Euskal enpresek zuzeneko informazioa jasotzen dute ekonomia suspertzeko eta enplegua sortzeko 68 programei buruz
- 430 milioi ETEentzat. Xehetasun gehiago katalogo digitalean.
2.200 euskal enpresak eman dute izena jardunaldien zuzeneko streaming-ean eta egunero jarraitzen dute SPRI Taldearen YouTubeko kanalaren bitartez. Eusko Jaurlaritzako Ekonomi Garapen, Jasangarritasun eta Ingurumen Sailak 68 laguntza programa abiarazi ditu ekonomia suspertzeko, enplegua sortzeko eta garapen jasangarria ahalbidetzeko, batez ere enpresa txiki eta ertainetan. Hala, enpresa horiek zuzeneko informazioa jasotzen dute programa horien edukiari, helburuei, gaiei, aurrekontuei eta epeei buruz.
Otsailaren 24, 25 eta 26an eginiko jardunaldi telematikoetan, programen zuzeneko arduradunek azaldu dute 2021ean 430 milioi eurotik gora inbertituko direla I+G+Bn, teknologietan, digitalizazioan, berrikuntzan, ekintzailetzan, garapen industrialean, nazioartekotzean, energia eraginkortasunean, energia berriztagarrietan eta ingurumenean, lehen sektorean, elikadura-industrian eta jasangarritasunean.
Ekonomi Garapen, Jasangarritasun eta Ingurumen Sailak koordinatu ditu jardunaldi horiek, eta sozietate publiko guztiak elkarlanean ari dira (SPRI Taldea EEE, IHOBE, URA, HAZI FUNDAZIOA eta ELIKA), laguntzei buruzko informazioa Euskadiko enpresa guztietara irits dadin eta aukera izan dezaten laguntza horiek eskuratzeko.
Arantxa Tapia sailburuak duela gutxi eman du ekimenaren berri, eta laguntza programen katalogo digitala aurkeztu du. Jardunaldi horiek SPRI Taldeak Youtuben duen kanalaren bidez erretransmititu dira, eta bertan ostatatuta gelditu dira, edonoiz ikusi ahal izateko.
Onlineko jardunaldiak
Otsailak 24, Teknologia, Berrikuntza eta Ekintzailetza: Teknologia, Berrikuntza eta Lehiakortasun sailburuorde Estibaliz Hernaezek, bere saileko hainbat zuzendarirekin batera, hizpide hartu ditu ikerketako, berrikuntzako, eraldaketa digitaleko eta ekintzailetzako programak. Helburua da Euskadi Europa mailako berrikuntza-gune izan dadila, enpresa teknologikoen sorkuntza % 10 handitzea eta Euskadi tokiko industriarekin lankidetzan aritzen diren nazioarteko startup-en trakzio-ekosistema bihurtzea.
Otsailak 25, Industria, Energia eta Ingurumena: Javier Zarraonandia Industria sailburuordeak eta Amaia Barredo Ingurumen sailburuordeak garapen industrial, nazioartekotze, eraginkortasun energetiko, energia berriztagarri eta ingurumen arloetako laguntzak aurkeztu dituzte beste arduradun batzuekin batera. Programa horien helburua da industria eta zerbitzu aurreratuak BPGaren % 40 izan daitezela. Baita ere enpresen nazioartekotzea Covid-ak eragin duen egungo nazioarteko testuingurura egokitzea, eta energiaren amaierako kontsumoaren % 20 energia berriztagarrien bidez asetzea. Bestalde, badaude zailtasunak dituzten enpresentzako eta eremu behartsuetan inbertitzeko programak.
Horrez gain, asmoa da berotegi efektuko gasen isurketa % 30 murriztea, hondakinen sorkuntza gutxitzea eta horien balorizazioa eta berrerabilpena areagotzea, ingurumen-estrategia politika transbertsal gisa inplementatzea eta uraren, lurzoruaren eta airearen adierazleak hobetzea, bioaniztasuna hobeto defendatu eta errespetatzeko. Eta horrexetarako aurreikusi dira ekonomia zirkularra eta bio-ekonomia bultzatzeko programak.
Otsailak 26, Lehen Sektorea eta Landa eta Itsasertzeko Garapena: Nekazaritza, Arrantza eta Elikagaien Politikako sailburuorde Bittor Orozek hizpide hartu ditu lehen sektorerako, landa eta itsasertz eremuetako jarduera ekonomikorako eta elikadura industriarako laguntzak. Programa horiekin lortu nahi dena da elikagaien produkzioa handitzea Euskadin eta lurralde arteko oreka handiagoa bermatzea, bizi-kalitatea emanez landa-guneetan eta itsasertzeko guneetan bizi diren eta lan egiten duten pertsonei.
