AEBko industria aeroespaziala: hazkundea eta erronkak
Munduko industria aeroespazialik handiena da Estatu Batuetakoa, honako arrazoiak direla eta: lan indar oso kualifikatua, hornidura-kate sendoak eta gobernuaren babes handia. 2023an 955 mila milioi $-eko salmentak sortu zituen, aurreko urtean baino % 7,1 gehiago, eta AEBko BPGaren % 1,6 ordezkatu zuen. Dena den, baditu erronkak, hala nola hornidura-katearen etenak, presio inflazionista eta mundu mailako lehia. Nolanahi ere, eskariak altua izaten jarraitzen du. Hala, kontratazioa % 4,8 hazi da eta soldatak batezbesteko nazionala baino % 50 altuagoak dira.
Aireko trafikoa berreskuratzea eta MRO arloko aukerak
AEBko aireko trafikoa nabarmen suspertu da
2023an 850 milioi bidaiari zenbatu ziren, eta 2023 eta 2025 artean handitu egin ziren flotak: 1.300 hegazkin berri baino gehiago. Hazkunde horrek bultzada eman dio mantentze-lanen, konponketen eta berrikusketen merkatuari (MRO); 16.700 milioi $-ean baloratuta dago merkatu hori. Digitalizazioak, Adimen Artifizialaren bidezko mantentze-lan prediktiboek eta biki digitalek aukera berriak ekarriko dituzte baliabideak optimizatzeko eta jarduerarik gabeko sasoiak murrizteko.
Abiazio-sektoreko fabrikatzaileak eta konpetentzia
Boeing eta Airbus enpresak gailentzen dira AEBko aireontzien fabrikazioan, baina Boeingek kalitatearekin eta segurtasunarekin lotutako arazoak izan ditu, eta horrek kalte egin dio haren ospeari. Jet pribatuen eta helikopteroen arloan, Textron, Gulfstream eta Sikorsky enpresak daude buruan. Motorren merkatuari dagokionez, General Electric eta CFM International daude buruan, baita Honeywell eta RTX ere. Material arinen berrikuntza eta erregaiaren eraginkortasuna bilatzen dituzte enpresek, kostuak eta emisioak murrizteko.
Abiazio-sektoreko berrikuntza eta aukerak
Teknologia berriak txertatzen ari da sektore aeroespaziala; adibidez, hiriko aire-mugikortasuna (UAM) aireratze eta lurreratze bertikaleko ibilgailu elektrikoekin (eVTOL), erregai jasangarriak eta hidrogeno bidezko propultsio alternatiboa. 3D inprimatzea eta automatizazioa ere aireontzien ekoizpena eta mantentze-lanak eraldatzen ari dira. AEBk ingurune mesedegarria eskaintzen du segmentu horietan inbertitzeko, pizgarri fiskalak dituztelako eta hub industrial giltzarriak daudelako Washingtonen, Texasen, Floridan eta Kansasen.
Sektore espazialaren hazkundea eta aukera teknologikoak
Komunikazio-sateliteen garapenan eta urruneko behaketan aukera handiak
Estatu Batuetako sektore espazialak mundu mailako lehen postuan egoten jarraitzen du. Gobernuak 73 mila milioi $-eko inbertsioa egin zuen 2023an, eta 694,86 mila milioi $-eko merkatua aurreikusten dute 2030erako. SpaceX gailentzen da jaurtiketa orbitaletan; 2024an 138 jaurtiketa egin zituen. Blue Origin eta Maxar dira hurrengoak. Aukeren artean daude komunikazio-sateliteen garapena eta urruneko behaketa, baita jaurtiketa orbitaleko ibilgailuen eskari gorakorra ere. Ekoizpenaren eta jaurtiketaren gune giltzarriak dira, esaterako, Kalifornia, Texas eta Florida.
AEBetan hedatzeko estrategia, datuak eta aholkularitza
SPRI eta Basque Trade & Investment-en lanean dihardugu euskal enpresek nazioarteko merkatuetako aukera onenak aprobetxa ditzaten. Hau bezalako txosten sektorialen, joeren analisien eta merkatu-azterketen bidez, erabakiak hartzea erraztu eta zure hedatze-estrategiak definitzen laguntzen dizugu. Gainera, misio komertzialak antolatzen ditugu eta nazioartekotzea bultzatzeko laguntza garrantzitsuak eskaintzen dizkizugu.
Hil honetan, AEB-en muga-zergetan espezializatutako helpdesk bat jarri dugu martxan, eta aduana-araudiei buruz dituzun zalantzak argitzeko eta AEBko merkaturako sarbidea optimizatzeko funtsezko baliabidea da. Jarri gurekin harremanetan behar duzun edonoiz.
SPRIren buletinera harpidetu eta jaso ezazu sektore estrategikoei, hazten ari diren merkatuei eta zure negoziorako funtsezkoak diren ekitaldiei buruzko informazio eguneratua.
Hemen ere eska dezakezu txosten osoa.
Lotutako beste txosten batzuk:
- BT&I Behatoki Aeroespaziala: Munduko sektore aeroespazialari buruzko txostena
- Txostena: Industria Aeroespaziala Frantzian
- Txostena: Industria Aeroespaziala Kanadan
- Txostena: Industria Aeroespaziala Polonian
- Txostena: Industria Aeroespaziala Erresuma Batuan
- Txostena: Industria Aeroespaziala Brasilen
- Txostena: Industria Aeroespaziala Chinan
Lotutako albisteak
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
BT&I-ren Nazioarteko Behatokia: Hazkunde ekonomiko apalak eta tentsio globalek 2025eko lehen seihilekoa baldintzatuko dute
BasqueTrade-ren Nazioarteko Behatokiaren edizio berriak 2024ko laugarren hiruhilekoko egoera politiko-ekonomiko globala aztertzen du eta, aldi berean, hazkundearen eta joeren aurreikuspenak eskaintzen ditu.