Argentinako Vaca Muerta hobian, 35.500 milioi dolarreko inbertsioak aurreikusi dira datozen urteetarako gas naturalaren arloan
Aukerak sorraraziko ditu ingeniaritzan, industria arloko makinerian, logistikan eta energiari aplikatutako teknologian diharduten euskal enpresentzat
Vaca Muerta petrolio-hobia, Argentinako Neuquén, Río Negro eta Mendoza probintzietan kokatua, mundu osoko shale oil eta shale gas delakoen erreserbarik garrantzitsuenetakoa da. Kalkuluen arabera, 27.000 milioi petrolio-upel baliokide izan ditzake, eta horren garapenak hidrokarburoen ekoizpena bultzatu du Argentinan, sektoreari lotutako esperientzia duten euskal enpresen intereseko merkatutzat finkatuz.
SPRI Taldeari atxikitako Basque Trade & Investment (BasqueTrade) euskal enpresak nazioartekotzeko agentziak Vaca Muertak eskaintzen dituen aukerak aztertu ditu azken ohar teknikoan, izan ere, eskualde horretako ondasun eta zerbitzuen urteko eskaria 3.000 milioi dolarretik gorakoa da, zulaketan, hidrokarburoen garraioan, prozesuen digitalizazioan eta energia-azpiegituren kudeaketan gaitasuna duten euskal enpresen parte-hartzea erraztuz.
BasqueTradek eskualdeko inbertsioen hazkundea aztertu du oharrean, teknologia aurreratua eta zerbitzu espezializatuak behar dituzten azpiegitura-proiektuen eta esplorazio-proiektuen harira. Kalkuluen arabera, inbertsioak 11.000 milioi dolarretik gorakoak izango dira 2030era arte, batez ere petrolio ez-konbentzionala erauzteko, eta honek aukerak sorraraziko ditu ingeniaritzan, industria arloko makinerian, logistikan eta energiari aplikatutako teknologian diharduten euskal enpresentzat.
Soluzio berritzaileak nahiz sektoreari lotutako esperientziak dituzten enpresak atxikitzeko ingurune egokia
Era berean, dokumentu teknikoak eskualdeko azpiegitura-beharrak nabarmendu ditu, eta horien artean dago Vaca Muerta Sur oliobidearen eraikuntza, 2.500 milioi dolarreko inbertsioa tarteko, petrolioa esportazio-merkatuetara garraiatzeko gaitasuna hobetu ahal izateko.
Bestalde, gas naturalaren sektorean, 35.500 milioi dolarreko inbertsioa aurreikusi da datozen urteetarako, gas natural likidotuaren (GNL) esportaziorako beharrezkoak diren likidotze-instalazioak, gasbideak eta bestelako azpiegiturak garatzeko.
Tokiko eragileekiko lankidetza eta Argentinako merkatuko erregulazioen araberako egokitzapen
Vaca Muertaren garapenak inbertsiogileak erakartzen eta ekoizpen-gaitasuna handitzen jarraitu du, soluzio berritzaileak nahiz sektoreari lotutako esperientziak dituzten enpresak atxikitzeko ingurune mesedegarria sortuz. Testuinguru honetan, tokiko eragileekiko lankidetza eta Argentinako merkatuko erregulazioen araberako egokitzapena funtsezko faktoreak izango dira euskal enpresek negozio-aukera horiek baliatzeko aukera izan dezaten.
Harremanak errazteko, BasqueTradek zerbitzu pertsonalizatuak eskaintzen dizkie eragiketak merkatu horretan nazioartekotzeko interesa duten euskal enpresei. Aholkularitza estrategikoaren bitartez, agentziak Argentinan finkatu eta jarduteko beharrezkoak diren baldintzak eta prozedurak ulertzen laguntzen die konpainiei.
Lotutako beste txosten batzuk:
- BT&I-ren Nazioarteko Behatokia: Munduko ekonomiko-egoeraren hiruhileko azterketa
- BT&I-ren Lehengaien Nazioarteko Behatokia
- BT&I-ren Nazioarteko Merkataritzaren Behatokia
- Energia Eolikoaren Behatokia: merkatuaren azterketa eta euskal enpresentzako aukerak
- T&D Behatokia: Munduko Energiaren Transmisio eta Banaketako merkatuari buruzko azterketa
Lotutako albisteak
BT&I-ren Nazioarteko Behatokia: Ekonomia globala % 2,5 haziko da 2025ean, AEBetako politika eta muga-zergen ziurgabetasunaren eraginpean
Basque Trade & Investmentek Nazioarteko Behatokiaren azken edizioan argitu duenez, hazkunde ekonomikoa Estatu Batuetako merkataritza-politikaren gogortzeak markatuko du, beste faktore batzuen artean.
