Basque Trade & Investment agentziak ongietorria egin die “Wind Europe” ekimenaren nazioarteko ordezkaritzei
Bilbon ospatzen ari den “Wind Europe” ekimenaren -energia eolikoaren arloko Europako hitzordu handienaren- urteroko ekitaldian SPRI Taldeko Basque Trade & Investment agentziak ongietorri-ekitaldi bat antolatu du bertaratutako nazioarteko ordezkaritza guztientzat, eta sektore eolikoari zuzendutako lankidetza-hitzarmen bat sinatu du Poloniako Pomerania eskualdearekin.
Ekitaldi horretan Pomeraniako (Polonia) hainbat ordezkari eta enpresa izan dira. Pomerania da munduan energia eolikoa garatzeko plan handienak dituen eskualdeetako bat, eta Mikel Amundarain Energia sailburuordeak hango Eskualde Garapeneko Agentziarekin sinatu du lankidetza-akordio hori, zeinaren bidez posible izango baita harremanak garatzea eta sendotzea Euskadiren eta Poloniaren artean, eta ez bakarrik sektore eolikoan, baizik eta baita ere 4.0 Industrian, ekonomia berdean edo bioteknologian.
Era berean, ekitaldira bildu dira Estatu Batuetako Virginia estatuko ordezkariak (zeintzuekin lankidetza-akordio bat sinatu zen joan den udan), Turkiako Izmir eskualdekoak eta Hego Koreako Jeollanamdo eskualdekoak, Basque Trade & Investment lan handia egiten ari baita eskualde horietan, plan anbiziotsuak dituztelako sektore eolikoan.
Ekitaldian izan dira baita ere beste herrialde batzuetako agintariak eta enpresa-elkarte zein klusterretako ordezkariak, besteak beste Belgika, Norvegia, Islandia, Erresuma Batua, Portugal, Estonia edo Lituaniakoak, zeintzuek interes handia baitute euren gaitasun eolikoen ustiapenean.
Euskadi, bere energia sektoreko kluster indartsuarekin, erreferentziazko eskualdea da energia eolikoaren arloan, ez soilik sektorean lider diren enpresa ezagunak dauzkalako, baizik eta orobat 100dik gora enpresa dituelako sektoreko balio-kate osoan, eta baita ere mundu mailan erreferente diren Windbox eta BIMEP teknologi zentroak eta I+G+B-ko proiektu garrantzitsuak –gaur egun 12 baino gehiago-, energia eolikoaren sektoreko aurrerapen teknologikoen abangoardian daudenak.
Lotutako albisteak
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.
Singapurrek eta Euskadik negozio-aukera berriak esploratuko dituzte energia berriztagarrietan eta biozientzietan
Asiako herrialde horretako enpresen garapena bultzatzeaz arduratzen den gobernu-agentziaren ordezkaritza batek Euskadi bisitatu du aste honetan, sektore estrategikoetan balizko lankidetza-arloak jorratzeko asmoz
Egaña Group, zazpi hamarkadako historia eta nazioarteko asmoak dituen Gipuzkoako familia enpresa
Aurten hiru enpresak lantegi berean batzeaz gain, atzerrian duten presentzia zabaltzea du helburu konpainiak.