Brexit-ak euskal enpresetan izango dituen ondorioak aztergai irailean egingo den EHUko udako ikastaro batean
SPRI Taldeak ekitaldian parte hartuko du Nazioartekotzeko Euskal Agentziaren bitartez
Euskal Herriko Unibertsitateak Brexit-ari buruzko udako ikastaro bat antolatuko du irailaren 12 eta 13an, Donostiako Miramar Jauregian, non SPRI Taldeak parte hartuko baitu Nazioartekotzeko Euskal Agentziaren bitartez. Ekitaldian aztergai izango dituzte Erresuma Batuaren irteerak euskal hiritarrengan eta ekonomian izango dituen ondorioak, inplikazio ekonomikoak edota etorkizuneko harremanak.
Kanpo Harremanetako Europaren Ahalmenari buruzko Programaren zuzendari Susi Dennison-ek inauguratuko du ikastaro hori (izena emateko epea zabalik dago jadanik) irailaren 12an. Dennison-en irekiera-hitzaldiaren ostean, beste hiru hitzaldi eskainiko dira Erresuma Batua Europar Batasunetik ateratzeko negoziazio-prozesuari eta Brexit-ak hiritarrengan izango dituen ondorioei buruz, eta mahai-inguru bat egingo da aztertzeko nolakoak izango diren bi alderdien arteko etorkizuneko harremanak.
Irailaren 13an hizpide hartuko dira Erresuma Batuaren irteerak izango dituen inplikazio ekonomikoak, euskal ekonomian eta bertako enpresetan izango dituen ondorioak eta merkataritza nahiz inbertsio arloetan sor daitezkeen eszenatokiak eta ondorioak. Ikastaroa amaitzeko, Brexit-ak Euskadin izango dituen ondorioak aztertuko dira mahai-inguru batean eta moderatzaile arituko da Pablo Fano, Nazioartekotzeko Euskal Agentziak Erresuma Batuan duen Bulegoko zuzendaria.
Lotutako albisteak
Euskadik osasun arloko berrikuntzan duen posizioa indartu du Alemaniako MedtecSUMMIT 2025 delakoan
Basque Trade & Investmenten ordezkaritza batek Basque Health Clusterraren ordezkariekin batera parte hartu zuen ekitaldian, Bavariako erakunde estrategikoekiko harremanak estutzeko eta lankidetzarako arloak jorratzeko, medikuntza arloko gailuei aplikatutako adimen artifiziala eta osasun digitala kasu
Euskal sektore aeroespazialak loturak estutu ditu Estatu Batuetako industriarekin
Euskadiko enpresa eta zentro teknologikoen ordezkaritza batek Estatu Batuak bisitatu ditu sektorearen egungo egoera ezagutu eta herrialdeko eragile estrategikoekin harreman berriak finkatzeko
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa