Basque Trade & Investment eta Basque Health Cluster erakundeek Datu Sanitarioen Europako Esparruaren inpaktua aztertu dute MEDICAn
Basque Trade & Investment-ek (BasqueTrade), SPRI Taldearen barruan dagoen euskal enpresak nazioartekotzeko agentziak, Basque Health Clusterrarekin batera, “Datu Sanitarioen Europako Esparrua (EHDS): Erronkak eta aukerak” izeneko panel titularra antolatu du aste honetan MEDICA 2024 azokaren baitan, osasunaren sektoreko nazioarteko topaketa garrantzitsuenetako baten esparruan.
Saioak harrera bikaina izan zuen profesionalen artean, 115 espezialista ingururen parte-hartzearekin, eta EHDSk Europako osasun-eragileentzat eskaintzen dituen aukerak eta inpaktua eztabaidatzeko foro gisa balio izan zuen.
Panela Anja Burmann-ek, Fraunhofer ISSTko Osasun Saileko zuzendariak moderatu eta osasun digitaleko adituen arteko elkarrizketa ahalbidetu zuen, hala nola Dr. Ainara Garzo Manzanaresek, TECNALIA Research & Innovationeko Medical Technologies Senior Researcher-ek, Europako osasun-arretan teknologia berriek — adimen artifiziala eta big dataren analisia besteak beste— eraldatzeko ahalmena dutela nabarmendu zuen, eta azpimarratu zuen tresna horiek nola lagundu dezaketen irtenbide jasangarriagoak eta eraginkorragoak garatzen.
Harekin batera, Hans-Peter Dauben irakasle doktoreak, EuroScan int.net-eko idazkari nagusiak eta DIG-in-HEALTHeko lehendakariordeak, datuen elkarreragingarritasunean duen esperientzia azaldu zuen, eta Europako arreta medikoko hornitzaileentzako sistemen integrazioaren garrantzia azpimarratu zuen. Daubenek nabarmendu zuenez, interoperabilitatea “funtsezkoa” da osasun-zerbitzuen kalitatea eta azkartasuna hobetzeko, datuak askoz ere modu eraginkorragoan eskuratzea eta erabiltzea ahalbidetuz.
Era berean, Arthur Kari doktoreak, Freie Universität Berlineko Department Information Systems, School of Business & Economics-eko ikertzaileak, EHDSk datu sanitarioen trukearen segurtasuna hobetzeko dituen arau-erronkak eta aukera teknologikoak aztertu zituen.
Hizlariak bat etorri ziren EHDS Osasunaren Europar Batasuna sortzeko zutabe nagusia dela azpimarratzean, eta haren helburua osasun-datuetarako mugaz gaindiko sarbidea erraztea dela, zuzeneko osasun-laguntza zein ikerketa eta politika publikoen formulazioa sustatuz. Gainera, EHDSk osasun-arloko produktu eta zerbitzu digitalen merkatu bakarra eraikitzen lagunduko du, eta horrek indartu egingo du Europako osasun-enpresek eta -erakundeek berrikuntzan eta osasun-sistema irisgarriago eta eraginkorrago baten eraikuntzan duten zeregina.
Bestalde, Basque Trade & Investmenteko kontseilari delegatua den Ainhoa Ondarzabalek azpimarratu zuen agertoki hori aukera nabarmena dela Basque Health Clusterrarentzat eta haren enpresa laguntzaileentzat. Era berean, “EHDSk osasun-datuetarako sarbide seguru eta eraginkorra erraztuko duela, Euskadin berrikuntza eta irtenbide teknologikoen garapena bultzatuz” esan zuen.
Lotutako albisteak
Koreako automatizazioa eta robotika industriala, aztergai
Basque Trade & Investmentek euskal enpresen eskura jarri ditu Smart Factory + Automation World 2025 ekitaldian egindako bi txosten, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.