Basque Trade & Investment Agentziak Australiako trantsizio energetikoaren arloko negozio-aukerak hurbildu dizkio euskal enpresari
Martxoaren 11n (ostirala), Australiako enbaxadorea Basque Trade & Investment Agentziaren Bilboko egoitzan izan zen, non mahai-inguru batean parte hartu baitzuen euskal enpresekin. Topaketa horretan, Australiako ordezkariek enpresa parte-hartzaileei aurkeztu zizkieten matrize energetikoaren aldaketak ekarri dituen erronkak, eta baita ere trantsizio horren ondorioz sor daitezkeen negozio-aukerak.
Eusko Jaurlaritzaren aldetik, Mikel Amundarain Industria sailburuordeak adierazi zuen asmoa dutela Euskadi eta Australiaren arteko harreman komertziala sustatzeko, batez ere energiaren arloan, eta hartara, harreman egonkor bat bultzatzeko.
Australiako enbaxadak, bestalde, adierazi zuen interesa duela lehen eskutik ezagutzeko sektoreko euskal enpresen gaitasunak eta nazioarteko esperientzia. Hala, ekitaldian bildu ziren hamar bat enpresek Australiako enbaxadako ordezkariei aurkezten zizkieten Australian dituzten erreferentziazko proiektuak eta negozio-garapenerako planak.
Aipagarria da, urrun egon arren, Australia Euskadiren hogeita zortzigarren bazkide komertziala dela, eta euskal enpresen ezarpen gehien dituen munduko hogeita bigarren herrialdea, hogeita zortzi euskal enpresa baitaude han kokatuta. Euskaditik Australiarako esportazioei dagokienez, erdia baino gehiago automozio eta makina-erreminta sektoreetakoak dira; aldiz, energia sektoreko enpresak dira Australian ezarpen gehien dituztenak (zazpi enpresa).
Australia da Basque Trade & Investment-en Enpresak Nazioartekotzeko Plan berrian espreski seinalatutako herrialdeetako bat, hala, areagotu egingo dira Australiarekin merkataritza sustatzeko eta harremanak estutzeko jarduerak.
Lotutako albisteak
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.
Singapurrek eta Euskadik negozio-aukera berriak esploratuko dituzte energia berriztagarrietan eta biozientzietan
Asiako herrialde horretako enpresen garapena bultzatzeaz arduratzen den gobernu-agentziaren ordezkaritza batek Euskadi bisitatu du aste honetan, sektore estrategikoetan balizko lankidetza-arloak jorratzeko asmoz
Egaña Group, zazpi hamarkadako historia eta nazioarteko asmoak dituen Gipuzkoako familia enpresa
Aurten hiru enpresak lantegi berean batzeaz gain, atzerrian duten presentzia zabaltzea du helburu konpainiak.