Brasilgo Energiaren Transmisio eta Banaketako merkatua, aukera estrategikoa euskal enpresentzat
Brasil, munduko ekonomia nagusietako bat, atzerriko inbertsiorako funtsezko helmuga gisa mantentzen da, batez ere sektore estrategikoetan, hala nola energiarenean. Ekonomia Lankidetza eta Garapenerako Antolakundeak (ELGA) berriki egindako ikerketa baten arabera, herrialdeko BPGa % 1,7 haziko da 2024an, baina 2025ean % 2,1eko gorakada espero da. Hainbat erronka izan arren, zor publiko handia esaterako, herrialdeak aukera handiak eskaintzen dizkie nazioartean hedatu nahi duten enpresei.
Testuinguru horretan, Basque Trade & Investment-ek (BasqueTrade), SPRI Taldeko euskal enpresak nazioartekotzeko agentziak, Brasilgo energia transmisio eta banaketa (T&D) sektorea aztertzen duen txosten bat argitaratu du. Eremu hori ezinbestekoa da herrialdeko ekonomiarentzat, eta aukera ugari eskaintzen dizkie modernizazioan eta hedapenean parte hartu nahi duten euskal konpainiei.
Txostenak gaur egun sektore horretan 400 azpiegitura proiektu baino gehiago daudela martxan azpimarratzen du, energia berriztagarriaren eskaera gero eta handiagoak eta sare elektrikoa modernizatzeko beharrak bultzatuta. Ildo horretan, eguzki-energia fotovoltaikoetan eta eolikoetan esperientzia duten euskal enpresek hainbat aukera dituzte hazkunde horretan parte hartzeko eta irtenbide teknologiko berritzaileak eskaintzeko.
Gainera, dokumentuak T&Dko merkatu brasildarra hedapenean egoteaz gain, teknologia aurreratuak sartu nahi dituzten enpresentzako aukerak ere eskaintzen dituela nabarmentzen du, hala nola sare elektriko adimendunak eta neurketa-sistemak. Energia-sektorearen modernizazio horrek osagai eta zerbitzu espezializatuen eskaera handitu du, eta horrek atea irektzen dizkio euskal konpainiak nazioartekotzeari.
Aukerak egon arren, Brasilgo merkatura sartzeak dakartzan erronkak ere aztertzen ditu analisiak; besteak beste, muga zergak eta tokian tokiko erregulazio zorrotzak, atzerriko enpresentzat korapilatsuak izan daitezkeenak. Hala ere, txostenak azpimarratzen du tokiko konpainiekin aliantzak egitea edo Brasilen filialak sortzea estrategia eraginkorrak direla oztopo horiek gainditzeko.
Nahi baduzu, Txosten osoa hemen eska dezakezu edo .
Lotutako beste txosten batzuk:
- T&D Behatokia: Munduko Energiaren Transmisio eta Banaketako merkatuari buruzko azterketa
- Energia Eolikoaren Behatokia: merkatuaren azterketa eta euskal enpresentzako aukerak
Lotutako albisteak
BT&I-ren Nazioarteko Behatokia: Ekonomia globala % 2,5 haziko da 2025ean, AEBetako politika eta muga-zergen ziurgabetasunaren eraginpean
Basque Trade & Investmentek Nazioarteko Behatokiaren azken edizioan argitu duenez, hazkunde ekonomikoa Estatu Batuetako merkataritza-politikaren gogortzeak markatuko du, beste faktore batzuen artean.
Maroko, Ipar Afrikako automobilgintzaren hub estrategiko nagusia
Basque Trade & Investmenten azken txostenak Afrika iparraldeko automobilgintzaren sektorea aztertu du, euskal enpresei eskaintzen dizkien aukerak barne.
Australia, merkatu estrategikoa energia, teknologia eta garraio arloetan euskal enpresentzat
Australia lehentasunezko merkatua bihurtu da Eusko Jaurlaritzaren nazioartekotze-estrategian. Ekonomia sendoa eta merkatu heldua dituen herrialdea da, baina euskal enpresen presentzia mugatua du oraindik. Hala ere, haren erakargarritasuna sektore estrategikoetan eskaintzen dituen negozio-aukerei esker mantendu da.
AEBko industria aeroespaziala: hazkundea eta erronkak
AEBko merkatu aeronautikoak oso erakargarria izaten jarraitzen du, eta etengabe handitzen ari da, bidaiarien eta merkantziaren trafikoaren gorakada dela eta. Aukera handiak daude teknologia berritzaileak eskaintzen dituzten euskal enpreseentzat; bereziki, erregaiaren eraginkortasunean eta isurpenen murrizketan zentratuta dauden horientzat.
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Basque Trade & Investmentek merkatu horrek eskaintzen dituen aukerak aztertu ditu bere azken ohar teknikoan, izan ere, mundu osoko mailan shale oil eta shale gas delakoen erreserbarik handienetakoa da.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
Brasilgo industria siderurgikoari buruzko txostena: funtsezko merkatua euskal enpresentzat
Basque Trade & Investment-ek, sektore estrategiko horren egungo egoera aztertzen du bere azken txostenean, merkatu horretan sartu nahi duten euskal enpresei informazio erabilgarria emateko edo bertan duten presentzia indartzeko.
Behatoki Aeroespazialaren hirugarren edizioak pandemiaren osteko abiazioaren errekuperazio progresiboaren kontsolidazioa islatzen du
Euskal enpresek eskura dute jada Behatoki Aeroespazialaren hirugarren edizioa, Basque Trade & Investment-ek (BasqueTrade) SPRI Taldean sartuta dagoen euskal enpresen nazioartekotze enpresarialerako agentziak egina. Txosten estrategiko honek abiazio zibilaren merkatu globalaren bilakaera aztertzen du, sektoreko enpresen lehiakortasuna bultzatzeko funtsezko datuak eskainiz.