Abenduak 1, 2, 3: euskal enpresentzako B2B topaketak SPRI Taldearen Kanpo Sareko arduradunekin
Basque Trade-k, SPRI Taldearen Nazioartekotzeko Euskal Agentziak, B2B bilerak egiteko aukera eskainiko die bere Kanpo Sareak jarduten duen herrialdeetako zirkunstantziak lehen eskutik ezagutu nahi dituzten euskal enpresei; aukera paregabea izango da hobeto ulertzeko nola erantzun dioten merkatuek COVID-19ak eragindako krisiari, eta orobat jakiteko zeintzuk diren krisi honek dakartzan arazo eta joerak eta 2021erako aurreikuspenak.
BTI-SPRI lantaldearen informazio zuzen eta fidagarria baliagarri da negozioak atzerrian zabaltzen laguntzeko arrisku gutxiagorekin eta berme handiagoarekin. Gainera, Kanpo Sareak 70 herrialde baino gehiagotan dauzkan bulego eta ordezkaritzetako profesionalek txosten eguneratuak eta erreferentziazko esperientziak partekatuko dituzte bertaratuekin. Bestalde, aholkuak emango dituzte Eusko Jaurlaritzak nazioartekotzea sustatzeko, enpresak esportaziora bultzatzeko eta merkatuetan duten posizionamendua hobetzeko eskaintzen dituen tresna guztiei buruz.
Covid-19ak sortutako erronka globalaren aurrean, enpresek aukera izango dute aurrez aurreko bileretan parte hartzeko, kontsultak egiteko laguntzei edo Programa Instituzionalen bidezko finantzaketari buruz, eta zerbitzuen zorroko zerbitzu pertsonalizatuak eskuratzeko: sarrera komertziala kasuan kasuko herrialdean, hornitzaileen bilaketa hobetzea, merkatuko azterketak, tramiteak egiteko laguntza, coworking-eko espazioak lagatzea, eta baita ere jomugako ezarpen komertzialean edo produktiboan laguntzea.
Topaketa horietarako hitzorduak telematikoki adostu daitezke herrialde hauetako bulegoetako arduradunekin: Argentina eta Uruguai, Brasil, Txile, Txina, Amerikako Estatu Batuak, India, Italia, Mexiko, Polonia eta Ukrainia, Erresuma Batua eta Irlanda, Txekiar Errepublika eta Errusia eta Singapur-ASEAN. Aplikazio sinple bat baino ez da behar hitzorduak erreserbatzeko, eta esteka honetan eskuratu dateke (60 minutuko bakarkako bilerak).
Ekitaldi honi eta euskal enpresentzat interesgarriak izan daitezkeen beste ekimen batzuei buruzko albisteak jasotzeko, komeni da SPRI Taldearen kanal sozialak eta komunikazio kanalak jarraitzea:
– Linkedin: BTI-Nazioartekotzea
– Linkedin: SPRI Taldea
– Informazio-buletinetarako harpidetza
Lotutako albisteak
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.