Maroko, Ipar Afrikako automobilgintzaren hub estrategiko nagusia
Basque Trade & Investmenten azken txostenak Afrika iparraldeko automobilgintzaren sektorea aztertu du, euskal enpresei eskaintzen dizkien aukerak barne.
Australia, merkatu estrategikoa energia, teknologia eta garraio arloetan euskal enpresentzat
Australia lehentasunezko merkatua bihurtu da Eusko Jaurlaritzaren nazioartekotze-estrategian. Ekonomia sendoa eta merkatu heldua dituen herrialdea da, baina euskal enpresen presentzia mugatua du oraindik. Hala ere, haren erakargarritasuna sektore estrategikoetan eskaintzen dituen negozio-aukerei esker mantendu da.
AEBko industria aeroespaziala: hazkundea eta erronkak
AEBko merkatu aeronautikoak oso erakargarria izaten jarraitzen du, eta etengabe handitzen ari da, bidaiarien eta merkantziaren trafikoaren gorakada dela eta. Aukera handiak daude teknologia berritzaileak eskaintzen dituzten euskal enpreseentzat; bereziki, erregaiaren eraginkortasunean eta isurpenen murrizketan zentratuta dauden horientzat.
Lehengaien Nazioarteko Behatokia 2025ean petrolioaren prezioa progresiboki murriztuko dela aurreratu du Lehengaien Behatokiak
Basque Trade & Investmentek Estatu Batuen muga-zergek eta Txinako ekonomiaren dezelerazioak merkatu global honetan izango duten eragina aztertu du azken Behatokian.
Indiako automozioa: Indiak hub estrategikotzat duen posizioa indartu du automobilgintzako industria globalean
Basque Trade & Investmenten azken txostenak Asiako herrialde horretan jarduteko interesa duten euskal enpresek aurki ditzaketen aukerak eta erronkak aztertu ditu.
T&D Behatokia S2 2024: Europa, Estatu Batuak eta Indiaren dinamismoak aukera berriak ireki ditu Transmisio eta Banaketaren sektorean
Transmisio eta Banaketan (T&D) espezializatutako euskal enpresek eskuragarri dute dagoeneko sektore honen joerak eta aukerak aztertzen dituen Behatokiaren laugarren edizioa. Txostena Basque Trade & Investment (BasqueTrade) SPRI Taldeari atxikitako euskal enpresen nazioartekotze-agentziak argitaratu du, eta sektorea sei hilean behin monitorizatzen duen azterketa sakona eskaintzen du aukera globalak identifikatzeko, lehiakortasuna indartzeko...
Brasilgo industria siderurgikoari buruzko txostena: funtsezko merkatua euskal enpresentzat
Basque Trade & Investment-ek, sektore estrategiko horren egungo egoera aztertzen du bere azken txostenean, merkatu horretan sartu nahi duten euskal enpresei informazio erabilgarria emateko edo bertan duten presentzia indartzeko.
Behatoki Aeroespazialaren hirugarren edizioak pandemiaren osteko abiazioaren errekuperazio progresiboaren kontsolidazioa islatzen du
Euskal enpresek eskura dute jada Behatoki Aeroespazialaren hirugarren edizioa, Basque Trade & Investment-ek (BasqueTrade) SPRI Taldean sartuta dagoen euskal enpresen nazioartekotze enpresarialerako agentziak egina. Txosten estrategiko honek abiazio zibilaren merkatu globalaren bilakaera aztertzen du, sektoreko enpresen lehiakortasuna bultzatzeko funtsezko datuak eskainiz.
Nazioarteko merkataritzak maximo historiko berriak lortu ditu 2024an, testuinguru global tentsionatu batean
Nazioarteko Merkataritzaren Behatoki berriaren bitartez, BasqueTrade-k ziurgabetasun politikoak markatutako merkatu globalaren egungo egoera aztertzen du, nazioartekotutako euskal enpresei informazio estrategikoa eskaintzeko.