Euskadik energia eolikoan duen gaitasuna erakutsi du WindEurope 2025 azokan
Euskadiko 30etik gora enpresa eta erakundek parte hartu dute aste honetan Kopenhagen 16.000 profesional eta 400 enpresa erakusketari baino gehiago bildu dituen WindEurope 2025 azokan, energia eolikoaren sektorean erreferentziazko topaketan. Hitzordua euskal ekosistemak Europako trantsizio energetikorako sektore nabarmen honetan duen gaitasun teknologiko eta industriala bistaratzeko erakusleiho izan da.
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez: Haizea Wind Group; Vicinay Marine; Slingsintt; Irizar; Fosroc; Hine; Erreka; Saitec; Navacel; Euskal Itsas Foroa, Euskadiko Energia Klusterra – Basque Energy Cluster; Kimua; Spares in Motion; Bilboko Portuko kluster logistikoaren elkartea, Uniport; Sener; Alerion; Aeroblade; CarrRenewables; Antec Group eta Glual. Hauei gehitu zaizkie Sumcab, Euskadin langileak dituen enpresa katalana, eta sektoreko hiru erakunde.
Gainera, beste 14 euskal enpresa eta erakundek bisitari bezala edo stand propioarekin parte hartu dute: Cidetec, Ditrel Industrial, Euskalforging, Energiaren Euskal Erakundea (EEE), Galvasala, GRI Renewable Industries, HWS Towers, Nabla, Renogear, Windtechnic Engineering, Iberdrola, Ingeteam, Liftra eta Siemens Gamesa. Ordezkaritza zabal honek indartu egin du Euskadik energia eolikoaren Europa mailako polo industrial eta teknologikorik garrantzitsuenetakotzat duen eginkizuna.
Ildo horretan, ekitaldiaren agendak sektore eolikoaren garapena berriz ere suspertzera bideratutako Europako politika berriak izan ditu ardatz neurri handi batean: baimenen tramitazioa arintzea, Estatuek energia berriztagarria erosteko akordioei emandako babesa eta aldebiko enkanteak bultzatzea Diferentziazko Kontratuen bidez (CfD). Neurri horiek guztiek helburu zehatza dute Europar Batasunarentzat: 2030erako berotegi-efektuko gasen isurpenak gutxienez % 55 murriztu eta 2050erako neutraltasun klimatikoa lortzea.
Azokan, SPRI Taldeari atxikitako Basque Trade & Investment (BasqueTrade) euskal enpresak nazioartekotzeko agentziak laguntza aktiboa eman dio enpresa-ordezkaritzari, lurraldearen gaitasunak nazioarteko foroetan ikusaraztea erraztuz eta enpresa parte-hartzaileentzako harreman estrategikoak sustatuz.
Egindako lanari esker, harremanak sendotu ahal izan dira Asia, Europa eta Amerikako enpresa eta erakunde nabarmenekin, eta lankidetza zein negoziorako aukera berriak zabaldu dira sektorearentzat hain garrantzitsua den une honetan.
Horrez guztiaz gain, azokak sektorearen berrikuntzan, jasangarritasunean zein industrializazioan duten esperientzia partekatzeko aukera eman die euskal enpresei, Euskadi erreferentziazko bazkidetzat posizionatuz energia-sistema garbiagoa, erresilienteagoa eta lehiakorragoa lortzeko bidean.
Lotutako albisteak
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.
Euskadik eta Txinak merkataritza-harremanak indartu dituzte Yao Jing Enbaxadorearen bisitarekin
Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.
Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan
Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu