Txinan finkatuta dauden euskal enpresek Asiako merkatuaren erronkak eta aukerak aztertu dituzte
Shanghain finkatuta dauden hogeita hamar bat euskal enpresak Eusko Jaurlaritzak Txinako merkatuaren erronkak eta aukerak aztertzeko bultzatutako topaketa batean parte hartu dute aste honetan. Bilera Shanghaiko Euskal Etxean egin da, eta Txinako enpresa-ingurune dinamiko eta lehiakorrean izandako esperientziak partekatu eta presentzia indartu nahi duten konpainien topagune izan da.
Txinak garrantzi handi-handia du euskal enpresen nazioartekotzean, eta Euskadiko konpainien presentziarik handiena duen hirugarren herrialdea da, hainbat sektoretako 228 enpresa bertan finkatuta daudelarik. Azken bi urteotan, BasqueTradek 200 konpainia baino gehiago babestu ditu nazioartekotze-prozesuan, aholkularitza eta laguntza logistikoa eskainiz eta ekitaldi estrategikoak antolatuz.
Hala ere, Txinako merkatuak hainbat erronka planteatzen ditu, hala nola, bertako arautegira egokitzeko beharra, hango enpresekiko lehia gogorra eta hornidura-katearen kudeaketa. Erronka hauei aurre egiteko, BasqueTraderen Shanghaiko bulegoak laguntza eskaintzen die euskal enpresei aholkularitza pertsonalizatuko ekimenekin, networkingarekin eta Euskadi marka Txinako merkatuan sustatzeko ekintzekin.
Era berean, Euskal Etxeen sareak funtsezko eginkizuna betetzen du euskal kultura sustatu eta euskal diasporak Euskadirekin dituen loturak sendotzeko. Gainera, lankidetzan dihardu Eusko Jaurlaritzarekin, Basque Trade & Investmentekin eta beste erakunde batzuekin, kanpoko euskal komunitateen eta Euskadiren arteko harremanak, informazio-trukeak, tokiko konexioak eta negozio-aukerak errazteko.
Lotutako albisteak
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.
Euskadik eta Txinak merkataritza-harremanak indartu dituzte Yao Jing Enbaxadorearen bisitarekin
Jardunaldiak Txinako sektore estrategiko desberdinetako enpresen ordezkariak, Euskadiko kluster nagusiak eta Eusko Jaurlaritzako agintariak bildu ditu.