Filtra tu búsqueda

Industria digitala 2024

Bultzatu zure enpresaren eraldaketa digitala informazioaren eta komunikazioaren teknologien bidez

Eskatu hemen

Industria digitala 2024

Digitalizaziorako laguntzak, euskal enpresnen lehiakortasuna sustatzeko, teknologia digital eta jasangarrien bitartez

Industria Digitala programaren helburua euskal enpresa guztiak bultzatzea da, lehiakortasuna areagotzeko behar dituzten baliabideak eta aholkularitza pertsonalizatua eskeiniz, teknologia digital eta jasangarrien bitartez, merkatuan duten posizionamendua hobetzeko lehiakortasun abantailak garatu ahal izateko.

Teknologien bilakaera azkarra eta etengabea da.  Ondorioz, enpresa askok zailtasunak dituzte teknologia hauek beharrezko abiaduran ezartzeko. Horregatik, Industria Digitala programak 23.000 €arte eskaintzen ditu urte eta enpresa bakoitzeko, EIKTak diagnostikatu eta/edo beren produktu, prozesu eta zerbitzuetan ezartzeko proiektuetarako. Hau da, bere balio-katean txertatzeko.

Proiektu horiek hainbat arlotakoak izan daitezke: Big Data, errealitate birtuala, biki digitalak, smart factory, merkataritza elektronikoa, enpresen kudeaketako sistemak, produktuaren bizi-zikloaren kudeaketa.

Eraldaketa digitalari aurrera egiteko aukera, teknologia digital eta iraunkorren bidezko konponbideak garatuz eta ezarriz, enpresa-erronka garrantzitsuenei aurre egin ahal izateko.

Epeak

Hasiera data: 2024-03-06

Amaiera data:
2024-11-04, 23:59retan

Diagnostiko-proiektuak eta/edo EIKTen ezartzea

Big data

Sentsorika, SCAD, zerbitizazioa, prozesuen automatizazioa, BIG DATA eta Blockchain.

Errealitate birtuala

Errealitate birtuala, handitua, mistoa eta ikusmen artifiziala.

Biki digitalak

Berria!
Prozesu industrialen simulazioa, elkarrekin uztartuko direlarik gaitasun fisikoak eta birtualak.

Dokumentu elektronikoen zaintza

Epe luzean datuak gordetzeko zerbitzuak.
Europako eIDAS erregelamenduko TS 119 511 (2019/06) eta TS 119 512 (2020/01) estandarren arabera.

Energia-kudeaketa

Berria!
Energia-eraginkortasunaren eta deskarbonizazioaren kudeaketa hobetzen duten tresna digitalak.

Biltegien kudeaketa

Berria!
Biltegia kudeatzeko sistemak (SGA/WMS), inbentarioa eta hornidura-katea eraginkortasunez kudeatzeko.

Merkataritza elektronikoa

ERParekin integratuta dauden erosketa elektronikoak, salmenta elektronikoak eta B2B edo B2C proiektuak.

Ekoizpena, analisia eta erabakiak hartzea

Produkzioa hobetu edo automatizatzen duten eta analisia garatzea eta erabakiak hartzea errazten duten proiektuak.

Business Intelligence

Berria!
Business Intelligenceren txostenak bistaratzeko sistemak ezartzea eta sistema horiek datu-iturri desberdinekin integratzeko beharrezko lanak egitea.

Eta, gainera, zure enpresa ETE bat bada:

Enpresa-kudeaketa sistemak

Enpresaren kudeaketa aurreratuko sistemak, adibidez: ERPak, Business Intelligence, SMC, Mantenimendu prebentiboa, Hornikuntza-katearen kudeaketa logistikoa.

Life cycle

Produktuaren bizi-zikloaren kudeaketa (CAM CAE, PDM, DMF motako aplikazioak ezartzea).

Bezeroen kudeaketa

Berria!
CRM (Customer Relationship Management) proiektuak ezartzea, bezeroekiko harremanen kudeaketa optimizatzeko.

Aurreko edizioko zifrak

0

Aurkeztutako eskaera

0

Onartutako eskaera

0 €

EIKTetan inbertitzeko batez besteko aurrekontua

Programa honek dagoeneko 9 deialdi baditu ere, 2023an laguntza horien eskaera nahiko egonkor mantendu da. 2023ko Industria Digitalaren deialdian 641 eskabide aurkeztu ziren, eta horietatik 582 onartu ziren.

Era berean, EIKTen inbertsioen batez besteko aurrekontua 10.082 € ingurukoa izan zen enpresa bakoitzeko.

Eskaeren egonkortzeak argi uzten du digitalizazio-proiektuak bultzatzeko lanean jarraitu behar dugula, euskal industria-sarearen lehiakortasuna hobetzeko tresna gisa, prozesuak optimizatuz eta barruko zein kanpoko komunikazioen bidez, industria adimendunerantz urrats bat gehiago emanez.

Zer eskaintzen du?

Industria Digitalak eskaintzen dizu

Gaitasun digital berriak eskuratzeko eta ekoizpen- edo kudeaketa-prozesuan aplikatzeko laguntza.

Urtean 23.000 euroraino  zure enpresak behar dituen EIKTen diagnostikorako eta ezarpenerako.

Laguntza pertsonalizatua zure eraldaketa digitalaren bitartez enpresa adimendunerantz joateko.

