BeuginGarayk korrosioaren aurkako estalduren esparruan berrikuntza garatzen ari da sektore gehiagotara iristeko helburuarekin
BeuginGaray korrosio, urradura eta eraso kimiko arazoak konpontzen dituen enpresa da. Abanto-Zierbenan (Bizkaia) kokatuta dago eta ia 100 urteko historia du. Izan ere, sektoreko bi enpresaren batura da. Hiru negozio-ildo nagusi ditu, tailerreko estaldurak, obrako estaldurak eta produktu propioen fabrikazioa, eta bere bezeroak honako sektore hauetan aritzen dira: industria kimikoan eta elektrokimikoan, ongarrien-industrian, uren tratamenduan edo industria siderurgikoan, besteak beste. Bere Bizkaiko produkzio-plantan korrosioaren aurkako estaldurak diseinatu, fabrikatu eta aplikatzen ditu exijentzia handiko inguruneetan.
Konpainiak filialak ditu Frantzian, Belgikan, Marokon, Tunisian eta Hegoafrikan, eta, gainera, lankidetza-akordio gehiago ditu beste herrialde batzuetako enpresekin. “Aurten, esportazioak gure fakturazioaren ia % 70 izan dira. Duela 20 urte baino gehiago hasi zen gure enpresaren nazioartekotzea, eta orain ezinbestekoa da gure biziraupenerako”, Franck Valls BeuginGarayko zuzendari nagusiak nabarmendu duenez.
Orain, enpresako I+G sailak elastomero material berri bat garatu du, offshore plataformetako altzairu sekundarioen babes mekaniko eta antikorrosiboan erabiltzen dena. Garapen horren bidez, BeuginGarayk itsas eolikoko 8 proiektu baino gehiago egin ditu Europa osoan, eta “hori dibertsifikazio-iturri garrantzitsua da konpainiaren negoziorako”, zuzendari nagusiak azaldu duenez.
Aipatzekoak dira enpresak azken 20 urteotan egin dituen nazioarteko beste proiektu batzuk, hala nola: Ekialdeko Europan ongarrien planta garrantzitsu baterako korrosioaren aurkako estaldurak; Saharaz hegoaldeko Afrikako meatze-enpresa baterako kautxuz estalitako hodiak; edo Magrebeko fosfato-fabrikatzaile nagusiaren fosfato-mineralaren prozesu-lerroen korrosioaren aurkako estaldurak.
Bizkaiko enpresak SPRIren hainbat programatan parte hartu du, hala nola Hazinnova, Innobideak eta Enpresa Digitala. Horri esker, eskaria sortzeko proiektu bat abiarazi du, edo beste batzuk nazioarteko jarduera bultzatzeko, itsasgarrien planta berri bat garatzeko edo marketin-estrategia bat zehazteko. Gaur egun, enpresa beste bi proiektutan murgilduta dago. Lehenengoak, SENSLINE izenekoak, gainera Hazitek programaren laguntza duena, eta korrosioaren aurkako estalduren degradazioa monitorizatzeko sistema bat garatzea du helburu. “Horrekin, balio erantsi handiko zerbitzu berri bat garatzea espero dugu, 4.0 industrian eta gure negozioaren zerbitizazioan lehen urratsak eman ahal izateko”, adierazi du Diego Roldan BeuginGarayko berrikuntza zuzendariak. Bigarrena A2CQM proiektua da, eta Europa osoko enpresa berritzaileek osatzen dute. Korrosioaren aurkako estalduren egoera neurtzeko sistema bat garatu nahi da, droneak erabiliz.
Etorkizunari begira, BeuginGarayk berrikuntzaren aldeko apustua egiten jarraitu nahi du, eta 4.0 industrian aurrera egin. “Aplikazio-teknologia berriak eta jarduera-sektore berriak sartzea aurreikusten dugu, bai eta nazio-mailako hainbat eremutan hedatzea ere”, amaitu du zuzendari nagusiak.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.