Eusko Jaurlaritzak nazioarteko lizitazio publikoetarako sarbidea erraztu die euskal enpresei.
BASQUE TRADE & INVESTMENT AGENTZIAK “BERRIKUNTZAKO EROSKETA PUBLIKOAREN” NAZIOARTEKO BEHATOKIA ABIARAZI DU
Basque Trade & Investment-ek (SPRI Taldean integratutako Nazioartekotzeko Euskal Agentziak) abiarazi duen Erosketa Publiko Berritzailearen Nazioarteko Behatokiari esker, aurrerantzean euskal enpresak errazago iritsiko dira nazioarteko lizitazio publikoetara.
Erosketa Publiko Berritzailea (EPB) jarduera administratibo bat da, berrikuntza sustatzen duena kontratazio publikoaren bidez. Asmoa da merkatura lehenengoz iristen diren ondasun eta zerbitzu berritzaileak eskuratzea; bitarteko bat da, erakunde lizitatzaileek enpresen eskura jarri dutena, enpresek konponbide berritzaileak garatu ditzaten. Aukera paregabea da erronka berritzaileei ekiteko, horrek berekin dakartzan arriskuak gutxituz.
Erakundeek berrikuntza sustatzeko tresna eraginkor gisa baliatzen dute sistema hori. Hala, erosketa publikorako aurrekontuaren portzentaje bat bideratzen dute organismo horiek detektatutako beharrei erantzun diezaieketen proiektu berritzaileetara. Hauek dira helburu nagusiak:
- Zerbitzu publikoak hobetzea ondasun edo zerbitzu berritzaileak eskuratuz.
- Enpresa arloko berrikuntza sustatzea.
- Berrikuntzaren nazioartekotzea bultzatzea, tokiko merkatu publikoa erreferentziazko bezero bihurtuz.
Basque Trade & Investment-ek, SPRI Taldean integratutako Nazioartekotzeko Euskal Agentziak, proiektu pilotu bat abiarazi du EPBk Europar Batasunaren esparruan eskaintzen dituen aukerak monitorizatzeko eta euskal enpresei horien berri emateko. Monitorizatutako proiektu gehienak Osasunaren eta, besteak beste, Energiaren sektoreetakoak dira.
Interesatuta dauden enpresa eta profesionalak jar daitezela gurekin harremanetan helbide honetan: acastro@basquetrade.eus
Lotutako albisteak
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.
Singapurrek eta Euskadik negozio-aukera berriak esploratuko dituzte energia berriztagarrietan eta biozientzietan
Asiako herrialde horretako enpresen garapena bultzatzeaz arduratzen den gobernu-agentziaren ordezkaritza batek Euskadi bisitatu du aste honetan, sektore estrategikoetan balizko lankidetza-arloak jorratzeko asmoz
Egaña Group, zazpi hamarkadako historia eta nazioarteko asmoak dituen Gipuzkoako familia enpresa
Aurten hiru enpresak lantegi berean batzeaz gain, atzerrian duten presentzia zabaltzea du helburu konpainiak.