Lehendakariak “gure herrira talentua erakartzeko polo eta espazio erakargarriak sortzearen” alde egin du
Imanol Pradales lehendakariak nabarmendu duenez, Euskadi Globala estrategiaren sei jarduera-ardatz nagusietatik bi honako hauek dira: “globalki lotuta dagoen enpresa-ekosistema baten alde egitea, nazioarteko merkatuan negozio eta enplegu berriak sortzeko eta Euskadin errotzea indartzeko”, eta “gure herrira talentua erakartzeko polo eta espazio erakargarriak sortzea”.
“Kanpora ateratzen den herrialdea izatetik kanpoan jokatzen duen herrialdea izatera igaro behar dugu. Mundura irteten den Herri bat izatetik, munduan partida jokatzen duen Herri bat izatera igaro behar dugu”. Horixe izan da Imanol Pradales lehendakariak Euskadi Globala estrategiaren aurkezpenean nabarmendu duen mezua, Euskadiko sare instituzional, asoziatibo eta ekonomikoaren ordezkaritza zabal baten aurrean.
“Euskadik munduari harrotasunez begiratzen jarraitu behar du. Gure tamainaz, gure mugez jabetuta, baina baita gure indarguneez ere. Zeregin hori ezinbestekoa da gure Herriaren interes sozial, ekonomiko, kultural edo politikoak babesteko”, esan du.
Lehendakariak “sare berriak osatzearen” alde egin du, “balioa ematen duten nazioarteko adabegiekin konektatzeko. Balio ekonomikoa, politikoa, kulturala edo zientifiko-teknologikoa Euskadirentzat”, eta, horrela, aliantza estrategiko berriak ezartzea “elkarrekin hazteko interes komunak partekatzen ditugunekin”.
Imanol Pradalesen iritziz, funtsezkoa da “Europan erabaki garrantzitsuak —euskaldunoi zuzenean eragiten diguten erabakiak— hartzen diren mahaietan ahots propioa izatea; gure Herrira talentua erakartzeko polo eta espazio garrantzitsuak sortzea; globalki konektatutako enpresa-ekosistema bat bultzatzea, nazioarteko merkatuan negozio berriak eta enplegua sortzea sustatzeko, baita haiek Euskadin errotzea indartzeko ere”.
“Badirudi aro berri, konplexuago eta zalantzazkoago baten sorreran gaudela. Nazioarteko egungo testuinguruan, aldi berean, hainbat krisi eta eraldaketa gertatzen ari dira, errealitatearen eta gure eguneroko bizitzaren esparru guztietan eragina dutenak”, nabarmendu du.
Hala ere, gogorarazi du ziurgabetasuna ez dela gure garaikoa bakarrik, eta Euskadik bere lekua aurkitu behar duela egungo testuinguru horretan. “Gure arrakasta, neurri handi batean, gure oinarri europarretik nazioarteko testuinguruan Herri gisa hazteko gai izatearen mende dago”.
“Bideak eta ibilbideak ireki behar ditugu gaur egun ezezagunak diren mundu eta egiteko moduetara. Sofaren erosotasunetik jaiki, bihotz hartu eta amets egin behar dugu. Gure etxeetatik haratago begiratzea, Euskadi apaltasunez baina anbizio osoz zaindu, hobetu eta biziberritzeko aukera emango diguten horizonte ezezagunetara”, esanez amaitu du.
Aurkezpena Albaola Itsas-Kultur Faktoriako instalazioetan egin da, Pasaian. Bertan, Lehendakariak Euskadik bere historian zehar izan duen nazioarteko bokazioa gogoratu du, herri honen itsaso- eta arrantza-tradizio horren adierazleetako bat izanik. “Aurrean ditugun aukerak aprobetxatu behar ditugu, gure historian zehar askotan egin dugun bezala. Berriro kokatzea tokatzen da. Geure gaitasunengatik dagokigun espazioa berriro erreklamatu beharra dago. Inork ez du guregatik egingo. Guk geuk egitea guri dagokigun zerbait da”, adierazi du.
Lotutako albisteak
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.