B-WOMENIN Globalen 5. saioak emakumeen lidergoa aztertuko du enpresa-proiektuen hedapenean
B-WOMENIN Global “Meeting & Expanding 2024” programa azaroaren 20an, asteazkenean, itzuliko da Bilbon antolatuko den bosgarren jardunaldiarekin. SPRI Taldearen barruan dagoen Basque Trade & Investment (BasqueTrade) euskal enpresak nazioartekotzeko agentziak bultzatutako ekimenaren helburu nagusia emakumeek enpresa-proiektuak nazioarteko merkatuetara hedatzeko duten zeregina indartzea eta ikusaraztea da.
“Proiektu berrien bultzada femeninoa” izenburupean, jardunaldi honetan oztopak hautsi eta proiektuak eremu globalera eraman dituzten emakume ekintzaileen kasu inspiratzaileak aurkeztuko dira. Oraingo honetan, Marta Prado Larburu, INCOTRANS eta DS4T-ko sortzailekidea eta CEOa, Marta Cantabrana 3C Metrology-ko bazkide sortzaile eta zuzendari nagusiak eta Matxalen Uriarte UNIVERSAL OMICSeko sortzaile eta CEOak hartuko dute parte ekimenean, merkatu globaletan aukerak identifikatzeko, beren sektoreetan berritzeko eta proiektuak gidatzeko moduari buruzko ezagutzak partekatuz.
Ekintzailetzaren bidean dauden erronkak eta ikaskuntzak aztertzeaz gain, jardunaldiak funtsezko trebetasunak garatzearen garrantzia azpimarratuko du, hala nola erresilientzia, egokitzapena eta aldaketa kudeatzeko gaitasuna. Ikuspegi horrekin, enpresa-proiektuen sorreran eta lidergoan emakumeek duten eragina ikusarazteaz gain, beste emakume batzuk munduko edozein sektore eta eskualdetan lidergo-rolak hartzera bultzatu nahi ditu programak.
Bosgarren saio hau B-WOMENIN Global “Meeting & Expanding 2024” zikloaren aurreko lau saioei gehitu zaie. Horietan, nazioarteko karrera bat eraikitzeko erronkak eta aukerak, zeharkako konpetentzien garapena eta nazioarteko testuinguruetan negozioak egiteko modu ezberdinak jorratu dira, besteak beste.
Jardunaldi honetan parte hartzeko izen-emateak zabalik daude eta honako esteka honen bitartez egin daitezke:
Lotutako albisteak
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.
Euskadik eta Txinak merkataritza-harremanak indartu dituzte Yao Jing Enbaxadorearen bisitarekin
Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.