Bookroad euskal enpresak Amadeusen antzeko sistema bat sortu du, bidai sektorean aplikatua
Taxista bat nazioartera zabaldu, berritu eta digitalizazioan gertura daiteke. Patxi Huélamok, Bookroad enpresaren sortzaileak, “bezeroen beharrei, hornitzaileekiko eta bazkideekiko konfiantzari, finantzak egunean izateari eta, jakina, lan asko egiteari” esker lortu du hori.
Huélamo Euskadiko Txirrindularitza txapelduna izan zen gazteen mailan, beraz, lehiakortasuna bere nortasunaren parte da. Bere lanbidea aukeratzean, taxiaren arloa aukeratu zuen. Baina ez zen konformatu jendea leku batetik bestera eramatearekin. “Ez naiz anbizio handiko gizona”, argitu du, “Baina profesionala izatea gustatzen zait, eta ikasten ari nintzenetik etengabeko hobekuntzaren mentalitatea izaten irakatsi zidaten”. Espiritu berritzaile irmoarekin, 2002an penintsulan bere web orria sortu zuen lehen taxilarietako bat izan zen (patxitaxi.com) eta ordutik dena “modu naturalean” hazi da.
2007an Taxiberia sortu zuen taxi-mundua turismora hurbiltzeko. Beste profesional batzuekin aliatu zen “profesionaltasun handiagoa lortzeko”. Horrez gain, ingelesez hitz egiten duten eta herrialdea ondo ezagutzen duten gidariak bilatu zituen eta luxuzko ibilgailuak lortu zituen. Zerbitzua gero eta pertsonalizatuagoa bihurtu zen. “Bezero bakoitzak gauza zehatzak eskatzen ditu: batzuek katedralak bisitatzea nahiago dute, beste batzuek futbol zelaiak”, azaldu du. Bere ekitaldi handienetako bat Mobile World Congress izan da beti, “vans flotak garraiatzeko eskatu digute”. Horrez gain, mundu mailan Air Europa bezalako bezeroak ditu, “VIP bezeroentzat”.
Horrela, hurrengo urratsa modu organikoan eman zen: “Iberiar Penintsula eremu txikia bihurtu zen guretzat, eta negozioak hazkunde naturala behar zuen, beraz Europara salto egin genuen. Baina, garai horretan, ez ginen taxi terminoarekin identifikatzen, askoz harago zegoen zerbitzua eskaintzen genuen”, azaldu du.
Horrela sortu zen Bookroad, “Mugikortasunerako soluzio korporatiboak” eskaintzen dituen enpresa. “Adibidez, Suitzako ekitaldi batean nazioarteko marka batekin lan egin dugu, lekualdaketa guztiak hemendik kudeatuz”, zehaztu du enpresaren sortzaileak.
Bookroadek nazioarteko sare bat sortu zuen eta une honetan zerbitzua “munduko edozein bazterretan lekualdaketak behar dituen edozein enpresari” eskaini diezaioke. Tresna bat jarri du martxan, eta “mundu osoko 2.000 enpresa” daude horri atxikita. Horietako bakoitzak bost eta 100 ibilgailu arteko flotak dituzte. Konpainiak kongresuak eta ekitaldiak antolatzearekin zerikusia duten agentziei ematen die zerbitzua, edo baita Formula-1aren, golfaren edo tenisaren esparruetan ere.
2020. urteak, pandemiaren agerpenarekin, “pertsonak biltzean” oinarritzen den negozio baten jarduerarekin gelditzea suposatu du. “Ohiko fakturazioaren laurdena fakturatu dugu, eta ABEEri esker eutsi dugu”, onartu du Patxi Huélamok. Hala ere, une hau prestakuntza jasotzeko eta enpresan berrikuntza berriak asmatzeko “aukera” gisa ikusten saiatu da. Azken aurrerapena plataforma digital propio bat martxan jartzea izan da, “Amadeusen antzera, baina lekualdatzeen sektorera eramanda”. Actualiza Gasteizko enpresarekin lankidetzan, Bookroadek geolokalizazioan oinarritutako sistema bat garatu du. Horrela, bere bezeroak sistema horretara konektatu daitezke zerbitzuaren jarraipena egiteko.
Aurrerapen teknologikoetan oinarritzen da enpresa, baina beti “tratu pertsonalizatua eta gertukoa” mantenduz. Honela azaltzen dute: “Uberrek luxuzko autoen zerbitzuaren kalitatea jaitsi zuen taxiarekin lehiatzeko. Guk alderantziz egin dugu. Taxilariak ginen eta luxuzko zerbitzua eskaintzen hasi gara; horregatik, kontu batzuk oso pertsonalizatuak izaten jarraitu behar dute “.
Enpresak hamar langile inguru ditu, eta nazioartekotze prozesuan laguntzeko SPRI taldeak bultzatutako Zabaldu programan sartu da.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, sektore eta herrialde desberdinen ezagutza partekatuz.
Lotutako albisteak
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.
Singapurrek eta Euskadik negozio-aukera berriak esploratuko dituzte energia berriztagarrietan eta biozientzietan
Asiako herrialde horretako enpresen garapena bultzatzeaz arduratzen den gobernu-agentziaren ordezkaritza batek Euskadi bisitatu du aste honetan, sektore estrategikoetan balizko lankidetza-arloak jorratzeko asmoz