Hornitzaile estrategikoak erakartzea
Invest in the Basque Country ekimenak hornitzaile estrategikoak erakartzen ditu Euskadira gure ekosisteman integratu daitezen, dela produkzio-lantegi batekin, dela I+G-ko zentro batekin.
Testuinguru global gero eta arriskutsuago honetan (pandemia, gatazka belikoak, lehengai eta itsasoratze kostuen gorakada, etab.), inoiz baino garrantzitsuagoa da tokiko hornitzaile estrategikoen oinarri sendo bat izatea.
Nahiz eta Euskadin badugun ekosistema industrial indartsu bat, posible da hemen ezin eskuratu izatea atzerrian kokatutako hornitzaileek eskaintzen dituzten hainbat osagai edo zerbitzu.
Horregatik jarri du martxan SPRIk ekimen hau, jakin nahi baitu zein teknologia edo osagai falta diren gure balio-katean, hornitzaile estrategiko horiek Euskadira erakartzeko.
Hornitzaile estrategikoak hurbil daudenean, zure enpresak kostuak eta denbora aurreztu ditzake.
Zein premia ikusten dituzu hornikuntza arloan?
Identifikatuta badituzu, lagundu zaitzakegu
Nola funtzionatzen du?
Gakoa: euskal enpresen hornikuntza-premiak detektatzea
01
AUKERAK DETEKTATU
Euskal enpresek hasierako gogoeta bat egin behar dute argitzeko atzerrian dituen hornitzaileetatik zeini interesa lekiokeen fisikoki kokatzea Euskadin eta jakiteko ezarpen horrek ze onura ekarriko lizkiekeen enpresari eta euskal ekonomiari.
02
KONTRASTEA
Behin azterketa hori egin ondoren, euskal enpresa harremanetan jarriko da atzerriko hornitzailearekin eta aztertuko du zein neurritaraino interesatzen zaion Euskadin kokatzea.
03
INPRIMAKIA BIDALI
Enpresek inprimakia beteko dute, bai Euskadin ezartzeko interesa izan lezaketen hornitzaile zehatzen datuekin, bai hornitzaile identifikaturik ez duten arlo edo teknologien datuekin, baldin eta uste badute halako hornitzaileak Euskadin kokatuta egotea onuragarria izan litekeela euren jarduerarako.
04
BIDEOKONFERENTZIA BATERATUA
Bideokonferentzia bat egingo da inplikatutako alderdiekin: euskal enpresa, atzerriko hornitzailea, Klusterra edo Enpresa Elkartea (prozesuan parte hartu badu) eta Invest The Basque Country. Bilera horretan alderdi bakoitzak bere interesak edo premiak azalduko ditu, zehazteko hasieran bideragarria ote den ezarpen bat egitea Euskadin.
05
EZARPEN-PROIEKTUA
Hasierako interesa positiboa bada, Invest in The Basque Country ekimenak Ezarpen-Proiektu bat garatuko du atzerriko hornitzailearentzat, atal hauek izango dituena: Ekosistema industriala, balizko kokalekuak, Administrazioak eskaintzen dituen laguntzak eta programak, fiskalitatea, etab.
Hornikuntza-katea azkartu, produkzio-epeak laburtu, zerbitzua hobetu edo eraginkortasuna eta malgutasuna hobetu nahi duten euskal enpresentzat.
Euren hondar-alea jar dezakete euren hornitzaileei ezarpena egiteko bidea erraztuz, edo ezagutzera emanez euren lan-eremuan edo merkatuan antzeman dituzten hornikuntza-premiak.
Hornitzaile Estrategikoak Erakartzeko ekimena Euskadiko Kluster eta Enpresa Elkarte garrantzitsuenekin lankidetzan garatzen da.
SPRI Taldeko Invest in the Basque Country, arloak lideratzen du ekimena, eta bere helburua da atzerriko kalitatezko inbertsioak atzeman eta mantentzea.
