Automozio sektoreko euskal enpresek euren eskaintza aurkeztu diote Alemaniako fabrikatzaile bati Mexikon
Mexikoren, Estatu Batuen eta Kanadaren arteko merkataritza libreko akordio berria (TMEC) sinatu izanak mugatu egin du merkataritza libreko gune horretara kanpotik sar daitezkeen automozioko osagai eta ibilgailuen kopurua. Eszenatoki komertzial berri horretan, sektoreko enpresa asko ahaleginetan dabiltza eskualdean duten hornitzaile-katea osatzeko.
Mexikon lan egiten duten automozioko osagaien hogei bat euskal enpresarekin eta zerbitzu- eta makineria-hornitzaile ugarirekin, SPRI Taldean integratutako Nazioartekotzeko Euskal Agentzia (Basque Trade & Investment) are gogorrago ari da lanean, Mexikon instalatuta dauden erreferentziazko automozioko fabrikatzaile eta hornitzaileek hobeto ezagutu dezaten euskal enpresek eskain diezazkieketen produktu eta zerbitzuen zorroa.
Ekimen honen barruan bilera birtual bat egin da Mexikon gama altuko autoak fabrikatzen dituen Alemaniako enpresa bateko erosketen kudeatzailearekin. Talde alemanak lau euskal enpresa aurre-aukeratu zituen aurkeztu zitzaten fabrikatzailearentzat bereziki interesgarriak diren zerbitzuak, gaitasun teknologikoak eta produktuak.
Nazioartekotzeko Euskal Agentziak honen antzeko ekintza gehiago egingo ditu, bai sektore honetan eta baita beste batzuetan ere, euskal enpresek abantailak lor ditzaten eta albait azkarren egokitu daitezen berriki sinatu den merkataritza libreko akordiora
Lotutako albisteak
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.