BasqueTrade-k automobilgintzaren nazioarteko merkatuko azken berrikuntzak aurkeztu ditu
Basque Trade & Investment-ek (BasqueTrade), SPRI Taldean integratutako euskal enpresak nazioartekotzeko agentziak, , lau txosten zehatz argitaratu ditu, 2024. urteko lehen erdian automobilgintzaren sektoreko nazioarteko hainbat azokatara joan izana oinarri hartuta.
Dokumentuak sektoreko euskal enpresei informazio erabilgarria emateko diseinatuta daude, eta erakusgai dauden produktuei buruzko materiala eta enpresa parte-hartzaileen datuak eskuratzeko aukera ematen diete.
Zehazki, azoka hauei buruzkoak dira txostenak:
- Automotive World 2024 – Tokio (Japonia), urtarrila:
RX Japan Ltd-ek Tokyo Big Sight-en antolatutako ekitaldiak 77.744 bisitari erakarri zituen hiru egunetan zehar. 1. mailako hornitzaileen presentzia mugatua izan zen arren, pandemiaren osteko susperraldi-zantzu argiak erakutsi zituen ekitaldiak, eta berrikuntza teknologikoetan eta jasangarritasunean oinarritu zen, aldi bereko ekitaldien bidez, hala nola NEPCON, Green Factory Expo eta Smart Logistics Expo.
- Bharat Mobility Global Expo 2024 – Nueva Delhi (India), otsaila:
Indiako gobernuak bultzatutako erakusketa honek eskualdeko automozio-merkatuaren hazkundea nabarmendu zuen, eta automozio-osagaietan, ibilgailu elektrikoetan eta autonomoetan teknologia aurreratuak aurkeztu zituen, baita konektagarritasunean eta etorkizuneko mugikortasunean irtenbide berritzaileak ere.
- Vienna Motor Symposium – Viena (Austria), apirila:
Austriako Automozio Ingeniarien Elkarteak koordinatutako Sinposioak mundu osoko 1.000 parte-hartzaile baino gehiago bildu zituen, eta klimaren aldetik neutralak diren propultsio-soluzioei eta berrikuntza teknologikoan duten ikuspegiari buruzko 80 aurkezpen baino gehiago eskaini zituen.
- Auto China 2024 – Beijing (Txina), apirila/maiatza:
Beijingeko Automobilaren Nazioarteko 18. erakusketa, Auto China 2024 izenez ezaguna eta herrialdeko Nazioarteko Erakusketa Zentroan egina, 220.000 metro koadroko erakusketa-eremu zabala izateagatik nabarmendu zen. Estatuko eta nazioarteko automobil-fabrikatzaileen, teknologia-hornitzaileen eta sortzen ari diren enpresa berrien erakusleiho izan zen, eta automozio-berrikuntzako azken joerak eta Txinako merkatu-berrikuntzak erakutsi zituzten.
Txosten hauek interesa duten euskal enpresa guztien eskura daude; nahikoa izango da posta elektroniko honen bidez interesa adieraztea: mzarraonaindia@basquetrade.eus
Dokumentuek azokan erakutsitako produktuen argazki-materiala dute, baita parte hartu duten enpresen, TIER 1 nagusiak eta player berriak, ez hain ezagunak, baina berrikuntzatik hazten eta apustu egiten ari direnak.
Lotutako albisteak
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.