"Financial Times egunkariak laugarren aldiz jarraian azpimarratu du Euskadik inbertsioak atzemateko egiten duen lana, eta dio Euskadi dela Europako eskualde ertain erakargarriena atzerriko inbertsioak atzemateko estrategiaren aldetik."
Ohiko galderak
Kargatzen...
Zein hornikuntza-premia antzeman dituzu zure balio-katean? Kontaiguzu hemen
Esaiguzu zure hornitzaileetatik zein gustatuko litzaizukeen Euskadin ezartzea, edo zein hornikuntza-premia detektatu dituzun, teknologia edo hornitzaile estrategiko horiek Euskadira erakarri ditzagun.
Zalantzarik?
Jarri gurekin harremanetan.
Euskal enpresentzako arreta zerbitzua
Zure Invest in Basque Country-proiektua bultzatzeko laguntza-programak diseinatzen ditugu
Baskeep 
Industria-enpresak sendotzeko inbertsio-aukerak
Euskal inbertsio-plataforma, gune seguru eta konfidentziala eskaintzen duena, beren negozioa finkatu, indartu edo zabaldu nahi duten enpresek aukera izan dezaten beren jarduera sendotzera bideratutako inbertsio-proposamenak jasotzeko. Eskatu hemen Invest in Basque Country 
Aholkularitza ematen diegu Europako aliatu onena Euskadi dela uste duten atzerriko inbertsiogileei
Prest zaude Euskadin negozioak egiteko? Jarri harremanetan gurekin eta arrakastatsu bihurtuko dugu zure proiektua: finantzaketa eta bazkideak bilatuz, laguntzak tramitatuz, adimen lehiakorreko zerbitzua eskainiz, harremanak bideratuz erakundeekin eta sektoreko klusterrekin. Eskatu hemen Basque Funtsa programa 
Bultzada bat enpresa-ideiei eta maileguetarako sarbidea baldintza abantailatsuetan
Inbertsio publikoko tresna berri bat 3 urte baino gutxiago dituzten industria arloko mikroenpresa eta ETEentzat, enpresa-ideia baten heltze-prozesua ahalbidetzeko BIC batean. Eskatu hemen Indartu programa 
Ekoizpen-instalazio berriak erosi, berritu eta ekipatzeko programa
Itzuli beharrik gabeko dirulaguntzak Ezkerraldea handitutan eta Euskadiko urteko batez bestekoa baino langabezia-tasa handiagoa duten udalerri batzuetan kokatutako industria-enpresek eginiko inbertsioentzat. Aurreeskaera irekita Gauzatu Industria programa 
Industria-instalazio berriak erosteko, ekipatzeko eta abian jartzeko finantzaketa
Inbertsioaren % 35erainoko aurrerakin itzulgarriak, instalazio berriak erosi edo ekipatzeko edota plantillan talentua sartzeko (jabetza industriala eta patenteak, ekipo eta aplikazio informatikoak, instalazio teknikoak…). Aurreskaera irekita Renove Smart Industry programa 
Industria Adimendunerako ekipoak eta softwarea erosteko eta berritzeko laguntza
75.000 €-rainoko laguntzak enpresako Hardwarea eta Softwarea erosteko. Fabrikazio aurreratua, Fabrikazio gehigarria, Robotika industriala, Internet of Things, Adimen Artifiziala, Sistema ziber-fisikoak, Errealitate birtuala eta areagotua, Digital Twins… 2024 epea itxita Ekintzaile + programa 
Inpaktu handiko ekintzailetza-proiektuak abian jartzeko bultzada
Itzuli beharrik gabeko 100.000 €-rainoko dirulaguntza, EAEko Startupek beren proiektu berritzaileak sustatzeko aukera izan ditzaten, talentua kontratatuz eta beren enpresa-plana abian jarriz Epea itxita Ekintzaile programa 