeak Euskadin finkatzea pentsatzen ari diren enpresei laguntzen die, finantzaketa-gida eta finantzaketa-tresnen bidez, Invest in the Basque Country bezalako ageneteekin. Informazio gehiago hemen.
Lotutako albisteak
Invest in Basque Countryk Euskadin atzerriko 31 enpresa ezartzen lagundu zuen eta 68 milioi euro inbertitu zituzten
Atzerriko inbertsioak erakartzeaz eta mantentzeaz arduratzen den SPRI Taldearen arloak 258 enplegu berri sortzea aurrez ikusi du
Mikel Jauregi sailburuak Euskadik dituen gaitasun industrial, teknologiko eta berritzaileak aurkeztu ditu Erresuma Batuan
Quantum Motion enpresara egin duen bisitan CIC nanoGUNErekin sinatutako akordioren bidez etorkizunean Euskadin izango duen ezarpena baloratu du sailburuak, "Euskadiren irudia nazioartean finkatu izanaren adibide ona bazkide sendo eta balio berritzaile handiko gisa"
Euskadin finkatuta dauden atzerriko enpresen % 84k uste du 2025ean fakturazioa handitu edo mantenduko duela
Gainera, atzerriko enpresen % 40 baino gehiagok ekoizpen-inbertsioak egitea aurreikusten du datorren urtean eta % 28k uste du plantilla handituko duela
Mikel Jauregi sailburua Eusko Jaurlaritzak Japonia eta Taiwanera eraman duen misio instituzional eta enpresarialaren buru da
Euskadiren Kanpo Sarearen Tokioko bulego komertzialera egindako bisita batek eragile ekonomikoekin eta erakundeekin egingo diren topaketen agenda zabal baten abiapuntua ezarri du, Japonia, Taiwan eta Euskadiren artean harremanak indartzeko, eta, horrela, balizko inbertsioak erakartzeko helburuarekin
Taiwango enpresaburuen ordezkaritza Euskadi bisitatzen ari da, bertako teknologia- eta industria-ahalmena ezagutzeko
Mikel Jauregi sailburuak —Eusko Jaurlaritzaren ordezkaritzaren buru— erakutsi dizkie Taiwango enpresaburuei Euskadik industriaren eta teknologiaren arloetan duen ahalmena eta punta-puntako bertako sektoreak eta enpresak. Enpresa horietako batzuk eta IKERLAN zentro teknologikoa bisitatu dituzte