Erresuma Batuko ingurumen-merkatuaren azterketa. Negocio Aukerak

BasqueTrade Nazioartekotzeko Euskal Agentziak, ACLIMArekin batera, ingurumen-merkatuari eta gure enpresentzako negozio-aukerei buruzko azterlan bat egin du 8 herrialdetan: Alemania, Txile, Kolonbia, AEB, Frantzia, Italia, Japonia eta Erresuma Batua. Ondoren, Erresuma Batuari dagokiona aurkezten da, gainerako guztiak jadanik aurkeztu direlarik.

Bertan, sektore hau Euskadin egituratzen duten sei balio-kateak zehazten dira,

• Hondakinen kudeaketa
• Uraren ziklo integrala
• Lurzoru kutsatuak
• Ingurumen-kalitatea
• Fabrikazio ekoeraginkorra eta ekodiseinua
• Ekosistemak

Ingurumen-merkatuaren balioari dagokionez, Erresuma Batua munduko 5. merkatu handiena da, eta Europa mailan bigarrena, Alemaniaren atzetik bakarrik; izan ere, 2020an 54.400 milioi dolarreko balioa izan zuten.

The Environmental Act 2021 ingurumen-araudi berria, Ingalaterran eta Galesen aplika daitekeena, aldarrikatzeak Europako ingurumen-araudia ordeztea dakar, ingurumen-legeriarik berritzaileenetako bat izanik, EBk berak eskatzen dituenak baino helburu anbiziotsuagoak ezartzen ditu eta ekonomia zirkularreko ereduetarako trantsizioarekin konprometitzen da.

Hondakinen kudeaketako eta uraren ziklo integraleko balio-kateak dira ingurumen-sektore nagusiak Erresuma Batuan, nahiz eta egiturari dagokionez oso desberdinak izan. Hondakinen sektoreak 14.000 milioi libera inguruko negozioa du urtean (54.000 milioi USDko merkatu-balioaren guztizkoaren gainean), eragile ugariz osatuta dago, eta nazioko merkatua artatzen du, nazioartean lehiakorra den aldi berean. Gainera, sektore horrek du inportazio-bolumen handiena (8.400 milioi USD, 19.000 milioi USD ingurumen-inportazioen guztizkoaren gainean).

Inbertsio-itxaropenei dagokienez, Environmental Agencyk 2020/2025 planerako inbertsio handiak planteatu ditu. Uraren sektoreak bakarrik aurreikusten ditu 50.000 milioi liberatik gorako inbertsioak 2020-2025 aldian, aurreko aldiarekin alderatuta % 13ko igoerarekin. Hondakinen kudeaketan, bestalde, 2021az geroztik, 2040rako ezarritako zero emisio garbirako konpromisoa dago. Konpromisoa 10.000 milioi libera esterlinako inbertsioaren bidez babestuko da, birziklatzeko azpiegitura eta teknologia berrietan, metano-isurien atzipenean ardaztuta (helburua: metano-harrapaketa % 85 handitzea 2030erako).

Merkatuan sartzeko, brexit-aren ondoren erantsitako zailtasunei erreparatu beharko zaie, hala nola EBtik esportatutako produktuen muga-zergen salbuespenerako jatorri-arauari. Erresuma Batua merkatu irekitzailea, dinamikoa eta atomizatua da, atzerriko ondasunak eta produktuak erosteko joera handikoa; bertan, teknologia-, finantza- eta merkataritza-apustu sendo baten bidez lehiatu beharko da.

Txostena HEMEN