DAIRk garraio-azpiegiturei eta trafiko- eta mugikortasun-azterlanei buruzko nazioarteko 50 proiektu baino gehiagotan parte hartzen du
Berrikuntza balio estrategiko gisa hartuta eta garapen iraunkorrarekiko konpromiso sendoa hartuta sortu zen DAIR duela 25 urte baino gehiago. Hasiera gehienetan bezala, ingeniaritza- eta aholkularitza-zerbitzuen enpresa tokiko merkatuaren beharrei erantzuteko lanean hasi zen, 2014an erabaki estrategiko batek konpainiaren norabidea aldatu zuen arte.
“Urte hartan gure zerbitzuak Espainiatik kanpo emateko erabaki estrategikoa hartu genuen, gure esperientzia nazioarteko beste merkatu batzuetara esportatzeko eta enpresen lehiakortasuna handitzeko helburarekin, tokiko eta nazioarteko enpresekin aliantza estrategikoak garatuz”, zehaztu du Jon Ciordia Dair-eko estrategia zuzendariak. Bederatzi urte geroago, Bizkaiko konpainiak Saudi Arabian du presentzia, enpresarentzat nazioarteko merkatu nagusietako bat bihurtu den herrialdean.
Herrialde horretan, hain zuzen ere, DAIRek bere mundu mailako proiekturik esanguratsuenetako batzuk egin ditu. Dammam eta Khobar hirietan, maila desberdineko 16 bide-lotune berri diseinatzen parte hartu zuen, auto-pilaketa handiko inguruneetan hiri-mugikortasuna hobetzeko, eta, gainera, “estetika-, ingurumen- eta gizarte-emaitza onena duten elementuak eman zituen”, Ciordiak dioenez. Era berean, Al-ahsako Al-uqair errepide turistikoa diseinatu eta planifikatzen ari da Al-ahsan. Enpresaren estrategia-zuzendariaren arabera, eremu horrek “garrantzia har dezake etorkizunean, eremu horretarako aurreikusitako garapenengatik”.
Baina maila globalean ez ezik, Leioako konpainiak nazio mailako proiektu nabarmenak ere baditu, Frantziako Tourreko Grand Départ Pays Basque 2023ko Mugikortasun Plana egitearen kasua da. “Ilusio handiko proiektua da. Frantziako Tourra munduko errepideko txirrindularitza probarik garrantzitsuena da 1903tik, eta datorren urtean Euskal Herrira itzuliko da, 1992an Donostiak irteera hartu zuenetik hiru hamarkada baino gehiago igaro direnean”, azpimarratu du Ciordiak. DAIRrek, INGARTEKekin batera, Bilbao Ekintzari laguntza teknikoa eskainiko dio ekitaldi honetarako Mugikortasun Plana egiteko. Estrategiako zuzendariak adierazi duen bezala, “ ekitaldiak 4.500 pertsona mugitzen ditu guztira, eta horien artean antolakuntzako 500 pertsona baino gehiago daude, 2.000 kazetari baino gehiago, 184 txirrindulari eta horien taldeak, sponsorak eta abar”.
Euskadin duen beste proiekturik nabarmenetako bat Euskal Trenbide Sarerako (ETS) egiten ari dena da, WSP Spain enpresarekin lankidetzan, hala azaldu du Ciordiak: “Egungo trenbide-konfigurazioak Bilboko portuan jatorria/helmuga duten merkantzia-trenen trafikoak aldiriko trenekin azpiegitura partekatuz zirkulatzea eragiten du. Arazo hori konpontzeko eta portuaren hazkundearekin jarraitzeko, Bilboko Hegoaldeko Trenbide Saihesbidea deiturikoa garatuko da. Saihesbide hori tunelean igaroko da gehienbat, eta merkantziak hirigunetik urruntzeko aukera emango du. Horrela, Bilboko portua Euskal Autonomia Erkidegoko trenbide-sare berriarekin (Euskal Y-a) eta Bilbo-Miranda Ebro ohiko zabalerako linearekin lotuko da”.
Berrikuntza eta teknologia DNAn
Berrikuntza, zalantzarik gabe, DAIRen kultura korporatiboaren funtsezko zatia da. “Balio estrategikoa da guretzat, etengabeko hobekuntza-prozesua, gizartearentzat benetako balioa sortzen duten eta etorkizun bizigarriagoa eta ingurune jasangarria sortzen laguntzen duten zerbitzuak eskaintzeko aukera ematen diguna”.
Ildo horretan, Leioako enpresak hiru ikerketa-ildo nagusi ditu: ingeniaritzari eta aholkularitzari aplikatutako eraldaketa digitala, Building Information Modelling (BIM) metodologiaren eta softwarearen bidez zerbitzu teknikoak ematea eta biki digitalak garatzea. “Horrek guztiak aukera ematen digu gure bezeroen prozesuen digitalizazioa bultzatzeko; informazioaren kudeaketa eta etorkizuneko errore edo arriskuen minimizazioa errazteko; eta egoerak ingurune seguru batean erreproduzitzeko, esperimentatzeko eta iragartzeko, egungo eta etorkizuneko eraginkortasuna hobetuz”, azaldu du Ciordiak.
Berrikuntza sustatzeko beste modu bat hainbat enpresa, unibertsitate, erakunde, kluster eta teknologia- eta ikerketa-zentrorekin lankidetzan aritzea da, eta hala egiten du DAIRrek. “Duela zenbait urtetik hona, hainbat erakunde publikok sustatutako enpresen berrikuntza eta nazioartekotzea bultzatzeko hainbat ekimenetan parte hartu dugu”, Ciordiak dioenez. “Guztien artean, SPRI Taldearen HAZITEK programa nabarmendu behar da. Programa horri esker, ZUBIoT proiektua garatu ahal izan genuen, RDT Engineers eta Tecnaliarekin batera. Zubien egiturazko monitorizazioa Biki digitalarekin IoT-n integratzeko proiektu bat da”.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.