Laguntzen zerrenda
I+G teknologientzako laguntzak (210,2)
- Hazitek: 91,3 milioi euro. Enpresa sektorean ikerkuntza industrialeko edo garapen esperimentaleko proiektuak egiteko laguntzak. Proiektu horiek lehiakorrak nahiz estrategikoak izan daitezke.
- Emaitek Plus: 68 milioi euro. Zientzia, Teknologia eta Berrikuntzaren Euskal Sareko Foku Anitzeko Teknologia Zentroen eta Ikerkuntza Kooperatiboko Zentroen (IKZ) jarduera ez-ekonomikoa bultzatzeko laguntzak.
- Elkartek: 40 milioi euro. Zientzia, Teknologia eta Berrikuntzako Euskal Sareko ikerketa, garapen eta berrikuntzako erakundeek eginiko ikerketa kolaboratiboak bultzatzea.
- Azpitek: 5,3 milioi euro. Ekipamendu zientifikoa eta teknikoa erosi, instalatu eta eguneratzeko laguntzak.
- Bikaintek: 5,6 milioi euro. I+G proiektuak garatzeko laguntzak, doktore titulua duten ikertzaileak langile gisa sartuz eta doktorego industrialak eginaz.
Berrikuntzako laguntzak (6,18)
- Innobideak: 3,3 milioi euro. Lehiakortasunaren hobekuntza, laguntzak emanez berrikuntzara, kudeaketa hobetzera, pertsonen parte-hartzera, negozio ereduak egokitzera edo/eta enpresen tamaina indartzera bideratutako proiektuentzat.
- Hazinnova: 2,4 milioi euro. Berrikuntza ez-teknologikoa bultzatzeko gauzazko laguntzak, produktuan nahiz negozio-prozesuetan berrikuntza txikiak sortuko dituzten mikroproiektuen bidez.
- BDIH Konexio: 0,48 milioi euro. Manufaktura-enpresen produktu eta zerbitzuen diseinuan eta garapenean teknologia digital eta jasangarriak txertatzeko laguntzak.
Ekintzailetzarako laguntzak (4,2)
- Ekintzaile/Barnekintzaile: 3,1 milioi euro. Industriaren edo zerbitzu aurreratuen sektoreko enpresa proiektu berritzaileentzako laguntzak.
- BIND 4.0: Enpresen eta startup teknologikoen arteko elkarreragina dinamizatzea, proiektu berritzaileagoak garatzeko industria adimendun, energia, osasun eta elikadura arloetan.
- Barnekintzailetza: 0,4 milioi euro. Dirulaguntza nominatiboak BICei barnekintzailetza sustatzen laguntzeko.
- Basque Funtsa. Enpresa-ideia baten heltze-prozesua babesten du BIC (Business Innovation Centre) batean. Enpresa berriarentzako maileguak baldintza abantailatsuetan.
- Aurrera. Enpresa-ideia baten heltze-prozesua babesten du BIC (Business Innovation Centre) batean. Enpresa berriarentzako maileguak baldintza abantailatsuetan.
Eraldaketa Digitalerako laguntzak (15,66)
- Adimen Artifizial Aplikatua: 2 milioi euro. Adimen Artifizialean oinarritutako zerbitzu edo/eta konponbide komertzialak aplikatzeko proiektuei zuzendutako laguntzak.
- Enpresentzako Banda Zabal Ultra-azkarra: 0,4 milioi euro. Banda zabal ultra-azkarreko sareak eramatea horrelako zerbitzurik ez duten Euskadiko enpresetaraino.
- Enpresentzako 5G programa: 1,7 milioi euro. 5G teknologiak ezartzeko proiektuentzako laguntzak, enpresetan teknologia hori azkarrago ezartzeko eta, bide horretatik, ekonomiaren trantsizio digitala ahalbidetzeko enpresa arloan.
- Basque Industry 4.0: 2,3 milioi euro. Ikerketa Industrialeko eta Garapen Esperimentaleko proiektuentzako laguntzak. Proiektu horiek hornitzaile teknologikoetatik enpresa industrialetaranzko teknologia-transferentzia landuko dute Fabrikazio Aurreratuari aplikatutako EIKTen esparruan.
- Industria Digitala: 3,6 milioi euro. Elektronika, Informazio eta Komunikazio Teknologiak (EIKT) txertatzeko laguntzak.
- Zibersegurtasun industriala programa: 2,5 milioi euro. Zibersegurtasun Industriala bultzatzea, batez ere zibererasoetatik babesteko sistemen konbergentzia eta integrazioa lantzen duten proiektuak.
- BAIT/IT Txartela Ziurtagiri zerbitzuak: 0,5 milioi euro.
