Albisteak 3 apirila, 2025

Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea

Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da lehen eskariak jasotzen

Imanol Pradales lehendakariak gaur iragarri du Defentsa Industrialeko Taldearen hurrengo bilerarako deialdia Estatu Batuekin harreman komertzial handiena duten euskal enpresekin. Horren bidez, atzo Donald Trumpek iragarri zuen gerra komertzialari modu irmoan, adimentsuan eta proportzionatuan erantzun” nahi zaio. “Ezinbestekoa da Europak ahots bakarrarekin erantzutea”.

Lehendakariak premiazko lehen balorazioa egin du Estatu Batuetako Administrazioaren muga-zergen politika berriaren inguruan, SPRI Taldearen Euskadiko Nazioartekotzeko Agentziak-Basque Trade & Investmentek Euskaditik zein Eusko Jaurlaritzak Estatu Batuetan duen ordezkaritza komertzialetik zuzenean egindako jarraipen eta analisiari esker.

Hala, Lehendakariak nabarmendu du presazko balorazio horren ondoren, beharrezkoa dela “azterketa fina” egitea gerora eta modu iraunkorrean. Hala, iragarritako muga-zergak 400 milioi eurokoak izan litezke euskal ekonomiarentzat; izan ere, esportatzeko garaian sortutako gainkostuetan eta, automobilgintzaren kasuan, euskal esportazioetan 900-1.200 milioi euro ingurukoak izan daitezke.

Era berean, Imanol Pradalesek adierazi duenez, “Europak modu irmoan, adimentsuan eta proportzionatuan erantzun behar dio Donald Trumpek atzo iragarri zuen gerra komertzialari. Gai honen inguruan, Euskadi Europar Batasunarekin batera ari da lanean. Europak defentsa komertzialeko ezkutua aktibatu eta Europako enpresa eta enplegua babestu behar ditu”. Lehendakariak gehitu duenez, “euskal enpresa eta euskal enplegua defendatuko ditugu, uneotan hori Euskadiko ongizatea babestearen parekoa delako.

Euskal enpresentzako arreta goiztiarreko zerbitzua

Imanol Pradales lehendakariak orain aste batzuk iragarri zuen eta Industria, Trantsizio Energetiko eta Jasangarritasuneko sailburuak, Mikel Jauregik, behin baino gehiagotan aipatu duen moduan, Defentsa Taldearen baitan jasotako hainbat ekintza jarri dituzte abian.

Hala, enpresek izan ditzaketen zalantzak argitzeko eta araudi berriak nola aplikatuko diren, eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutako arreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da lehen eskariak jasotzen.

Horrez gain, Basque Tradek entzute aktiboko prozesua egin du euskal enpresei zuzenduta. Horren baitan, 1.000 inkesta baino gehiago egin ditu eta, sektoreen arabera, ordezkaritza handiena duten 75ekin bilera pertsonalizatuak egin ditu. Gainera, Europako erakunde eta estamentuekin hasierako kontrastea egin da dagoeneko, eta Europako Batzordeak aurkeztutako Lehiakortasunaren Iparrorratza izenekoaren gakoak aurreratu dira.

Industriaren Defentsa Taldeak hiru helburu ditu: muga-zergen errealitate berriari buruzko diagnostikoa partekatzea eta eragindako sektoreen jarraipena egitea; enpresei laguntzeko dauden tresnak, baliabideak eta politikak identifikatzea; eta testuinguru global berriaren aurrean euskal industriaren gaitasunak eta aukerak indartzea.

 

Estatu Batuekiko harreman komertziala

Estatu Batuak merkataritza-bazkide garrantzitsua da Euskadirentzat. 2024an, esportazio eta inportazioei dagokienez, laugarren herrialdea izan zen. 2023an, esportazioen hirugarren hartzailea izan zen, eta inportazioei dagokienez, aldiz, laugarren jatorri-lekua. 1.043 euskal enpresa inguruk esportatzen du Estatu Batuetara modu erregularrean.

Euskadiko 132 enpresek dituzte ezarpenak Estatu Batuetan (216 ezarpen, guztira, eta haietako 141 dira komertzialak, eta 75 produktiboak). Hain zuzen ere, Mexikoren ondoren, Euskadiko ezarpen kopuru handiena duen herrialdea da.

Makina mekanikoak, galdaketa, ekipo-ondasun elektrikoak eta erregai mineralak dira Euskadik herrialde hartara egindako esportazioen % 63,8 baino gehiago; aldiz, handik egindako inportazioei dagokienez, petrolioaren eratorriek garrantzi berezia dute; izan ere, 2023an, % 53,8 izan ziren, eta 2024an, % 56,7.

