Agiña Piperrak 20 urte baino gehiago piparrak landatzen “gure aitona-amonek egiten zuten bezala”
Iñaki eta Ibon bazkideek, 2002ko maiatzean, Ibarrako piparren beratze- eta artisuau-enpresa propioa eratu zuten Agiña Piperrak izenpean. Usurbilgo enpresa sortu zen “gure aitona-amonek egiten zuten bezala piparra modu tradizionalean lantzeko konbentzimenduarekin”, Iñaki Labaien enpresako bazkidearen esanetan.
Bere lan guztia eskuz egiten du, bai landa-eremuan, bai ekoizpen-aretoan, eta bi laborantza mota burutzen ditu: tradizionala, bere ekoizpenaren %75 dena; eta ekologikoa, gaur egun %25 dena, baina pixkanaka handitzen ari dena. Bigarren laborantza-modu hori desberdina da: “lurrak bi urtez egon behar dira simaurtu gabe, eta ez dute ongarrien arrastorik izan behar. Bestalde, Eusko Jaurlaritzak ziurtatutako pipermin ekologikoaren hazia baino ezin da landatu”, azaldu du Agiña Piperrakeko bazkideak. Horrek Eusko Label zigilu aitorpena lortzea dakar.
Agiña Piperrak merkatu nazionalean zein nazioartekoan mugitzen da. Estatu mailan, ekoizpenaren laurdena saltoki handietako hainbat kateren bidez merkaturatzen du, eta produktuen %60 tokiko eta eskualdeko banatzaileen bidez. Nazioarteko merkatuan, Europako hainbat herrialdetan dago, hala nola Frantzian, Norvegian edo Danimarkan. Gainera, batez ere Estatu Batuetan, Kanadan eta Japonian merkaturatzen ditu bere produktu ekologikoak, “merkatu zailak baitira haien osasun-arauengatik, batez ere Bio produktuak behar dituztelako”, azaldu du Iñaki Labaienek. Gaur egun, kanpo-merkatua enpresaren banaketaren %15 da. “Hazten doa, poliki, baina hazten doa, gure produktua oso baloratua baita atzerrian”.
Bezeroek gehien eskatzen dituzten ekoizpen ekologikoko produktuak 314 piperra dituzten poteak dira. Modu tradizionalean ereindako produktuen artean, eskari handiena duten produktuak galoiak dira, 1.600 gramoko poteak, batez ere ostalaritzara eta jatetxeetara saltzen direnak.
Enpresaren apustuen artean dago “produktu ekologikoa merkatuan finkatzea“, azpimarratu du Agiña Piperrakeko bazkideak. Era berean, Gipuzkoako enpresaren helburua da: “nazioartean haztea eta dagoeneko lan egiten dugun merkatuetan finkatzea”, bezeroak dibertsifikatzeko. “Zorrotza den arren, gure ekonomiari arnasa eman diezaiokeela uste dugu, produktuak merkatu nazionalean duen saturazioa dela eta”.
Etorkizunari begira, produktu berriak sartu nahiko lituzke bere katalogoan, hala nola Arabako Errioxan landatutako olibekin egindako oliba-olio birjina estra, bere ekoizpena gelditu egin baitzen COVID-19aren pandemiaren ondorioz. Aldi berean, bere gilda eta piparra frijituak prestatzeko aukera aztertzen du.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.