Ainhoa Ondarzabal (BT&I): “Lehentasuna eman nahi diogun merkatu estrategikoetako bat da Japonia”
Nazioartekotzeko Euskal Agentziak, Basque Trade & Investment, eta Japoniako Enbaxadak 2023 aukeratu dute Euskadi-Japonia urte gisa, “bi herrialdeen arteko harremanak bultzatu eta sustatzeko eta Japoniako eta Euskadiko enpresen arteko sinergiak garatzea da helburu nagusia” Ainhoa Ondarzabal, Basque Trade & Investment erakundeko zuzendari nagusiak zehaztu duenez.
Jardueren programa martxoaren 29an hasi zen Euskadi-Japonia ekitaldiarekin, Bilboko Euskalduna Jauregian. Bertan izan ziren Japoniako enbaxadorea eta Japoniako elkarte eta enpresetako ordezkariak.
2022an, Nazioartekotzeko Euskal Agentziak bulego berri bat ireki zuen Tokion, “Eusko Jaurlaritzak merkatu horrekin duen konpromisoa erakusteko”, Ondarzabalek nabarmendu duenez. Ildo horretan, BTIko zuzendariak azpimarratu du “Euskadik garapen potentzial oso handia du Asiako merkatuan, eta hor aurkeztuko dira aukerarik onenak datozen urteetan. Hain zuzen, arreta jarri eta lehentasuna eman nahi diogun merkatu estrategikoetako bat da Japonia”.
Euskal industriarentzat estrategikoak diren sektoreei dagokienez, Ondarzabalek baieztatu duenez, “askotariko aukerak daude askotariko sektoreetan, baina guretzat ere oso estrategikoak dira: automobilgintzaren sektorea, energia berriztagarrien sektorea, batez ere energia ´offshore’ flotatzailea”. Gainera, “makina-erremintaren sektorea eta automobilgintzaren sektorearen elektrifikazioa bat datoz. Hor azpiegitura guztiak berritzeko aukerak agertuko dira”, Ondarzabalek ondorioztatu duenez.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Irizar Forge, mende bat garabietarako kakoetan espezializatuta
Enpresak egoitza Lazkaon du eta bere produktu sofistikatuak 60 herrialdetara esportatzen ditu. Gainera, bere merkatua hainbat sektoretara zabaldu du, off shorera, adibidez.
Asier San Millán (Siderex): “Deskarbonizazioa eta emisioen murrizketa ezinbesteko helburuak dira lehiakorrak izaten jarraitzeko”
Euskadiko Siderurgiaren Kluster Elkarteak siderurgiaren balio-kate osoko enpresak biltzen ditu, eta funtsezko arlo batzuetan egiten du lan, hala nola nazioartekotzean, garapen jasangarrian, berrikuntza teknologikoan eta talentuaren prestakuntzan.
Loco Polo: “Hauxe da zerotik hasita sortu dudan eta urte gehien dituen proiektua”
Iñigo Galdonak, enpresaren sortzaileetako batek, artisau-izozkien proiektua bultzatu du Gipuzkoatik, eta beste hainbat herritan ere saltzen dute: Frantzian edo Omanen, adibidez
Iddermanek eski-sektorerako zinta garraiatzaile estaliak diseinatu eta fabrikatzen ditu Legution
Arabako enpresak azpiegitura mugikor horietatik zazpi kilometro baino gehiago instalatu ditu orain arte Europan, Asian eta Estatu Batuetan
JAZ-Zubiaurrek mendeurrena bete du eskuila metalikoak fabrikatzen eta komertzializatzen, eta 65 herrialde baino gehiagotara esportatzen du
Gipuzkoako ETEa estatuko merkatuko liderra da eta lurzoruak tratatzeko 3.000 erreferentziazko produktutik gorako gama handia eskaintzen du