Ceitek industria aeronautikoaren arriskua murrizteko eta sortzen ari diren teknologiekin hegazkin arinagoak sortzeko nazioarteko proiektu baten lidergoa hartu
Ceitek, BRTA euskal aliantzako kideak, mihiztatzeko eskuzko eragiketak optimizatzeko eta industria aeronautikoan kalitate-kontrolak egiteko proiektu bat koordinatuko du, gailentzen ari diren teknologiak erabiliz, hala nola adimen artifiziala, sare neuronal artifizialak, errealitate misto eta areagotua eta robotika kolaboratiboa.
AssAssiNN izeneko proiektuak funtzio anitzeko mihiztatze-gela bat garatuko du, errealitate misto eta areagotua erabiliz, muntaketa eta ikuskapen-prozesuan parte hartzen duten profesionalei orientazioa emango die. ”Langileak lagunduko dituen ko-robot bat egongo da, sare neuronaletan oinarritutako adimen artifizialeko algoritmo batek emaitzen kalitatea egiaztatzen duen bitartean”, azaldu du Aiert Amundarain Ceiteko Industria 4.0 Sistema Adimendunen taldeko ikertzaileak, ”horrela, langileek ez dituzte lan errepikakorrenak eta astunenak egin beharko”.
Proiektu hau CleanSky 2 planaren barruan dago, Europar Batasunaren Horizon 2020 ikerketa eta berrikuntzako programaren esparruan, eta mihiztatze-prozesuak optimizatzeko tresnak garatzea du helburu. Amundarainen arabera, “adimen artifizialaren bidez monitorizatuko dira, etorkizun hurbilean akatsik gabeko mihiztatze prozesuetara iristeko”.
Horrela, AssAssiNNren inplementazioaren bidez “ekoizpen prozesu eraginkorrago bat sortu nahi da, hegazkin arinagoak lortzeko, erregaiaren gastua txikiagoa izan dadin”, adierazi du Ceitek. Aldi berean, “egituraren integrazioa eta funtzio anitzeko materialak areagotuko dira, ingurumen-inpaktua murriztuko da eta hegazkinen bizitza erabilgarria luzatuko da”.
Ceitekin batera, Suitzako SUPSI ikerketa zentroak eta Italiako HB Technology aeronautika ingeniaritzak parte hartzen dute proiektu honen garapenean. Aurrerapenak Leonardo Aeronautics Napoliko lantegian ezarriko dituzte, proiektuaren helburuak finkatzen dituen konpainia, 2021eko bigarren erditik 2022ko lehen erdira arte.
SPRI Taldeak euskal enpresen I+G bultzatzen du tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programen bidez lortzen da, eta horien informazioa hemen dago eskuragarri. hemen dago eskuragarri.
Lotutako albisteak
Zinemaldia Startup Challenge 2025
Izen-ematea: apirilaren 15etik ekainaren 2ra arte
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko