Danobatek bere presentzia indartu du AEBetan Illinoisen egoitza berri bat ezarriz
Gaur egun, Illinois estatua, Estatu Batuetako mendebaldean kokatua, lehen mailako fabrikazio zentro handi bat da. 2021ean bakarrik, 40 enpresa baino gehiagok iragarri zuten Illinoisera hedatzeko edo birkokatzeko asmoa zutela. Guztira, 18.000 fabrikatzailek baino gehiagok dute egoitza estatu horretan, sektore anitzekoak: automobilgintza, nekazaritza, energia bigunak, teknologia edo makineriaren ekoizpena. Gainera, estatuko agintariek apustu handia egin dute industriaren alde, 5 urterako hazkunde-plan batekin, langileen prestakuntzan inbertsio handia egiteaz gain. Horregatik guztiagatik, Danobat Inc. enpresak egoitza bat irekitzea erabaki du bertan, Rolling Meadows herrian hain zuzen ere. Dagoeneko hasi dira obrak, eta 2022ko lehen hiruhilekoan amaitzeko asmoa dutela adierazi dute enpresatik.
Hau da Danobat Inc. enpresak Estatu Batuetan duen bigarren egoitza. Izan ere, Texasen beste egoitza bat du, petrolio eta gas industrietan zentratzen dena . “Bigarren egoitza honen helburua da zuzeneko laguntza lokalizatua ematea gure bezeroei”, adierazi du Manex Ochoteco Danobat Inc-ko presidenteak. Kokapen berri horrek zazpi langile izango ditu, plantilla etorkizunean handitzeko planekin, eta Gipuzkoako enpresak inguruan dituen bezero nagusiei emango die zerbitzua: 3M, Delta Airlines, GE, Kennametal, Sandvik, Schaeffler, Solar Turbines eta Timken fabrikatzaileak. Bertan, merkataritza-, ekoizpen- eta kalitate-kontroleko operazioak egingo dira, piezen probak egingo dira eta neurrira egindako makinak fabrikatuko dira.
Danobatek azken belaunaldiko teknologien hainbat industria amerikar izan ditu 1982tik bezero bezala. Oraingo honetan, enpresak bere marka Illinoisen hedatzea erabaki du, “estatuko manufaktura-industria sendoa eta hainbat sektoreren gaitasun handiak direla eta, hala nola sektore aeroespaziala, automobilgintza, trenbidea, ekipo-ondasunen sektorea eta energiaren sorkuntza” Danobaten arduradunek adierazi dutenez. Halaber, azpimarratu dute “Intersect Illinois tokiko partnerra oso lagungarria izan dela hedapen-prozesu horretan”.
Illinoiseko egoitza berri honetaz gain, Danobat Inc. enpresak AEBetan ere zabaldu du bere sare komertziala, hainbat elkarte estrategikoren bidez. Azken urte honetan bakarrik, hainbat enpresarekin elkartu da (Maruka, Bramac Machinery, CS Precision, WSM Technology eta Rey Technologies) Estatu Batuetako lurralde gehienetan zerbitzua eman ahal izateko.
Danobat, Danobatgroup eta Mondragon Corporation-eko kidea, liderra da makina erremintaren eta hainbat sektoretarako produkzio-sistemen fabrikazioan. Mundu osoan zehar banatutako bezeroak ditu, eta Alemanian, Holandan edo Erresuma Batuan ditu egoitzak. Gainera, Bikaintasun Zentroak ditu herrialde estrategikoetan, hala nola Alemanian, Italian, Estatu Batuetan eta Txinan.
Euskal enpresen nazioarteko proiektuak bultzatzea da SPRI Taldearen helburuetako bat; izan ere, Basque Trade and Investment Nazioartekotzeko Euskal Agentziaren bidez, leihatila bakarraren bidez bere baliabide eta laguntza guztiak jartzen ditu enpresen eskura, adibidez Elkartu, Gauzatu edo BEINT eta Global Training Bekak.
Lotutako albisteak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.