ETEentzako laguntzak, nazioarteko inbertsio publikoko proiektu pilotuetan parte har dezaten
Pilotu programak kostuen % 51erainoko itzuli beharrik gabeko dirulaguntzak ematen ditu
Eusko Jaurlaritzak Pilotu programa abiarazi du SPRI Taldean integratutako Nazioartekotzeko Euskal Agentziaren bitartez; programa horrek laguntzak eskaintzen ditu euskal ETEek nazioarteko inbertsio publikoko proiektu pilotuetan parte har dezaten. Itzuli beharrik gabeko dirulaguntzak ematen ditu, eta eskaerak egiteko epea zabalik dago urriaren 30era arte.
Nazioartekotzeko Euskal Agentziak diseinatu eta abiarazi du Pilotu programa, 200.000 euroko zuzkidurarekin eta helburutzat harturik erantzuna ematea euskal ETEek euren nazioartekotze-prozesuetan dauzkaten eskakizun berriei. Kasu honetan, laguntzak bereziki zuzentzen dira nazioarteko inbertsio publikoko proiektu pilotuen diseinu eta garapenera, betiere sozialki errentagarriak eta jasangarriak badira.
Euskal enpresei laguntzeko premia hori sortu da, badaudelako proiektu berritzaile bat probatu nahi duten udalak, garapen agentziak eta nazioarteko izaerako beste figura batzuk, proiektu horiek funtzionatzen dutela bermatu nahi dutenak nazioarteko lizitaziora eraman aurretik. Hala, euskal ETEak igurikapen hobeekin eta arriskuak minimizatuko dituen esperientzia batekin sartuko dira prozesu horietan.
Funts multilateralek mundu osoan finantzatzen dituzten azpiegitura-proiektu handiek aukera ugari irekitzen dituzte proiektu berritzaileentzat, zeintzuetan aurretiazko prototipo bat behar baita inbertsio handiak egin baino lehen, proiektua bideragarria eta jasangarria dela bermatzeko. Agentziak erabaki du test horiek abiarazteko laguntza emango diela euskal enpresei, eta erabaki hori beste modu bat da euren lehiakortasuna nazioartekotzearen bitartez bultzatzeko.
Hala, Pilotu programan proiektuaren gastuak partekatuko dira: kostuaren % 49 pilotua ezarri nahi duen nazioarteko erakundeak estaliko du eta gainerakoa proiektua garatuko duen euskal enpresak. ETEak Nazioartekotzeko Euskal Agentziaren dirulaguntza jasoko du proiektuan parte hartzeko, gehienez kostuaren % 51raino eta 50.000 euroko mugarekin. Proiektuaren zenbatekoak ezingo du izan 250.000 euro baino handiagoa.
Dirulaguntzaren xede diren kontzeptuak dira proiektuaren diseinuarekin eta inplementazioarekin zerikusia dutenak, eta baita ere emaitzak eskuratu eta aztertzearekin lotuta daudenak, hala, pilotuan zehar lortutako esperientziaren arabera, jakin ahal izango da posible den pilotu hori bolumen handiagoko proiektuetan erreplikatzea.
Lotutako albisteak
Euskadik nazioarteko estrategia indartu du Bruselan
Basque Trade & Investmenten ordezkaritza batek Belgikako hiribururako misioa egin du aste honetan, Europar Batasuneko politiken, finantzaketa-mekanismoen eta hainbat sektoretako negozio-aukeren ezagutzan sakontzeko
Imanol Pradales: “Bizi dugun une historikoan, munduak eskaintzen dizkigun aukera guztiak aprobetxatzen jarraitzeko erabakia eta anbizioa dugu, baita Estatu Batuetan ere”
Sektore aeroespazialeko hainbat euskal enpresatako ordezkariekin eta Basque Trade & Investment (BT&I) Agentziaren ordezkari batzuekin elkartu da Imanol Pradales Lehendakaria, Washingtonen
Euskadik Brasilgo itsas-sektore eolikoko erakunde nagusiak hartu ditu hango merkatuaren garapena bultzatzeko misioan
Flanders Investment & Trade eta Euskadiko Energia Klusterraren lankidetzaz antolatutakoa
TH Company, munduko liderra arrantza sektorerako makinetan Mungiatik
Mundu osoko 500 atunketari baino gehiagok dute enpresa horren teknologia eta % 75eko merkatu-kuota du.
Kanpo merkataritzari buruzko prestakuntza behar duzu? Eman izena lehenbailehen nazioartekotzeko BEINT beketan
Programak 3,6 milioi euroko aurrekontua du eta bi urtez prestakuntza ematen die 30 urtetik beherako gazteei, kanpo merkataritzan espezializatu daitezen euskal enpresa eta erakundeen premiei erantzuteko. Eskaerak egiteko epea zabalik egongo da martxoaren 7tik apirilaren 10era.