Energia eolikoaren euskal sektoreak energia berriztagarrien arloan duen lidergoa erakutsiko du Japonian
Energia eolikoaren euskal sektoreak energia berriztagarrien arloan duen lidergoa erakutsiko du egunotan REIF 2020 (Renewable Energy Industrial Fair) azokan, sektoreko azoka garrantzitsuenetako batean. Wind Energy Basque Country markaren babesean, azokan parte hartzen ari dira Energiaren Euskadiko Kluster Elkartea (ACE) eta klusterreko bazkide diren hainbat enpresa, SPRI Taldeko Basque Trade & Investment–Nazioartekotzeko Euskal Agentziaren laguntzarekin.
Hitzordua Fukushiman (Japonia) da, urriaren 28 eta 29an. Eusko Jaurlaritzak harreman estrategikoa du eskualde hartako prefekturarekin, eta horren erakusgarri da ACE eta Energy Agency Fukushima erakundeen arteko lankidetza, besteak beste. Aurten urrunetik parte hartuko badu ere, Euskadik presentzia handia izango du azokan: stand propioa izango du, ekitaldiko mintegi garrantzitsuenean parte hartuko du, eta onlineko B2B bilerak antolatuko ditu Euskadiko eta Japoniako enpresen artean.
Hantxe aurkeztuko ditu klusterreko bazkide diren zazpi enpresaren proiektuak: Saitec, LIFTRA, PI Berlin, Euskabea, Esteyco, HWS eta Isati. Aukera ezin hobea da euskal industriak energia eolikoaren arloan duen potentziala erakusteko. Euskadin badira ehun bat enpresa, EAEn bertan 4.000 pertsona enplegatzen dituztenak eta 35.000tik gora mundu osoan.
Marcos Suárezek, Energia Klusterreko Energia Eolikoaren arloko arduradunak, Japoniako erakunde eta enpresei aurkeztuko die Euskadik duen lidergoa trantsizio energetikorako funtsezkoa den sektore honetan. Euskadi “mundu osoko sektore eolikoan diharduten enpresen kontzentrazio handieneko eskualdeetako bat bilakatu da” adierazi du Suárezek. Guztira, sektore horretako euskal enpresek 16.000 milioi euro inguru fakturatzen dituzte.
Suárezek azpimarratu du arlo horretako euskal enpresa-sarea oso berritzailea dela, urtean 40 milioi eurotik gora inbertitzen dituelarik berrikuntza teknologikoan. Energia Klusterreko Energia Eolikoko arduradunaren arabera, “Europar Batasunak antzeko diru kopurua bideratzen du energia eolikoko proiektuetara, berrikuntza arloko programa handienaren bidez: Horizontea 2020”. Bestalde, sektore horrek lotura estua du nazioartekotzearekin, “250 ordezkaritza baino gehiago baitauzka mundu osoan”; izan ere, nazioartekotzea Eusko Jaurlaritzaren apustuetako bat da eta hazkunde-aukera garrantzitsua trantsizio energetikoaren testuinguruan.
Klusterraren arduradunak nabarmendu du euskal enpresek sektore eolikoaren balio-katean sartzen diren produktu eta zerbitzu ia guztiak eskaintzen dituztela: “Une honetan Euskadin badauzkagu aero-sorgailu baten osagai garrantzitsu ia guztiak fabrikatzeko gai diren enpresak. Fabrikatu ditzakegu errodamenduak, sistema hidraulikoak, sorgailuak, bihurgailuak, dorreak, zimenduak…” aipatu du.
Horrez gain, Suárezek azpimarratu du Euskadi lan handia egiten ari dela energia eoliko flotagarriaren sektorean, eta badirela gutxienez lau euskal enpresa horrelako plataformen garapenean lanean ari direnak: Nautilus, Saitec, Esteyco eta Isati. “30 bat enpresa daude mundu osoan, plataformen garapenean horrelako heldutasun-maila dutenak. Hortaz, horietako lau Euskadin egotea oso garrantzitsua da gurea bezalako eskualde txiki batentzat” aitortu du. Konpainia horiekin batera, kontuan hartu behar dira horrelako plataforma berritzaileen osagaiak egiten dituzten hornitzaileak ere.
90eko hamarkadaren erdialdetik aurrera “sektore eolikoan lan egiten duten enpresen balio-kate oso bat sortu da Euskadin”, neurri handi batean, bertan dauzkagulako Iberdrola eta Siemens Gamesa bezalako mundu mailako erreferenteak. “Ia osagai guztiak manufakturatzen dituzten enpresak ostatatzen ditugu, baina baita ere instalazio, operazio edo mantenimendu faseetarako zerbitzuak eta ekipoak eskaintzen dituztenak”. “Gainera, konpainia horiek nazioartekotuta daude eta sektoreko enpresa garrantzitsuenen hornitzaileak dira”.
Euskal enpresek nazioarteko merkatuetan duten presentzia bultzatzea da SPRI Taldearen helburuetako bat. Horretarako, Basque Trade and Investment-Nazioartekotzeko Euskal Agentziaren bitartez, leihatila bakar batean integratu ditu bere baliabide eta laguntza guztiak, sektore eta herrialde desberdinei buruzko ezagutzari esker eskaintzen dituenak.
Lotutako albisteak
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
GAIAk IKT sektorearen prestakuntza-beharren diagnostikoa egin du eta merkatuaren eskaerei erantzuteko prestakuntza-ibilbideak garatu ditu
GAIAk azpimarratu duenez, sektoreko eta gobernuko erakundeen, sozietate publikoen eta hezkuntza-sistemaren parte-hartzea funtsezkoa izan da azterlanari balio erantsia emateko
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.