B-WOMENIN Globalek sare profesionalen garrantziari buruzko saio batekin emango dio amaiera urteari
B-WOMENIN Global “Meeting & Expanding 2024” programa urteko seigarren eta azken saiora heldu da, “Sare profesionalen garrantzia eta garapena” izenburupean.Abenduaren 3an izango da, asteartean, Arabako Merkataritza Ganberan (Gasteiz).
Oraingo honetan, networking-aren boterean jarriko da arreta, hazkunde pertsonal zein profesionalerako funtsezko tresna baita. Jardunaldian zehar, sare sendo eta anitzak eraikitzeko, aukera berriak identifikatzeko eta networking-aren eragina maximizatzeko estrategiak aztertuko dira, gero eta digitalagoa eta globalizatuagoa den ingurunean.
Horretarako, hainbat profesional nabarmenek hartuko dute parte ekitaldian: Ciara O’Higgins, Deusto Business Schooleko irakasle eta ikertzailea; Izaskun Larrañaga, Lacor Ibili Taldeko kontseilari delegatua; Marta Barredo, Herdit-eko CEOa; eta Patricia Casado, BerriUp-eko zuzendaria. Aditu horiek beren esperientziak eta hausnarketak partekatuko dituzte sare eraginkorrak eraikitzeko moduari buruz eta networking estrategikoak proiekzio profesionala eta enpresariala nola bultza dezakeen azaltzeko.
Urte honetan zehar, B-WOMENIN Globalek espazio paregabea eskaini du emakumeen nazioartekotzearen eta lidergoaren inguruko gai garrantzitsuei buruz hausnartzeko. Aurreko bost saioetan, honako gai hauek landu dira, besteak beste: nazioartekotzeko aukerak, kultura anitzeko inguruneetan soft skills-ak garatzea eta merkatu globaletan proiektu berriak bultzatzea. Azken saio horrek itxiko du programaren zikloa, eta tresna praktikoak eta inspirazioa eskainiko ditu sare profesional sendo, askotariko eta estrategikoen sorreran aurrera egiteko.
Jardunaldi honetan parte hartzeko izen-emateak zabalik daude eta honako esteka honen bitartez egin daitezke:
B-WOMENIN Global buruz
“Meeting & Expanding 2024” B-WOMENIN Global programa Basque Trade & Investment-en ekimen bat da, enpresen nazioartekotzean emakumeen aniztasuna eta lidergoa sustatzea helburu duena. Sei saiotan zehar, programak emakume profesionalak bildu ditu, ezagutzak partekatzeko, sareak eraikitzeko eta esparru globalean duten eragina ikusarazteko.
Lotutako albisteak
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Euskadik Alemanian duen posizioa indartu du, Bavaria nazioartekotzeko kanpamentu nagusitzat hartuta
Bavaria kanpamentu nagusirik egokiena da Alemanian euskal enpresentzat, hango enpresa-ekosistema dinamikorako sarbidea eta lankidetza-aukera estrategikoak lantzeko aukera eskaintzen dizkien heinean
Euskadik eta Txinako Jinan hiriak automobilgintza, manufaktura aurreratua eta energia berrien arloetako lankidetza sendotu dute
Memorandum of Understanding (Elkar Ulertzeko Memoranduma-EUM) hitzarmena sinatu dute Industriako sailburuorde Andoitz Kortak eta Jinan hiriko Udal Herri Gobernuko alkateordeak, Xie Kun jaunak
Kelias, sei hamarkada errepideen eta hirien seinaleztapen egokia, segurua eta jasangarria egiten
Enpresak administrazio publiko nazionalekin lan egiten du, hala nola udalekin eta eskualdeko gobernuekin, eta Suitzako eta Txileko bezeroak izan ditu.