‘ENEB’-k bere funtsezko bi gairen garapenean jarduten du: “Emakumea eta Nazioartekotzea”, “Enpresa eta Giza Eskubideak”
Dan Dionise, Europako Batzordeko ‘Justizia eta Kontsumitzaileen A3 Unitateko’ arduradunak, Enpresak Nazioartekotzeko Euskal Kontseiluaren (ENEK) Topaketan parte hartu du Ingurumenarekiko eta Giza Eskubideekiko jokabide jasangarri eta arduratsua sustatzearekin lotutako jarraibideak partekatzeko.
Enpresak Nazioartekotzeko Euskal Kontseiluak (ENEK) aldian-aldian Euskadi kanpora proiektatzen duten administrazio publikoak, ingurune sozioekonomikoa, akademikoa eta erakundeak biltzen ditu.
ENEK proiektua aldizka elkartzen da euskal ekonomiari buruzko gogoetak eta ikuspegiak partekatzeko, orain arte hasitako jardueren emaitzak errepasatzeko eta parte hartzen duten erakunde eta instituzioen inguruan lankidetza ekintza berriak eraikitzeko.
Bilbon izan da SPRI Taldeko Nazioartekotzeko Euskal Agentzia (Basque Trade & Investment) eta Ekonomiaren Garapen, Jasangarritasun eta Ingurumen Saila buru dituen foro honen hirugarren saioa. Aurreko lan-saioetatik, aurrerapen handiak egin dira interes komuneko bi gairen inguruan: ‘Emakumea eta Nazioartekotzea’. Alde batetik, enpresa-eremuan ahalduntzera bideratutako emakumeentzako Mentoring-programa bat abian jarri den aurkezpenarekin, eta, bestetik, ‘Enpresa eta Giza Eskubideak’. Bertan, Europako Batzordeko ordezkari den Dan DIonisek ‘Due dilligence Act on corporate sustainability’, europar zuzentarauari buruz mintzatu da. Izan ere, arau hau ziurrenik, Giza Eskubideen errespetuaren inguruan enpresek hartu beharko dituzten betebehar eta erantzukizunetan mugarri izango da.
Zalantzarik gabe, erronka garrantzitsuak lantalde honentzat, begirada eta ekarpen desberdinak biltzeko helburuarekin sortua izan zena, euren bitartez nazioartekotze arloko erronka garrantzitsuenak aintzat hartuko zituen herrialde-ikuspegi bat eraikitzeko. Horrez gain, helburutzat dauka baita ere euskal enpresei atzerrira proiektatzeko ematen zaien laguntza-eredua hobetzea, aniztasuna eta giza eskubideak errespetatzen dituen nazioartekotze-politika jasangarri eta inklusibo baten testuinguruan.
Gogoratu behar da sei izan zirela Batzordeak hasitako ardatz estrategikoak:
- Enpresei nazioartekotzen laguntzeko tresnak
- Nazioarteko jardueraren digitalizazioa
- Kanpo Sarea eta nazioarteko posizionamendua
- Talentua sortu eta enpresan txertatzea
- Enpresen nazioartekotzea bultzatzeko zerbitzuak koordinatzea
- Enpresak nazioartekotzeko politika publikoen koherentzia
Helburu-gida horrekin, saio bakoitzean indartzen da erakunde barruko zein erakunde arteko koordinazioa, enpresen nazioartekotzea sustatzera bideratutako tresnak optimizatuz.
Lotutako albisteak
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.
Euskadik eta Koreak lankidetza teknologikoa bultzatu dute adimen artifiziala eta digitalizazioa ardatz dituen ikuspegi berezi batez
Koreako erakunde ekonomiko eta industrialen ordezkaritza batek Euskadi bisitatu du, berrikuntza eta teknologia digitalaren arloan bi lurraldeen arteko lankidetza indartzeko asmoz
Riza Taldeak bere presentzia handitu du Alemanian, produkzio-kostuak ia % 40 murrizten dituen lanarekin
KTR Systems GmbH multinazional alemaniarraren filial baterako baliabideak optimizatu ditu enpresa gipuzkoarrak. Orain arte, Europako eta Ipar Amerikako zortzi herrialdetan aritu da, eta urtero 60 milioi euroko fakturazioa du.
Europako Batzordeak altzairu eta metalen industriaren erresilientzia bermatzeko ekintza-plana aurkeztu du
2026ko ekainean amaituko diren altzairuaren gaineko babes-neurriak berrikustea da planaren ardatz nagusietako bat.