Filtra tu búsqueda

Azpitek

Kalitatezko ikerketak ikerketa azpiegitura onenak behar ditu

Epea itxita Sartu zure espedientean. Sartu hemen.

Azpitek 2024

Lortu bikaintasuna zure ikerketetan, ekipo eta azpiegitura berriak erosiz edo egun dauzkazunak hobetuz.

Badakigu emaitza baliotsuak emango dituen kalitatezko ikerketarako inbertsio handiak egin behar direla azpiegituretan eta ekipamenduan. Horregatik, 9.857.142,86 eurorekin hornitutako Azpitek 2024 Programaren bidez laguntza eman nahi dizugu zure ikerketetan aurrera egiteko behar dituzun ikerketa azpiegitura eta ekipamendu erosi, instalatu eta eguneratzeko. Hala, baliabide gehiago eman nahi dizkiegu ZTBESeko ikerketa-zentroei, euren kalitatea eta bikaintasuna handitu eta emaitza hobeak lor ditzaten, emaitza horien bidez ikerketako inpaktu, ekonomiko eta sozial nabarmena sortzeko Euskadin.

Programa honen helburu nagusia da Euskadiko ikertketa azpiegitura indartzea, I+G+B-ko jarduerak bultzatzea eta horien emaitzak baliozkotu eta erakustea Zientzia, Teknologia eta Berrikuntzarako Euskadi 2030 Planak barne hartzen dituen arloetan, horrela babesa emateko gaur egungo hiru trantsizioei: teknologiko-digitala, energetiko-klimatikoa eta sanitario-soziala.

Helburua hori izanik, Azpitek programak dirulaguntzak eskaintzen dizkie Foku Anitzeko Teknologi Zentroei eta ZTBESen integratutako Ikerketa Kooperatiboko Zentroei, euren ikerketetarako beharrezko ekipamenduak erosi, instalatu edo eguneratzeko. Dirulaguntza hori inbertsioaren % 100erainokoa izan daiteke, baldin eta ekipamendua erakundearen jarduera ez ekonomikoetarako erabiltzen bada, eta % 50erainokoa, erakundearen jarduera ekonomikoetarako bada.

Epeak

Hasiera data: 2024-06-12
Amaiera data:
2024-07-15, 23:59retan

Ikerketa azpiegitura berriak arlo hauetan aurrera egiteko:

Trantsizio

Teknologiko eta digitala

  • Digitalizazioa
  • Adimen Artifiziala eta Big Data
  • Teknologia hiritarraren zerbitzura
  • Automatizazioa
  • Zibersegurtasuna
  • Bidezko ekonomia digital eta lehiakorra sustatzea

Trantsizio

Energetiko eta klimatikoa

  • Neutraltasun klimatikoa
  • Sistema energetikoaren deskarbonizazioa
  • Baliabideen eta energiaren erabilpen eraginkorra -ekonomia zirkularra-
  • Mugikortasun jasangarria eta adimentsua
  • Bidezko trantsizio energetikoa
  • From farm to fork

Trantsizio

Sozial eta sanitarioa

  • Osasun sistemak eta arrisku pandemikoak
  • Demografia eta zahartze osasuntsua
  • Migrazioa
  • Genero berdintasuna
  • Hiritar eredu berriak
  • Gizarte- eta lurralde-kohesioa

Aurreko edizioko zifrak

0

Aurkeztutako proiektuak

0 €

finantzatutako proiektuetarako laguntzetan

0 €

batez beste proiektu bakoitzeko

Programa honen iazko edizioan 28 proiektu aurkeztu ziren azpiegitura zientifiko-teknologiko berriak abian jartzeko; horietatik 14 onartu ziren eta azpiegitura bakoitzak 552.000 €-ko dirulaguntza jaso zuen batez beste. Honela banatu ziren programa honetara bideratutako 7.733.596 euroak:

  • 61% Industria adimenduna. Gailu kuantikoen fabrikazioarekin lotutako azpegiturak, material metaliko ugariko hautsen atomizatzailea, fabrikazio aurreratuko zero akatseko laborategiak, motor elektrikoak diseinatzeko, fabrikatzeko eta probatzeko ekipamenduak, 4.0 laborategiak, materialen eta sistema mekatronikoen muturreko erabilera-baldintzetan karakterizatzeko plataforma, etab.
  • 11% Energia garbiagoak. Baterien analisi elektrokimikoa ahalbidetzen duten ekipamenduak, potentzia aurreratuko elektronikako laborategiak, baterietarako elektrodoak laserretan mozteko estazioak, besteak beste.
  • 15% Osasun pertsonalizatua. Besteak beste: erresonantzia magnetikorako irrati-maiztasuneko kontsolak, X izpien espektroskopia fotoelektronikoko ekipoak, bereizmen handiko masen espektrometroak, etab.
  • 13% Aukera-eremuak. Hondakinak balorizatzeko sistemak, tresna elektriko eta elektronikoen hondakinak errebalorizatzeko laborategi automatizatuak, hondakin plastikoak eraldatzeko instalazioak.
Zer eskaintzen du?

