Alberdik % 40 handitu du fakturazioa 2020tik
Alberdi Mekanizatuak familia enpresa txiki bat bezala jaio zen Gipuzkoako bihotzean, Azkoitian, duela 60 urte baino gehiago. Harrezkero, mekanizazioan eta horren inguruko guztian aritu da, hala nola stockaren kontrolean, galdaragintzan eta hainbat muntaketa lanetan; lehenik, enpresa sortu zen baserriaren ondoko pabiloi batean, eta, 2017tik aurrera, Azkoitian dituen 2.000 m2 eta 1.000 m2-ko bi pabiloietan.
Tokiz aldatu eta hiru urtera, eta merkatuan hazten jarraitzeko asmoz, 2020an ondoko herriko, Azpeitiako, Mecanizados Gurrutxagaren negozio-unitatea erostearen aldeko apustua egin zuen. Harrezkero, konpainiak % 40 handitu du fakturazioa, bakarrik saltzen zituen 3,5 milioietatik 2023an egin zituen 4,9 milioietara. Emaitza hori aurten eta datozen urteetan gainditzea espero du; izan ere, 2023-2025 Plan Estrategikoaren arabera, urteko % 5 inguruko hazkunde iraunkorra planteatzen du.
Fakturazioak gora egin duen bezala, fabrikazio-gaitasunak ere hala egin du. Izan ere, Gurrutxaga erosi arte, Aitzol Alberdi enpresako koordinatzaile nagusiak dioenez, “300/400 mm-ko diametroko piezak fabrikatzera iristen ginen. Apustu honekin jauzi bat egin dugu dimentsioari eta gaitasun ugaritzeari dagokionez, eta gaur egun gure gama 1.400 mm-ko diametroko piezetaraino zabaldu da eta bost ejeko fresaketa lanetan ere adituak bihurtu gara“.
Azken urteotan “gure nazioartekotzea sustatu baino gehiago, maila globalean merkatu-kuota handia duten Euskadiko enpresak bilatzearen aldeko apustua egiten dugu”, zehaztu du Alberdik. Horrela, konpainiak % 5 Suitzara eta % 3 Frantziara esportatzen du, eta bere bezeroen artean konpainia handiak ditu, hala nola, Liebherr, Sarralle, Ulma Packaging, Siemens Gamesa, Danobat, Aitek-Juaristi, Fagor, Biele, Hine, Glual, Arcelor edo Celsa Jaso. Hala eta guztiz ere, koordinatzaile nagusiak azpimarratu duenez, “harreman estua dugu Gipuzkoako Ganberarekin eta bertatik, pixkanaka, nazioartekotzea bultzatzeko hainbat ekintzetan parte hartzen dugu”.
Bere azken apustuetako hiru digitalizazioa, iraunkortasuna eta euskara dira. Alderdi horiek aspalditik badatoz ere, orain aktiboki bultzatzen ari dira martxan dauden hainbat proiekturekin. Batetik, makinerian, instalazioetan eta digitalizazioan inbertitzen ari da. Teknologia maila altua duen arren, aurtengo helburua “enpresa erabat konektatuta egotea da. Iaz eman genituen lehen urratsak MES sistema ezartzeko, eta ildo horretan jarraituko dugu”.
Iraunkortasunari dagokionez, Alberdik azaldu duenez, “iaz ekonomia zirkularreko proiektu batean lan egin genuen Iraurgi berritzen Urola Erdiko garapen eta berrikuntza agentziarekin batera eta emaitzetako bat eguzki-plakak instalatzea izan zen. Gure asmoa proiektuan landutako ekintzekin aurrera jarraitzea da”. Horrez gain, bere kudeaketa-sistema guztia prestatzen ari da ISO14001 ziurtagiria betetzeko. Ziurtagiri horrek enpresa-jardueraren garapenetik sor daitezkeen ingurumen-arriskuak kudeatzeko sistema bat ezartzea du helburu. Eta, azkenik, BIKAIN euskara-ziurtagiria lortzeko eta “gure balioekin jarraitzeko” helburua finkatu du Alberdik.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.