Hiru muga-zerga mota

Eskuragarri dagoen informazioaren arabera, era hauetako muga-zergak daude:

  • % 20koa Europako produktuei (elkarrekikoa deitutakoa). Eragin orokorra du, honako kasu hauek salbuetsita:
  • % 25ekoa segurtasun nazionaleko 232 sekzioaren eragina jasango duten produktuei (siderurgia, aluminioa edo automobilgintza, adibidez) edo orain edo etorkizunean sekzio horren eragina jasan dezaketen beste produktu batzuei.
  • % 10eko oinarria premiazko beste produktu batzuei: energia, erdieroaleak, egurra, mineral jakin batzuk (kobrea, adibidez) edo produktu farmazeutikoak, esate baterako. Dena den, seguru asko produktu horietarako zorrotzagoa izango den muga-zergen erregimen berria onartzea espero dute.

 

Euskal automobilgintzan izango duen eragina

Automobilgintza izango da, zalantzarik gabe, neurri horien eragin handiena jasango duen sektoreetako bat. Euskaditik Estatu Batuetara sektore horrek egindako zuzeneko esportazioak guztizko osoarekiko % 0,9koak baino ez diren arren, automobilgintzako euskal enpresa askok Mexikotik egiten dituzte esportazioak Estatu Batuetara edo produkzio-instalazioak dituzte Estatu Batuetan bertan. Gaur egun, automobilgintzako Euskadiko 19 fabrika daude Estatu Batuetan, eta 47 Mexikon.

Bestalde, Estatu Batuetara egindako automobilen Europako salmentak gutxitu ahala, muga-zerga horiek Euskadik Europara egindako esportazioetan ere zeharkako eragina izan dezakeela ohartarazi du BasqueTradek egindako azterketak.

 

 

 

 

Lotutako albisteak

AEBk  ezarritako  arantzel  berriak  direla  eta,  euskal  enpresei  arreta  goiztiarra  emateko  zerbitzua
03/04/2025 Nazioartekotzea

AEBk ezarritako arantzel berriak direla eta, euskal enpresei arreta goiztiarra emateko zerbitzua

Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.

Euskadik  Txinan  finkatutako  euskal  enpresen  babesa  indartu  du  Kunshanera  egindako  bisita  baten  bidez

Euskadik Txinan finkatutako euskal enpresen babesa indartu du Kunshanera egindako bisita baten bidez

Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz

Euskadik  Europako  energia-sektorean  duen  presentzia  indartu  du  ‘Power  Connect  Energy  Summit’  delakoaren  bidez
27/03/2025 Nazioartekotzea

Euskadik Europako energia-sektorean duen presentzia indartu du ‘Power Connect Energy Summit’ delakoaren bidez

100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.

Euskadik  eta  Koreak  lankidetza  teknologikoa  bultzatu  dute  adimen  artifiziala  eta  digitalizazioa  ardatz  dituen  ikuspegi  berezi  batez

Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez

Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz

Europako  Batzordeak  altzairu  eta  metalen  industriaren  erresilientzia  bermatzeko  ekintza-plana  aurkeztu  du
25/03/2025 Nazioartekotzea

Europako Batzordeak altzairu eta metalen industriaren erresilientzia bermatzeko ekintza-plana aurkeztu du

2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.

Euskadik  eta  Txinak  merkataritza-harremanak  indartu  dituzte  Yao  Jing  Enbaxadorearen  bisitarekin

Euskadik eta Txinak merkataritza-harremanak indartu dituzte Yao Jing Enbaxadorearen bisitarekin

Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.

Euskadik  osasun  arloko  berrikuntzan  duen  posizioa  indartu  du  Alemaniako  MedtecSUMMIT  2025  delakoan

Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan

Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu

Euskal  sektore  aeroespazialak  loturak  estutu  ditu  Estatu  Batuetako  industriarekin

Euskal sektore aeroespazialak loturak estutu ditu Estatu Batuetako industriarekin

Euskadiko enpresa eta zentro teknologikoen ordezkaritza batek Estatu Batuak bisitatu ditu sektore aeroespazialaren egungo egoera ezagutu eta herrialdeko eragile estrategikoekin harreman berriak finkatzeko.

Euskadik  nazioarteko  estrategia  indartu  du  Bruselan

Euskadik nazioarteko estrategia indartu du Bruselan

Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko

Imanol  Pradales:  “Bizi  dugun  une  historikoan,  munduak  eskaintzen  dizkigun  aukera  guztiak  aprobetxatzen  jarraitzeko  erabakia  eta  anbizioa  dugu,  baita  Estatu  Batuetan  ere”
12/03/2025 Nazioartekotzea

Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”

Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.