Azpitek-ek eskaintzen dizu

Ikerketa azpiegitura inbertsioaren %100erainoko dirulaguntzak

Bikaintasun-maila handiagoa lortzea ikerketan eta garapenean.

Zure Zentroaren lehiakortasuna hobetzea I+G-ren bidez, aukera izanik azpiegitura eta ekipamendu modernoak erabiltzeko.

Ikerketa eta garapen ildo berriak bultzatzea estrategikoak diren arloetan (esaterako, Fabrikazio Aurreratua, Energia eta Osasuna).

Zertan laguntzen dizu?

Azpitek-ek laguntzen dizu

  • Ekipamendu eta azpiegiturak erosten, eraginkorrago izateko eta zure ikerketetan emaitza hobeak lortzeko.
  • Ekipamendu berria instalatzeko eta martxan jartzeko kostuak ordaintzen.
  • I+G+B-ko balio-katea indartzen zure zentroan.
  • Punta-puntako ikerketak garatzen, zaharkituta dauden ekipamendu eta azpiegiturak berrituz.
  • Osagarriak erosten, lanerako erabiltzen duzun ikerketako ekipamendu hobetu edo eguneratzeko.
  • Zure ikerketetan bildutako ezagutza eta onurak gizarteari transferitzen, mundu bidezko eta jasangarriago baterantz aurrera egiteko.

Ezagutu ezazu programa hau

2024 Araudia
Norentzat da?

Berrikuntza Kooperatiboko Zentro edo Foku Anitzeko Teknologi Zentro batekoa zara?

Zientzia, Teknologia eta Berrikuntzaren Euskal Sareko Foku Anitzeko Teknologi Zentroek eta Ikerketa Kooperatiboko Zentroek (CIC) euren ikerketa-jarduera bultzatu eta emaitzak hobetu ahal izango dituzte Azpitek 2024 programaren bidez.

Dirulaguntza hauen helburua da zentro horietan garatzen diren I+G+B-ko jarduerak sustatzeko eta hobetzeko behar diren ekipamendu eta instalazioak erosten laguntzea.

Kostu osoaren % 100era arteko dirulaguntza emango dizugu, azpiegitura zure erakundeak egiten duen jarduera ez-ekonomikoarekin lotuta badago, edo % 50era artekoa, jarduera ekonomikoarekin lotuta badago. Hemen duzu aukera!

Eskatu hemen

Lortu laguntzak orain eta jarraitu I+G-n inbertitzen

Eskatu aurretik, laguntza programa honi buruzko kontsultaren bat egin nahi baduzu, formulario honen bidez egin dezakezu.


  • SPRI-Enpresen Garapenerako Euskal Agentziak, datuen tratamenduaren arduradun gisa, zure datu pertsonalak biltzen ditu gure zerbitzu eta programekin zerikusia duten zerbitzuak emateko. Eskubidea duzu edozein unetan zure adostasuna erretiratzeko, tratamendua aurkatzeko, zure datuak eskuratu, zuzendu eta ezabatzeko, eta orobat beste eskubide batzuk erabiltzeko. Horretarako, posta elektroniko bat bidali beharko duzu lopd@spri.eus helbidera. Era berean, Datu Pertsonalen Babesari buruzko informazio gehigarriaren eta xehearen berri izateko, jo Pribatutasun politika atalera. “Bidali” botoia klikatuz adostasuna emango duzu zure datuak trata daitezen gorago adierazitako baldintzetan.

Laguntza eskatu nahi duzu orain?

Bete eskaera hau errazago erosteko ikerketarako azpiegitura eta ekipamendu berriak.

ko epea itxita

Sartu zure espedientean. Sartu hemen.

Zalantzaren bat duzu?

Euskal enpresarentzako arreta zerbitzua

TELEFONO ZENBAKIA 900 929 393

Lotutako laguntzak

Zure I+G-proiektua bultzatzeko laguntza-programak diseinatzen ditugu