Euskal enpresek aukera dute 1.250 milioi euroko 10 proiektutan parte hartzeko Latinoamerikan
Eusko Jaurlaritzak “Basque Country Lizitazioak” plataformaren bigarren edizioa aurkeztu du. Plataforma horrek enpresei laguntzen die nazioarteko lizitazio handietan parte hartzen.
Euskal enpresa bat hiru lizitazioren esleipendun izan zen lehen edizioan.
“Lantaldea indartuko dugu enpresengandik hurbilago egoteko” jakinarazi du Javier Zarraonandia Industria sailburuordeak
Euskal enpresa askok ez dakite nolako aukerak dakartzaten proiektu multilateralek, hots, Munduko Bankuak eta Amerika arteko Garapenerako Bankuak (BID) sustatutakoek. Euskadiko konpainiei laguntzeko asmoz, iaz Eusko Jaurlaritzak tresna bat sortu zuen, “Basque Country Lizitazioak” plataforma, zeinaren helburua baita euskal enpresei laguntzea nazioarteko funtsek bultzatzen eta finantzatzen dituzten nazioarteko lizitazio handietako proiektuetan parte hartzen. Plataforma horri esker, euskal enpresa bat esleipendun izan zen hiru lizitaziotan.
SPRI Taldeak Bilbon duen egoitzan eginiko jardunaldi batean aurkeztu da enpresei laguntzeko tresna honen bigarren edizioa, non esan baita euskal enpresek aukera dutela 1.250 milioi euroko proiektuetan parte hartzeko Argentinan, Kolonbian eta Mexikon. Guztira 40 enpresak parte hartu dute topaketan, iazko edizioan baino 15 gehiagok.
Javier Zarraonandia Industria sailburuordeak eman dio hasiera jardunaldiari, eta datu gisa azpimarratu du euskal enpresa batek nazioarteko hiru lizitazio irabazi zituela Basque Country Lizitazioak plataformaren lehen edizioan. “Lantaldea indartuko dugu enpresengandik hurbilago egoteko” jakinarazi du sailburuordeak. Enpresen helburu nagusia negozioa handitzea den arren, Zarraonandiak azpimarratu du Eusko Jaurlaritzak beste helburu bat ere baduela: “enpresek horrelako lizitazioetan parte hartzeko errespetatu behar dituzten joko-arauak ikastea. Zenbat eta esperientzia gehiago, orduan eta laguntza gutxiago beharko duzue guregandik” nabarmendu du.
Agustin Arostegik, SPRI Taldean integratutako Euskadiko Nazioartekotze Agentziako (Basque Trade & Investment) arduradunak, esan du Basque Country Lizitazioak plataformaren helburua dela enpresei nazioartekotzen laguntzea, eta jakinarazi du balitekeela urrian bidaia bat antolatzea Washingtonera euskal enpresekin, beren teknologiak aurkeztu ditzaten.
Alberto Gavinek -hau ere Basque Trade & Investment agentziako kidea- sakonago azaldu ditu “Basque Country Lizitazioak” plataformaren zerbitzuak, zeina bat baitator Eusko Jaurlaritzaren 2017-2020 Nazioartekotze planarekin. “Asmoa da euskal enpresek merkatu multilateral batean parte har dezatela, oso erakargarria delako, eta euskal enpresa-sare osoa nazioartekotzea”.
Gavin-ek aipatu du plataformaren zeregina ez dela bakarrik lizitazioak identifikatzea, balio erantsi bat eskaini nahi baitu “proiektuak sasoiz identifikatuz eta enpresak organismo lizitatzaileei aurkeztuz. Horrela, organismoek lizitazioak plazaratu baino lehen ezagutzen dituzte enpresak”. Esan du negozio multilaterala “bide paregabea dela enpresen nazioartekotzea sustatzeko. Arriskuak desagertu egiten dira bankuek ordainketak bermatzen dituztelako, eta egonkortasun handiko negozioa da”. Aipatu du BIDen eta Munduko Bankuaren proiektu-sortak 62.000 milioi eurotik gorako balioa duela.
“Basque Country Lizitazioak” plataformak laguntza ematen du proiektuak hautatzeko, eta gero “proiektua egingo den tokira joaten gara, ezagutu gaitzaten eta Gobernuaren abala eskaintzeko. Basque Country marka posizionatzen dugu. Konfiantzazko espazioak lortzen ditugu, non informazioa azkarrago transmititzen baita”.
Laburbilduz, “doako plataforma bat da eta zerbitzu bikoitza eskaintzen die enpresei: aurretiazko posizionamendua eta tokian tokiko bazkideak bilatzeko laguntza”.
DFIko (duela 26 urtetik nazioarteko lizitazioetan parte hartzen laguntzen duen erakundeko) zuzendari Emilio Bungek jakinarazi duenez, Munduko Bankuak bere inbertsioak handitu ditu 50.000 milioi eurotik 83.000 milioi euroraino. Eta hainbat aholku eman ditu enpresentzat. “Garrantzitsuena da ondo ezagutzea Munduko Bankuaren eta BIDen lizitazio arauak. Lizitaziora aurkezten den lantaldeak orekatua izan behar du. Funtsezkoak dira metodologia eta langileak”. Izan ere, bi alderdi horiek ematen dute lehiaketa irabazteko puntuen erdia baino gehiago.
Bungek adierazi duenez, “hurrengo 12-18 hilabeteetako negozio aukerak identifikatzen dira, eta gero atzemate-estrategiari ekiten zaio”. Proiektu multilateraletan sartzeak ateak zabal ditzake beste negozio batzuetarako. Adibide bezala jarri du Aisa (Argentinako uren erakundea) enpresaren kasua, zeinak 200 milioi jasotzen baititu bi banku multilateraletatik, “baina beste 500 milioiko aurrekontu propioa du obretarako, aholkularitzarako, e.a.”.
Lujza Richterovak, DFIko kudeatzaile seniorrak, hizpide izan ditu plataformak 2017an zehar landu dituen 12 proiektuak, horietatik bederatzik jasotzen dutelarik BIDen finantzaketa. Besteak beste, aipatzekoa da Buenos Aires uholdeetatik babesteko proiektua, 150 milioi euroko inbertsioa duena. Ez dira oso obra konplexuak, eta bere baitan hartzen dituzte ingeniaritza kontratuak, obra gainbegiraketa, alerta goiztiarreko sistemak…”.
Lotutako albisteak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.