394 enpresak eta 582 gaztek Eusko Jaurlaritzaren nazioartekotze-bekak jaso dituzte aurten
Guztira 394 enpresak eta 582 gaztek jaso dituzte 2024an Eusko Jaurlaritzako Industria, Trantsizio Energetiko eta Jasangarritasun Sailak SPRI Taldean integratutako Euskadiko Nazioartekotze Agentzia-Basque Trade & Investment (BTI) bidez eskainitako nazioartekotze laguntza eta bekak. Guztira, 19,3 milioi euro inguru inbertitu dira bost programa eta bi beka-planetan.
Euskadiko enpresentzako atzerriratze-laguntzak 9,1 milioi eurokoak izan dira guztira, eta Sakondu, Zabaldu, Elkartu, Pilotu eta Nazioarteko Gauzatu programen bidez kudeatzen dira.
Sakondu programa nazioartekotze maila altua duten eta merkatu berrietarako hedapena hasi nahi duten mikroenpresei, ETE-ei eta startupei zuzenduta dago. 2024an, 117 laguntza onartu ziren 1,4 milioi euroko zenbatekoarekin. Zabaldu atzerrian nazioartekotze-maila txikia duten mikroenpresa, ETE eta startupen presentzia areagotzera dago bideratuta, eta 251 proiektu babestu dira 3 milioiko zenbatekoarekin.
Elkartu programa nazioarteko posizioa hobetu nahi duten enpresa-lankidetzako elkarte eta taldeei dago zuzenduta, eta 14 proiektu babestu ditu milioi erdi euroko zenbatekoarekin. Bestetik, Pilotu ekimena atzerriko erakunde publikoekin metodologia edo irtenbide berritzaile berriak probatu nahi dituzten ekimenak laguntzeko dago diseinatuta, eta bost proiektu babestu ditu 180.000 euroko zenbatekoarekin.
Azkenik, Nazioarteko Gauzatu programak Euskadiko enpresei beren nazioartekotze-estrategia garatzeko aukera ematen die, eta beharrezko inbertsioak egiteko baliabideak eta finantzaketa ematen die. Zazpi konpainia babestu ditu 4 milioi euro baino gehiagoko zenbatekoarekin.
Talentua prestatzea
Gazteentzako bi nazioartekotze-bekek, Global Training eta Beintek, 582 gazteri parte-hartzeko aukera eman diete, eta 10,1 milioi euroko inbertsioa izan dute.
Global Training bekak Euskadiren garapen ekonomikorako funtsezkoa den talentua sortzeko ahalegina biltzen duten ekintzetariko bat dira. Gaur egun, enpresek prestatuta dauden pertsonak behar dituzte, eta esperientzia honek Euskadiko gazteei garapen profesionalerako beharrezko ezagutzak eta trebeziak eskuratzeko aukera eskaintzen die. Gainera, horrek guztiak ere badu balio erantsi bat: nazioarteko ingurune kulturaniztunean egin dezakete.
Global Trainingen helburua Euskadiko gazteen prestakuntza eta nazioarteko mugikortasuna erraztea da, ordaindutako praktikak eskaintzen dituzte atzerrian eta ezinbesteko baldintza da unibertsitate-titulu bat edo goi-mailako LH prestakuntza izatea eskatu ahal izateko. 2024an, 500 gazteri eman dizkiete, eta 6,4 milioi euroko inbertsioa egin da.
Bestetik, 82 gaztek eskuratu dituzte Beint bekak 2024an, eta 3,7 milioi euroko inbertsioa egin da. Goi-mailako unibertsitate-titulazioa duten 30 urtez beherako gazteei daude zuzenduta, bi urteko denboraldian atzerriko merkataritzan espezializatzeko asmoz. 38. ediziotan, Euskadiko Autonomia Erkidegoko 2.000 gazte nazioartekotze-arloan eta atzerriko merkataritzari lotutako zereginetan prestatzen lagundu dute.
BEINT beka-programak aukera paregabea eskaintzen du lan-esperientzia eta esperientzia pertsonala eskuratzeko atzerrian, mundu osoko enpresa eta erakundeekiko lankidetzan. Bi urtetan zehar, onuradunek nazioarteko merkataritzaren munduan murgiltzeko aukera izaten dute, eta merkatu globaletan operatzeko ezinbesteko gaitasunak eskuratzeko.
Lotutako albisteak
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.
Euskadik eta Txinak merkataritza-harremanak indartu dituzte Yao Jing Enbaxadorearen bisitarekin
Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.