Basque Trade & Investment-ek merkatu aeronautiko britainiarrak euskal enpresentzat dituen aukerak aztertzen ditu
Erresuma Batuko industria aeroespaziala munduko bigarren indartsuena da; 2019an nazioarteko merkatuan %17ko parte-hartzea izan zuen, eta batez ere esportazioek bultzatua. Motorren, helikopteroen, hegalen eta sistema aeronautikoen diseinuan eta produkzioan nabarmentzen da herrialdea. Horrez gain, mantentze-sektore sendoa du (MRO), baina, indarra duen arren arren, neurri handi batean osagaien inportazioen mende dago, eta horrek aukera ugari ematen die euskal enpresei hegazkinen, motorren eta teknologia aurreratuen fabrikazioan.
Aukera horiek aztertzeko, Basque Trade & Investment (BT&I), SPRI Taldean sartuta dagoen euskal enpresak nazioarteratzeko elkarteak, webinar bat antolatu du aste honetan, sektore aeroespazialaren balio-katearekin zerikusia duten euskal enpresa eta erakundeentzat, merkatu aeroespazial britainiarrean lankidetza- eta negozio-aukerak aurkeztu eta aztertzeko.
Clara Holgado Basque Trade & Investment erakundeak Erresuma Batuan duen bulegoko ordezkariak inauguratu du jardunaldia, eta sektore aeroespazialean Euskadiren eta Erresuma Batuaren arteko lotura komertzial eta teknologikoak indartzearen garrantzia azpimarratu du: “Britainia Handiko industria aeroespazialak eremu emankorra eskaintzen du euskal enpresen zerbitzuak berritzeko eta zabaltzeko, eta sektore estrategiko honetan gure enpresen hazkundea eta lehiakortasuna bultzatuko duten lotura estrategikoak errazteko konpromisoa hartu dugu”.
Ekitaldian, nazioarteko erakunde garrantzitsuen ordezkariek britainiar merkatu aeroespazialarekin lotutako funtsezko zenbait zenbait landu dituzte, erronka nagusiak, horiek gainditzeko estrategiak eta sektorearen ikuspegiak barne. Gainera, euskal enpresentzako aukera-eremuen ikuspegi zehatza eman da, Net Zero 2050 helburua lortzeko diseinatu duten roadmap teknologikoan oinarrituta.
Zehazki, Isabella Fudge-k, Teknologia Aeroespazialeko Institutuko (ATI) Nazioarteko Politikarako zuzendariak, Tony Allenek, Rolls -Royce-ko Estrategiako exekutiboak, Lisa Charlesworth-ek, ITP Aeroko Aireztapen eta Errekuntza Sistemen Unitate Operatiboko buruak eta Andrew Mair-ek, Midlands Aerospace Allianceko kontseilari delegatuak (CEO).hartu dute parte.
Lotutako albisteak
Araniak hazkundea bizkortu du berrikuntzaren, iraunkortasunaren eta eraldaketa digitalaren bidez
Konpainiak Ipar Amerikan duen presentzia sendotu eta merkatu estrategikoetan lidergoa berretsi du
Prado Silos nazioartean indartzen, estrategia eta inbertsio berriekin hazkundea bultzatuz
38 herrialdetan presentzia handituz eta 2025erako 9 milioi euroko kontratuak aurreikusiz
Euskadik Alemanian duen posizioa indartu du, Bavaria nazioartekotzeko kanpamentu nagusitzat hartuta
Bavaria kanpamentu nagusirik egokiena da Alemanian euskal enpresentzat, hango enpresa-ekosistema dinamikorako sarbidea eta lankidetza-aukera estrategikoak lantzeko aukera eskaintzen dizkien heinean
Euskadik eta Txinako Jinan hiriak automobilgintza, manufaktura aurreratua eta energia berrien arloetako lankidetza sendotu dute
Memorandum of Understanding (Elkar Ulertzeko Memoranduma-EUM) hitzarmena sinatu dute Industriako sailburuorde Andoitz Kortak eta Jinan hiriko Udal Herri Gobernuko alkateordeak, Xie Kun jaunak
Kelias, sei hamarkada errepideen eta hirien seinaleztapen egokia, segurua eta jasangarria egiten
Enpresak administrazio publiko nazionalekin lan egiten du, hala nola udalekin eta eskualdeko gobernuekin, eta Suitzako eta Txileko bezeroak izan ditu.