BT&I-ren Nazioarteko Behatokia: Hazkunde ekonomiko apalak eta tentsio globalek 2025eko lehen seihilekoa baldintzatuko dute
Munduko ekonomiko-egoeraren hiruhileko azterketa
Afrika eta Asia izango dira hazkunde globalaren eragile nagusiak
Euskal enpresen eskura dago jadanik Basque Trade & Investmenten (BasqueTrade) Nazioarteko Behatokiaren edizio berria, eta 2025erako aurreikuspen ekonomikoen azterketa zehatza jaso du, ziurgabetasun geopolitikoa nagusi den egungo testuingurua kontuan hartuta.
Dokumentuaren estimazioen arabera, 2025erako hazkunde ekonomiko globala moderatua izango da, % 2,6koa, 2024an izandakoa baino pixka bat handiagoa.
Munduko aurreikuspen ekonomikoak
Behatokiaren estimazioen arabera, BPG globala % 2,6 igoko da iazko kopuruen aldean
Hobekuntza txiki bat aurreikusi bada ere, tentsio geopolitikoek ziurgabetasunaren iturri izaten jarraituko dute. Trumpen administrazioak ezarritako muga-zergak, Estatu Batuen (AEB) eta Txinaren arteko gerra komertziala eta Europan gertatzen ari den mugimendu politiko euroeszeptikoen gorakada, besteak beste, munduko zenbait eskualdetako hazkunde-erritmoa geldiarazteko moduko faktoreak izan daitezke.
Gainera, garatutako ekonomietan inflazioa % 2 inguruan egonkortzen ari dela dirudien arren, lehentasunezko erronka izaten jarraituko du gorabidean dauden merkatuetan.
Hazkunde ekonomiko desberdina eskualde bakoitzean
Eskualdekako azterketari dagokionez, dokumentuak argi utzi du Europak % 1,5eko hazkunde moderatua izango duela 2025ean, eta Afrika eta Asiako ekonomia emergenteak izango direla hazkunde globalaren eragile nagusiak. 2024an ezarritako moneta-politiken baretzea emaitzak ematen hasia da, baina oraindik arriskuak daude, hala nola, hainbat eskualdetako ezegonkortasun politikoa eta AEBen merkataritza-politika protekzionisten ondorioak.
Ildo horretan, Trumpen administrazioak ziurgabetasuna sortzen jarraituko du, bereziki merkataritza-politika protekzionistekin eta Kanada, Mexiko, Txina eta Europar Batasunarekiko tentsioekin. Horien aplikazioa iragarri baino leunxeagoa izango dela uste da, baina politika horien ondorioek nazioarteko panorama ekonomikoa markatzen jarraituko dute.
Interes-tasetan jaitsiera jarraitua espero da, baina ez 2022koa
Atzerriko inbertsio zuzenari dagokionez, portaera askotarikoa izango da. Saharaz hegoaldeko Afrikak eta Asiak hazkundea lideratuko dute eta Europa erakargarritasuna zertxobait berreskuratzen hasiko da, azken urteotan izandako beherakadaren ondoren. Latinoamerikak, aldiz, inbertitzaileen konfiantza kalte dezakeen zalantzazko ingurune politikoari aurre egin beharko dio, bereziki Ekuador, Txile eta Kolonbia bezalako herrialdeetan.
Halaber, txostenak azpimarratu duenez, interes-tasetan jaitsiera jarraitua espero da, baina ez 2022koa bezain nabarmena. AEBetako Erreserba Federalak jaitsierak geldiaraztea erabaki du, eta Europako Banku Zentralak bide berari jarrai diezaioke urtearen erdialderako.
Nazioarteko Behatokiari buruz
Basque Trade & Investment-ek (BasqueTrade), euskal enpresak nazioartekotzeko SPRI Taldearen barruan dagoen agentziak, argitaratutako Nazioarteko Behatokiak, 2024ko hirugarren hiruhilekoko egoera globalaren azterketa ekonomikoa egiten du eta, aldi berean, hazkunde eta joera aurreikuspenak eskaintzen ditu.
Dokumentu hau tresna estrategikoa da dagoeneko nazioarteko merkatuetan diharduten euskal enpresentzat eta atzerrian duten presentzia zabaldu nahi dutenentzat, babes estrategikoa eskainiz negozio-aukerak identifikatzeko eta arriskuak kudeatzeko, hazkundearen moderazioak eta tentsio geopolitikoek markatutako mundu mailako ingurune batean.
Zerikusia duten beste txosten batzuk:
-
Hazkunde ekonomiko apalak eta tentsio globalek 2025eko lehen seihilekoa baldintzatuko dute - BT&I-ren Lehengaien Nazioarteko Behatokia
- BT&I-ren Nazioarteko Merkataritzaren Behatokia
Lotutako albisteak
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
Brasilgo industria siderurgikoari buruzko txostena: funtsezko merkatua euskal enpresentzat
Basque Trade & Investment-ek, sektore estrategiko horren egungo egoera aztertzen du bere azken txostenean, merkatu horretan sartu nahi duten euskal enpresei informazio erabilgarria emateko edo bertan duten presentzia indartzeko.
Behatoki Aeroespazialaren hirugarren edizioak pandemiaren osteko abiazioaren errekuperazio progresiboaren kontsolidazioa islatzen du
Euskal enpresek eskura dute jada Behatoki Aeroespazialaren hirugarren edizioa, Basque Trade & Investment-ek (BasqueTrade) SPRI Taldean sartuta dagoen euskal enpresen nazioartekotze enpresarialerako agentziak egina. Txosten estrategiko honek abiazio zibilaren merkatu globalaren bilakaera aztertzen du, sektoreko enpresen lehiakortasuna bultzatzeko funtsezko datuak eskainiz.
Nazioarteko merkataritzak maximo historiko berriak lortu ditu 2024an, testuinguru global tentsionatu batean
Nazioarteko Merkataritzaren Behatoki berriaren bitartez, BasqueTrade-k ziurgabetasun politikoak markatutako merkatu globalaren egungo egoera aztertzen du, nazioartekotutako euskal enpresei informazio estrategikoa eskaintzeko.
Muga-zergen igoera, EE.BB-aren administraziopean dagoen merkataritza globalean izan ditzakeen ondorioen artean
Txosten berri baten bidez, BasqueTrade-k Donald Trumpek nazioarteko merkatuan AEBko presidente hautatu izanaren ondorioz ezar ditzakeen aldaketa nagusiak aztertzen ditu.