- Gaitasun Digitalak: 2,66 milioi euro. Mikroenpresa Digitala Inplantalariak, Mikroenpresa Digitala Prestakuntza, Enpresa Digitala zentroetako zerbitzuak, Barnetegi Teknologikoa zerbitzua, Ikanos-Gaitasun Digitalak zerbitzua.
Garapen Industrialerako Laguntzak (65)
- Bateratu: 3 milioi euro. Kontzentrazio-prozesuetan murgilduta dauden enpresentzako laguntzak, produkzio-inbertsioak egiteko eta inbertsio horien bidez produkzio gaitasuna handitzeko.
- Bilakatu: 11 milioi euro. “Reshoring” prozesuekin edo Euskaditik kanpo deslokalizatuta egon diren gaitasunen birlokalizazio-prozesuekin lotutako inbertsio produktiboak.
- Indartu: 12 milioi euro. Inbertsio produktiboa egiten duten enpresentzako edo enpresa-taldeentzako laguntzak.
- Gauzatu: 28 milioi euro. Aurrerakin itzulgarriak oinarri teknologiko edota berritzaileko ETEen sorrera eta garapena bultzatzeko.
- Renove 4.0: 5 milioi euro.
Makineria edota ekipamendu aurreratuak erosteko laguntzak. - Bideratu Berria: 5 milioi euro. Krisi-egoeran dauden enpresak berregituratzeko eta berrindartzeko laguntzak.
- Lortu: Milio 1 euro. Kanpoko profesionalen babesa ematea babes hori behar duten enpresa industrialei eta zerbitzu aurreratuetako enpresei, birfinantzaketa-proiektu bat egin ahal izateko eta, enpresaren egoera operatibo eta finantzariotik abiatuta, enpresaren jarraipena eta etorkizuna bermatuko duten balizko ekintzak aztertzeko..
Trantsizio Energetikoko Laguntzak (27,7)
- Itsas energiak 2,5 milioi euro
- Eraikinen birgaitze energetikoa-PREE: 11,2 milioi euro
- Moves II plana: : 4,5 milioi euro
- Garraio eta Mugikortasun Eraginkorreko Inbertsioak: 1,9 milioi euro
- Biomasaren energia aprobetxatzeko instalazioetako inbertsioak:: milioi 1 euro
- Geotermiaren energia aprobetxatzeko instalazioetako inbertsioak: 0,9 milioi euro
- Autokontsumo elektrikorako energia berriztagarrien instalazioetako inbertsioak: 5,7 milioi euro
Nazioartekotzea (21,3)
- Nazioarteko Gauzatu: 5 milioi euro. Finantzaketa atzerrian inbertsio produktiboak egiteko.
- Zabaldu: 3 milioi euro. Itzuli beharrik gabeko dirulaguntzak, atzerriko merkatuetarako sustapenarekin lotutako gastu korronteak estaltzeko.
- Sakondu: 0,8 milioi euro. Itzuli beharrik gabeko dirulaguntzak, atzerriko merkatuetarako sustapenarekin lotutako gastu korronteak estaltzeko.
- Elkartu: 0,9 milioi euro. Itzuli beharrik gabeko dirulaguntzak, atzerriko merkatuetarako sustapenarekin lotutako gastu korronteak estaltzeko.
- Pilotu: 0,4 milioi euro. ETEentzako laguntzak, nazioarteko inbertsio publikoko proiektu pilotuak garatu ditzaten.
- BEINT nazioartekotze bekak: 5 milioi euro. Enpresen nazioartekotze arloko prestakuntza espezializatua, zeinak elkarrekin konbinatzen baititu ezagutza teorikoak eta praktikak atzerriko merkataritza sustatzen duten erakundeetan nahiz atzerrian kokatutako enpresetan.
- Global Training mugikortasun bekak:
6,2 milioi euro. Edozein profilentzako lanbide heziketa atzerrian, ordaindutako praktikak eginez enpresa edo erakunde egokietan.
Landa-eremuetako eta itsasertzeko ekonomia (13,56)
- Erein: 7,56 milioi euro. Landatartasun-maila duten landa-eremuen garapen eta dibertsifikazio ekonomikoari laguntzea.
- Leader: 5,21 milioi euro. Landa-eremuen garapen sozioekonomikoari laguntzeko.
- Itsaspen: 0,5 milio euro. Eremu litoralen sustapena eta garapena sustatzeko.
- Turismo erabilerako etxebizitzak landa etxeen eredura egokitzea: 0,3 milioi euro.
Lehen sektoreko ETEak (21,3)
- Flota modernizatzea: 17,5 milioi euro. Arrantza eta akuikultura sektorerako laguntzak.
- Arrantza-eremuen garapena: 2,2 milioi euro. Arrantzale herrien tokiko garapeneko estrategia garatzeko proiektu eta ekimenentzako laguntzak.