Zertan laguntzen dizu?

Industria Digitala laguntzak emango dizu

  • Teknologia digitalak arrakastaz ezartzeko beharrezkoak diren ezagutzak dituen EIKTetako espezialista baten laguntza izateko.
  • Zure makinei sentsoreak gehitu, prozesuak automatizatu eta neurtzen laguntzeko.
  • Zure produktuak prototipatzeko eta testatzeko eredu birtualak sortzeko.
  • Energiaren erabilera aztertzea eta hobetzea eta karbono-aztarna murriztea..
  • Zure datu, zerbitzari eta aplikazioetarako segurtasuna eta sarbidea bermatzea, lainoan sartuta. Migrazioa enpresako prozesu guztiei aplikatzen zaienean, "KLOUD" programaren bidez egingo da.
  • Enpresako prozesu guztiak hodeira migratu behar badituzu, kontsultatu "KLOUD" programa.
    Odeira migrazioa enpresako prozesu guztiei aplikatzen zaienean, "KLOUD" programaren bidez egingo da.
  • Eragiketa logistiko guztiak optimizatzea eta gainbegiratzea biltegia kudeatzeko sistema baten bidez.
  • Merkataritza elektronikoaren bidez salmenta-kanal berri bat garatzea, bezero eta banatzaile berriak erakartzeko edo egungoak finkatzeko.
  • Business Intelligence delakoa hobetzeko, eta horrela, datuetan oinarritutako erabakiak hartu ahal izateko.

Gainera, zure enpresa ETE bat bada:

  • ERP bat edo antzeko beste tresna batzuk ezartzeko, zure enpresaren baliabideak eta informazioa modu eraginkorragoan kudeatzeko. Aholkularitza barne.
  • Produktuak prozesu osoan zehar duen balioa maximizatzea, sortzen denetik merkatutik erretiratzen den arte.
  • CRM proiektuen bidez bezeroekiko harremanak eraginkortasunez kudeatzeko estrategia eta sistema ezartzea.

Ezagutu xehetasunez programa hau

2024ko Araudia
Norentzat da?

Zure enpresa eraldatu nahi duzu?

Euskadin jarduera-zentro bat duten enpresa guztiek, hala eskatzen badute, beren lehiakortasuna eta merkatuan duten posizioa hobetu ahal izango dute, beren neurrirako EIKT irtenbideak ezarriz.

Industria Digitala EIKTen erabilera sustatzeko diseinatu da, euskal enpresen eraldaketa digitala sustatzeko eta 4.0 industriarantz pauso bat emateko.

Ohiko galderak

Zalantzak argitu

Ebazteko gehieneko epea 6 hilabetekoa izango da agiri guztiak aurkezten diren egunetik kontatzen hasita. Epe horren barruan ebazpenik jaso ez bada, gaitzetsi egin dela ulertuko da.

Inola ere ez fakturan jasanarazitako BEZa edo eskatzaileak edo taldeko enpresek egindako lanak. Honako hauek ere ezingo dira diruz lagundu: aholkulariaren joan-etorri gastuak, material didaktikoak prestatzearekin edo aretoak alokatzearekin lotutakoak, dietak eta antzekoak.

Bai, baldin laguntza guztien baturak ez badu gainditzen proiektuaren kostu osoa.

Dirulaguntzaren portzentajea laguntza eskatzen duen enpresaren tamainaren araberakoa da:

  • Mikroenpresa edo Enpresa txikia bada: % 50.
  • Enpresa ertaina bada: % 35.
  • Enpresa handi bada: % 25.

Deskargatu hemen “ETE kontzeptuaren definizioari buruzko erabiltzailearen gida”, non azaltzen den zer hartu behar den kontuan eta nola kalkulatzen den enpresaren tamaina.

Zalantzaren bat duzu?

Euskal enpresarentzako arreta zerbitzua.

Deitu 900 929 393-ra

Eskatu hemen

Eskuratu orain zure enpresa digitalizatzeko laguntzak. Zure zalantzak argituko ditugu

Eskatu aurretik, laguntza programa honi buruzko kontsultaren bat egin nahi baduzu, formulario honen bidez egin dezakezu.


  • SPRI-Enpresen Garapenerako Euskal Agentziak, datuen tratamenduaren arduradun gisa, zure datu pertsonalak biltzen ditu gure zerbitzu eta programekin zerikusia duten zerbitzuak emateko. Eskubidea duzu edozein unetan zure adostasuna erretiratzeko, tratamendua aurkatzeko, zure datuak eskuratu, zuzendu eta ezabatzeko, eta orobat beste eskubide batzuk erabiltzeko. Horretarako, posta elektroniko bat bidali beharko duzu lopd@spri.eus helbidera. Era berean, Datu Pertsonalen Babesari buruzko informazio gehigarriaren eta xehearen berri izateko, jo Pribatutasun politika atalera. “Bidali” botoia klikatuz adostasuna emango duzu zure datuak trata daitezen gorago adierazitako baldintzetan.

Laguntza eskatu nahi duzu orain?

Bete zure eskaera INDUSTRIA DIGITALA programako dirulaguntzak eskuratzeko.

ESKATU HEMEN
Lotutako laguntzak

Zure Eraldaketa digitala-proiektua bultzatzeko laguntza-programak diseinatzen ditugu