Euskadik toki erakargarria izaten jarraitzen du atzerriko inbertsioentzat
Arantxa Tapiak, Ekonomi Garapen, Jasangarritasun eta Ingurumen sailburuak, esan du Euskadik toki erakargarria izaten jarraitzen duela atzerriko inbertsioentzat. Zentzu horretan, nahiz eta pandemiak ondorio global negatiboak izan dituen ekonomiaren nazioartekotzean, Tapiak aipatu du “Invest in the Basque Country “ ekimenak atzerriko 31 inbertsio erakarri zituela 2020an, eta horri esker posible izan dela enplegua mantentzea, eta enpresa berriak eta enplegu berriak sortzea”.
Zehazki, 2020an Euskadira iritsi ziren 31 atzerriko inbertsio-proiektuek 159 milioi euroko inbertsioa ekarri zuten, eta 333 enplegu sortu eta 978 mantendu zituzten. Tapia sailburuak baieztatutakoa berresteko esan liteke 2021eko lehen seihilekoan inbertsioak bikoiztu egin direla iazko datuekin konparatuta.
Sailburuak balioan jarri ditu Euskadik herrialde bezala dituen ezaugarriak: erakargarria da inbertitzeko, I+G-ko eta industri arloko ekosistema indartsua du, eta orobat aipatzekoak dira azpiegitura-sarea, logistika edota giza kapitalaren goi-mailako kualifikazioa. Euskadin edozein jarduera industrialetarako behar diren hornitzaile eta kolaboratzaileak aurki daitezke ehun kilometroko azaleran, eta hori ez da ohikoa Europa hegoaldeko beste eskualde batzuetan.
Halaber, atzerriko inbertitzaileek asko baloratzen dute Administrazio hurbil bat izatea, laguntza ematen diena ezarpenaren alderdi guztietan: kokaleku egokiena aukeratzea (SPRILUR eta Teknologi Parkeak bezalako sozietate publikoen bitartez), kolaboratzaile eta hornitzaileak aurkitzea (Klusterren bitartez) eta euren I+G-ko proiektuak bultzatzea. Horiez gain, epe luzeko ziurtasuna ematen dien administrazio fiskal gardena aurkitzen dute hemen, eta hain zuzen horixe interesatzen zaie paradisu fiskal baten bila ez dabiltzan inbertitzaile berriei.
Arantxa Tapiak dioenez, “ez gara gu hori esaten dugun bakarrak. Urtez urte gauza bera adierazi du Finantial Times erakunde ezagunak, zeinaren arabera Euskadi inbertsioak egiteko leku aproposa baita hainbat arrazoirengatik, besteak beste hauengatik: konektagarritasuna, lehendik ezarrita dauden enpresei ematen zaien arreta (Aftercare) edota ekosistema industrial eta teknologikoa indartzean oinarritutako gure estrategia”.
Lotutako albisteak
Invest in Basque Countryk Euskadin atzerriko 31 enpresa ezartzen lagundu zuen eta 68 milioi euro inbertitu zituzten
Atzerriko inbertsioak erakartzeaz eta mantentzeaz arduratzen den SPRI Taldearen arloak 258 enplegu berri sortzea aurrez ikusi du
Mikel Jauregi sailburuak Euskadik dituen gaitasun industrial, teknologiko eta berritzaileak aurkeztu ditu Erresuma Batuan
Quantum Motion enpresara egin duen bisitan CIC nanoGUNErekin sinatutako akordioren bidez etorkizunean Euskadin izango duen ezarpena baloratu du sailburuak, "Euskadiren irudia nazioartean finkatu izanaren adibide ona bazkide sendo eta balio berritzaile handiko gisa"
Euskadin finkatuta dauden atzerriko enpresen % 84k uste du 2025ean fakturazioa handitu edo mantenduko duela
Gainera, atzerriko enpresen % 40 baino gehiagok ekoizpen-inbertsioak egitea aurreikusten du datorren urtean eta % 28k uste du plantilla handituko duela
Mikel Jauregi sailburua Eusko Jaurlaritzak Japonia eta Taiwanera eraman duen misio instituzional eta enpresarialaren buru da
Euskadiren Kanpo Sarearen Tokioko bulego komertzialera egindako bisita batek eragile ekonomikoekin eta erakundeekin egingo diren topaketen agenda zabal baten abiapuntua ezarri du, Japonia, Taiwan eta Euskadiren artean harremanak indartzeko, eta, horrela, balizko inbertsioak erakartzeko helburuarekin
Taiwango enpresaburuen ordezkaritza Euskadi bisitatzen ari da, bertako teknologia- eta industria-ahalmena ezagutzeko
Mikel Jauregi sailburuak —Eusko Jaurlaritzaren ordezkaritzaren buru— erakutsi dizkie Taiwango enpresaburuei Euskadik industriaren eta teknologiaren arloetan duen ahalmena eta punta-puntako bertako sektoreak eta enpresak. Enpresa horietako batzuk eta IKERLAN zentro teknologikoa bisitatu dituzte