Asia hego-ekialdeko bost enbaxadorek negozio-aukerak eskainiko dizkiete euskal enpresei beren herrialdeetan

Nazioartekotzeko Euskal Agentziak jardunaldi bat antolatu du apirilaren 2an Bilbon

Datorren apirilaren 2an euskal enpresek Asia hego-ekialdeko negozio-aukerak ezagutuko dituzte SPRI Taldean integratutako Nazioartekotzeko Euskal Agentziak bere Bilboko egoitzan antolatu duen jardunaldian. Agentziako zuzendari Ainhoa Ondarzabalek emango dio hasiera ekitaldiari eta bertan izango dira Vietnam, Filipinar Uharte, Indonesia, Malaysia eta Tailandiako enbaxadoreak.

Jardunaldian orobat aurkeztuko da Basque Trade & Investment lizitazio plataforma, enpresei atzerriko proiektuak eskuratzen laguntzeko tresna.

Erakunde publikoak proiektu interesgarriak identifikatu ditu Asia hego-ekialdean ingeniaritza, aholkularitza, obra zibil eta teknologia arloetako enpresentzat, batik bat sektore hauetan: garraioa, energia, ingurumena eta ura eta saneamendua. Ekitaldi horretan aurkeztuko dira hain zuzen Agentziak (Euskadiko eta Singapurreko bulegoetan) eskuartean dauzkan proiektuak.

Euskadiko Nazioartekotze Agentzia iaz sortu zen Eusko Jaurlaritzak arlo horretan dauzkan gaitasunak eta aktiboak integratu eta sendotzeko, eta bere ekintzaren eraginkortasuna, kalitatea eta irismena hobetzeko. Nazioartekotze arloko programa eta zerbitzuen arteko bereizketa funtzionala desagerraraziko da horrela, enpresen premia zehatzei hobeto egokituz.

Lotutako albisteak

4 uztaila, 2024 Nazioartekotzea

60 herrialde baino gehiagoko laborategiek IDM Testen teknologia erabiltzen dute

Irakurri gehiago

3 uztaila, 2024 Basque Trade & Investment

BasqueTrade-k automobilgintzaren nazioarteko merkatuko azken berrikuntzak aurkeztu ditu

Irakurri gehiago

3 uztaila, 2024 Basque Trade & Investment

Automozioaren euskal sektorea negozio-aukera berriak aztertzen ari da Txinan

Irakurri gehiago

1 uztaila, 2024 Basque Trade & Investment

Europar Batasunak Errusiari ezarritako zigorrak indartu ditu, energia, finantza eta garraioan debeku berriak ezarriz

Irakurri gehiago

1 uztaila, 2024 Nazioartekotzea

Zentenek iturgintzarako esku-tresnen merkatuko erreferente bihurtzearen aldeko apustua egin du

Irakurri gehiago

Joan blog-era