- Itsasoratu: 0,1 milioi euro. Itsasoko Arrantza Eskoletan ikasten duten gazteentzako laguntzak, titulatuei itsasontzietan sartzen laguntzeko.
- Produkzio ekologikoranzko trantsizioa: 0,5 milioi euro. Ustiategi / kooperatiba / erakundeentzako laguntzak, produkzio ekologikoa eta ingurumen jasangarritasuna bultzatzeko.
- Nekazaritzako ustiategiak: 0,4 milioi euro. Ustiategientzako finantzaketa, animalien ongizatea bermatzen duen Welfair ziurtagiria eskuratzeko.
- Nitxo produktibo berriak: 0,3 milioi euro. Bultza litezkeen beste azpi-sektore batzuetarako (fruitu lehorrak, lupulua, ahuntzak…) laguntzak inbertsioetarako, proiektu pilotuetarako, negozio-planetarako nahiz eskulanerako.
- Nekazaritzako ustiategiak digitalizatzea: 0,3 milioi euro. Ustiategietako titularrak prestakuntza-ikastaroetara bidaltzeko eta ekipoetan inbertitzeko laguntzak.
Elikadura industria (30,63*)
- Lehiatu Sustapena: 0,5 milioi euro. Kanpo-sustapena.
- Lehiatu Berria: 17,48 milioi euro. Nekazaritza, basogintza, arrantza eta akuikulturako produktuak eraldatu, merkaturatu edo garatzera bideratutako inbertsioak egiteko laguntzak.
- OCM Inbertsioa (*). Mahasti eta ardogintzako enpresen errendimendu globala hobetzeko eta merkatuko eskaeretara egokitzeko laguntzak.
- OCM Sustapena (*) Mahasti eta ardogintzako ekoizleen lehiakortasuna eta ardoen kalitatea hobetzeko laguntzak.
- Lehiatu Ardoa: 0,6 milioi euro. Produktuak atzerrian sustatzeko eta irtenaldi komertzial berriak egiteko laguntzak.
- Basque Wine Sustapena: 0,4 milioi euro. Barne-merkatuko sustapena.
- Sustapen Ekologikoa: milioi 1 euro produktu eta formatu ekologiko berriak sortzeko
- Basque Label Okindegiak: 0,45 milioi euro. Markaren garapenean parte hartzen duten establezimendu tradizionalentzako laguntzak.
- Basque Label Arraindegiak: 0,5 milioi euro. Markaren garapenean parte hartzen duten establezimendu tradizionalentzako laguntzak.
- On Ekin: 0,9 milioi euro. Elikadura eta zuraren balio-kateetako ekintzailetza, berrikuntza eta digitalizazioa bultzatzeko laguntzak.
- Berriker I+G Laguntzak: 2,5 milioi euro. Ikerketa, garapena eta berrikuntza akuilatzea eta sustatzea nekazaritza, basogintza, arrantza eta akuikultura sektoreetan.
- I+G Elikaduraren eta zuraren katean: milioi 1 euro. Barneko sistemen garapen eta berrikuntzarako laguntzak.
- Elikadurako Digitalizazioa: 2 milioi euro. Euskal enpresei -batik bat ETEei- gaitasun zientifiko eta teknologiko berritzaile eta bikainak eskuratzen laguntzeko laguntzak.
- Lankidetzako neurriak-Gastrocoop: 1,6 milioi euro. Gutxienez bi erakunderen arteko lankidetza sustatzea, aurrera egiteko Landa Garapeneko Programaren helburu transbertsal hauetan: berrikuntza azkartzea, ingurumenarekin lotutako alderdiak hobetzea, klima aldaketaren ondorioak arintzea / aldaketetara egokitzea.
- Doktoregaientzako kontratuak Elikadurako Industrian: 1,7 milioi euro. Ikertzaileak prestatzea doktoretza tesiak egin ditzaten, eta horrekin batera, teknologoak trebatzea.
Bioekonomia, Ekonomia Zirkularra eta Ingurumena (9)
- Bioekonomia: 3 milioi euro. Proiektu pilotuak nahiz proiektu eraldatzaileak bultzatzeko eta kanpoko proiektuak detektatu eta erakartzeko laguntzak.
- Ingurumen-proiektuentzako laguntzak: 4 milioi euro. Europar Batasunak ingurumena babesteko ezarritako arauetatik harago doazen edo, araurik ez dagoen kasuetan, babes-maila handitzen duten inbertsioetarako laguntzak.
- Ekonomia Zirkularrean berritzeko laguntzak: milioi 1 euro. Ekodiseinu, ekonomia zirkular eta ekoberrikuntza estrategikoko proiektu berritzaileak garatzea enpresa industrialetan.
- ETE zirkularra: : milioi 1 euro. Ekonomia zirkularreko estrategia bultzatzea.
Lotutako albisteak
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko